|
|
بسم الله الرحمن الرحيم
خواتي جم وحده فينا تتمنى تخشع بالصلاة ؟ دايما كنت اسمع عن ناس تدخل عالم ثاني فى الصلاة من شدة الخشوع.. ودايما اتذكر ان فى نهاية كل صلاة ملكين يقولون للي ماخشع بالصلاة ضيعتها ضيعك الله !
وأكثر شي يأثر فيني ان اول مايحاسب عليه المرء الصــــــــــــــــــــلاة ! يعني اذا صلاتج اوكي كل شي راح يكون طيب اما اذا صلاتج (….) ؟ فا معناته ان الوضع خطير ؟؟
والله يابنات حطوه مقياس الحين وانتي تقرأين كلماتي تذكري آخر صلاة لج اشلون كانت ؟؟
بدخل بالموضوع وآسفه على الاطاله
والله يابنات كل مااروح سوق او منتزه او انا بالمطار او بالجمعيه ويأذن لصلاة اصلي واحافظ على صلاتي .. لكن وين الخشوع افكر بالصلاة شنو راح اشتري اذا انا بجمعيه او اشلون الديره اللي بروحلها اذا بمطار ,,مافي خشوع؟ منها بديت اخاف وصرت اردد كل ماادخل صلاتي بيني انا ونفسي " مالي الا صلاتي والله مونافعني شي ياويلي باجر اذا صلاتي ماقبلت "
وظليت على هالطريقه فتره من الزمن …. بس هم مافى خشوع 100% اوكي حتى 50% مافي ؟؟
وبعدين ضفت شي ثاني "السكون" ومعناته اني انفذ اركان الصلاة بهدوء تام ..والله صرت امثل.. حركه بطيئه.. ارفع ايدي ببطئ وهدوء ..اكبر بهدوء …يعني طبقت الخشوع جسديا فقط,,,, """" وسبحان الله """"" ماتوقعت ان كل شي مرتبط ببعضه
الخشوع بدا يتسرب لنفسي بس ها ,,, من اول صلاة! بعد مره ومرتين وثلاث واربع ….
بس هم ماوصلت للي ابيه ,, مالي الا صلاتي تذكروا هالشي فى حياتكم
وقعدت افكر لازم تكون صلاتي 100% مو مكياجي .. مولبسي … مو لوكي الجديد …(وهاالامور طيبه بس صلاتي اهم)
هذي صـــــــــــــــــــــــــــــــــــــــــــــلاتي … مالي غيرها في قبري
ووصلت لأروع سر للخشوع
تدرون شنو …. " الجبار " اسم من اسماء الله الحسني
انا اقولكم اشلون ….
صرت اول ماادخل الصلاة اتخيل نفسي جدام بوابه كبيـــــــــــــــــــــــره انا عندها حصى امام جبل وهالبوابه هذي باب من ابواب الجنه …. والجبار العظيم ربي "الله "عرشه خلف هالبوابه …. انا مااشوف شي بس هالبوابه العظيمه وخذوا وصف ابواب الجنه من اي كتاب او من النت … اتخيل نفسي واقفه فقيره مسكينه مقطعه ملابسي ذليله اطلب الجبار يرحمني يغفرلي لاني عاصيه مذنبه خطاءه ………….واو شعور مو طبيعي …..
واسجد لله واتخيل نفسي جدام هذي البوابه واطلب الله واستغفر …. وماكو صوت ولارد …. واستشعر اكثر اشلون الذنوب جعلت الله يصد عني … ولكن الله قريب مني يسمعني ويجيب دعائي ….. ولكني مااسمع صوت ….
ولما اسلم …. امسح دموعي واصفط سجادتي واقوم بتواضع عن هالبوابه …
وكل ماصلي اقول فى نفسي ياربي هذا انا جيت …. اوقف عند بابك ارجو رحمتك ياجبــــــــــار …..
وسلامتكم …… اتمنى فدتكم ومابي الا الاجر من الله والدعاء منكم ان يثبتني الله على مايحب الى ان القاه كما يحب…..
صح المفروض الواحد يصلي بغرفة هادية و يسكر الباب عشان يقدر يركز بالصلاة
و نتخيل الله سبحانه جدامنا يطالعنا و احنا نصلي
مشاااء الله عليييك .. طريقتك حلووه .. والله يجاازيك الجنه ..
انا كذاا اذا صلييت اتخيل نفسي قدام ربي .. وانا حجمي صغيير . وذنووب وكل شي ..
واستغفر مراات الشيطان يوسوس ويخلييك تتذكرين سالفه وتسهين .
والله يتقبل منا ومنكم .. ياارب ولا يحرمنا جنته .. والله يوفقك ويحقق لك مرادك ..
اللهم يتقبل صلاتنا وكل عباداتنا
اللهم امين
ويتقبل منا كل صلواتنا
عسى ربي يغفر لنآ
آنآ مرة ذكرت بموضوع آحدى آلآخوآت عن آلخشوع إذآ جت حزت آلصلآة رحت لغرفة بروحي وسكرت آلبآب
يآلله سبحآن آلله آحس آني بعآلم بروحي
سبحآن ربي آلعظيم
جزآج ربي آلجنة يآلله
وانشاءالله يثبت موضوعج لأن فعلا الخشوع بالصلاة واااييد مستهينين فيها
واستغفرالله ربي يارب اغفرلي .. كنت مثلج بالصلاة اتيلي افكار ثانية .. وانشاءالله يارب تهدينا وتقبل صلاتنا بأفضل قبول
والله شوقتيني للصلاه من كلامج وطريقتج وان شاء الله بسوي نفسج والله يثبتنا ويعينا على طاعته وعبادته يااااااااارب
جزاااج الله خير راااح اسوي مثلج
لان احس صلاتي مافيها خشوع
هاذي الله يوفقك