سعدوني الله يسعدكم بالدنيه ولاخر

بنات سعدوني ممكن
انا احتي حامل ومو عرف شتستري للبيبي وممكن تساعدوني واهيتشتري ملبس قولها لا تقول كيفي وشكلها ما تعرف قولها شتري هذي وهذي تقولي شكو مو لازم شسوي فيها تصدقون شتري بس 10 قمصان بيبي مع طقيه3 و كسوس وجربات بيبي كلهم طلعو 85

اختي ريحه فيها ممكن تساعدونا من وين نجيب غراض البيبي وما تعرف شوي قولها شتري كبت للبيبي تقول مو لازم شسوي

يليت تساعدوني جنها تصرف الفلوس بسرعه ومو عرفه شي

شوفي بالنسبة للملابس قوليلها تروح سرداب عيد النصار صوب سوق الذهب اللي بالديرة كل سوالفه للمواليد يعني للتجهيز و اسعاره وااايد زينة يعني اذكر يوم اروحلهم خمطت منهم الاكو و الماكو ما طلع علي يمكن 25 حتى! و عندج بعد مذركير و اتش اند ام بس خل تنطر التنزيلات يعني مثلا مذركير تشري الست مال البيجامات تاخذ 2 ا و3 مالوت النيوبورن و و نفس الشي من 0-3 لأن ماشالله بيبي النفاس بسرعة يكبر و بالنفاس بعد مشكلة التوصخ و الهدوم ساعات تبلل فتحتاج بعد ملابس داخلية نفس القصة من 6 الى 9 قطع و بالنسبة للكبت تاخذ كبت صغير انا خذيته من محل العيسى اللي بالري يم سنتر بوينت اشحلاته لون فاتح و صغير تحسينه مال يهال و كواليتي يعني عيزت انقل فيه و ما اشتكى، المهادات بعد لا تكثر يعني 4 او5 بالكثيييير
و بعدين حبيبتي اذا هذا بجرها فلا تلومينها انا اذكر قطيتي فوق 1500 بس تجهيز حقه و أشياء مالها داعي 3 ارباعها ما لبسها و لا احتجناها بس يا ربي من فرحتي فيه و عسى ربي يتمم عليها انشالله و يرزقها بالذرية الصالحة

مشكوره ياحياتي بارك الله فيجي وفي ردج لي يليت شوف باقي البنات يردون علي يقولولي يا متزوجات ساعدو اختي
الله يرزقكم بذريه صالحه

16 بنت ولا وحده فيكم ردت علي بس 1 علي 16 بنت مشكورين يا حباب قلبي بس والله اهي ما قصرت بالمساعده بس انتو الله يهديكم ما عندكم يهل الله يرزقكم بللي تبونه

حبيبتي وايد اماكن تشتري منهم :
1)مذركير
2)سنتربويت
3)عيد النصار
4)اش اند ام

و روحي نساء وحمل وولادة بالمنتدى في وايد مواضبع عندهم تخص تجهيزات المواليد

تروح عيد النصار

ولاند مارك ومذركير تنطر بالتنزيلات تروح لهم مشاءالله كل جم يوم تنزيلات

وخل تشتري حق الياهل الي من 0-3 ولا تكثر وايد يعني تقريبا 12 طقم كافي اذا مو اقل لانه ماتعرف حجمه وبعدها اشوي اشوي تشري له

وعلى فكره مذركير يردون لها الملابس اذا ماتبييي تستعملهم وهذا الحلو فييهم ماتستخسرين تقطين فلوسج عندهم

شوفي حبوبه

سنتر بوينت عجيب تقدر اجز البيبي كلللللللللللللللللللللللللله من عندهم واسعارهم معقوله بصراحه

وخل تاخذ من 0-3 و3-6

ونصيحه لا تاخذ نيو بورن

التجهيز مو بس ملابس
عندج جهاز استيلايزر لتعقيم المميلت
جهاز لتسخين الحليب لانساعات اتسوينها ويشرب شوي ويتعب وتكملينها عقب ربع ساعة
حوض وادوات للحمام
مشط ناعم ومقراضة صغيرة ومنظف خشم
كريم لمنطقة الحفاض وقطن ومناديل للتنظيف وماعون باول خاص لتنظيف الطفل
وكفر لحمل الطفل للطلعة او عشان اذا احد شالة يشد ظهرة
سكر نبات ومميات ومصاصة وفرش للتنظيف وصابون خاص للتنظيف
والملاب مثل ماقالو البنات الاغلبية بجامات وجم مهاد قطن وغطا خفيف وثقيل وكبوس عشان الهوا مايدخل راسة وفوط …الخ

مشاااااااااااااااااااااء الله

البناااااااااااااااااااات قالوا وفووووووووووووا

وبصراحه لاتكثر ترا والله البجر تشترى ونصهم ماتستخدمهم نهااااااااائى

والله يتمم عليها يارب

انا جهزت من لاند مارك وايد احسن وارخص من مذركير

المقاسات اخذت من 0-3 و3-6 حق اول فتره

لان بيبي يكبر بسرعه وكثرت الفنايل الحفر والسداري وكبوسين حق الراس

والمميات اول فتره زجاج حق التعقيم وغير طقم الحمام والفوطه تاكدي

انها قطن ناعم وطقم صابون للسبوح وشامبو وكريم للحفاظ انا افضل ماركه

سيباميد وطقم المقراضه والمقص للاظافر و المشط وجنطه للطلعه حق اغراض بيبي

وشوفي لاتشترين جوتي لان الطقم الكامل زين يغطي الريل اول فتره الجوتي زينه

واخذي بدلتين للطلعه اذا احد زارها بالبيت بالنفاس

ان شالله يكون هذا كل شي تحتاجه اختج واذا تبين شي حاضرين

انا تجهيز عيالي من عيد النصار
حلو وكل شي فيه

مشكورين مشكورين مشكورين يا حبيباتي بس ما قالتو لي من وين نشتري مفرش عشان الولده ابيه حلوو ذربه ومن وين نشتري سرير البيبي ما نبي تقاليد
والله ما قصرتو كفو كفو بخواتي بس ما قالتو لي جم تكليفكم ولا تستحون مني وانا اسفة علي سؤالي الفاضيه

سامحوني يا حبيباتي
اختي الصغيره اهي للي كتبت وما كنت علي الجهاز والله انها ملقوفه بس ما قدر اعدله الموضوع فنزلته مره ثاني