|
|
السلام عليكم ولاحمة الله وبركاااته…
شلووونكم بنات شخباررركم خل اقووولكم سالفتي واللي صار معاي
ولله الحمد أنا عندي يوسف وأمونة وما كنت مخططة أحمل بس ولله الحمد الله كتب أني أحمل
المهم أخر دورة كانت 5 _9 انا كنت حاااسة أني حامل المهم بتااريخ 4_10 يعني قبل موعد دورتي بيوم
كنت تعبااانه وانفلوونزا ومريضه حدي بس قلت ما ابي أخذ دوا الا طبعا لما اتأكد أني حامل ورحت حللت
هرموني طلع weak postive المهم دريت أني حااامل وفررررحت لاني ريلي كان يبي عقبها رحت دكتور أحمد
الشااذلي ( أستغفر الله وتحسفت أني رحت له) ما حبيته كلش وعطاني مضاد لاني كان معاي التهابات وأنتو
بكرامه وشكثر ادووويه وقالي أبيج تسوين تحليل هرموني عشان نشووووف نسبه الهرمووون ورحت سويته له
وهالحجي كان عقب 7 أيام من الدورة ويوم يت عنده قالي لالالا ابيج تعيده لاني بتأكد انه الحمل ماشي كووويس
وسمعت كلامه ورحت عدته ويوووووووووووووووووم عدته ما زاد ووايد شويه بس طبعا طقته البوووهه وشفت
وويه انعفس قلت له عسى ما شر قااال لالالا تيجي نعمل سونار داخلي أنا ما رضيت ولا يوم خلاص بعطيج فرصه
ونعيده بعد 3 أيام ونشوووف طبعا أنا ما رحت عنده ورحت دكتورة يديده ما ابي أذكر اسمها ولا تقووول اسونار
العادي ما يبين وكل كلام الدكتور اللي قاله صح نسبه الهرمونة قليله وايد وايد وجان تقووول لالالازم اسويلج
سونار داخلي المهم رضيت ولا تسويلي وتقووول انا لقيت جيس بس ما فيه جنين المهم قمت وكتبتلي تقرير وقالت
لي تعالي وعيدي التحليل ونفس كلام الشاااذلي انا قلب ما صبر ولا ارتحت وخرعووني واول مره يصير معاي جذي
المهم مدحووولي محمود الاسطل وايد وقالولي اهو الصح ورحت طبعا وقالي عشان نتأكد لالالالالالالالالازم نسويلج
سونار داخلي وووووواي ذبحوووني ورضيت بلأمر الوواقع وخليته وعقبها قالي لا في جيس ولاشي.gif "Eh S(11)")
ويوم قعدت قالي يا ماما كان في حمل بس مات يعني ضمر وراح تنزل عليج الدورة بعد يومين وفعلا يوم22 10
نزلت علي وبين كل شي وقالي ما تحتاجين تنظيفات والحمدلله على كل خال والله يعووضني ويرزقك كل
اللي يتمنون اليهال يااااااارب
وعندي جم نصيحه لكم: يابنات اذا حملتو سواء الياهل الاول اول اليااهل2 أو ال3 أو ماعندج يهال وحملتي
لالالالالالالالالالالالالالالالالالالالالالالا تقولين حق أحد والله الناس ماترحم والله عن تجربه أستغفر الله
وأبيكم تدعون لي أن الله يرزقني ويعوووضني ومشكورين وساامحوني طولت عليكم
ويرزقنا اجمعين
بس شنو الاسباب ؟ ليش ضمر ؟
وانا معاك مو لازم العالم يدرون انا وزوجي وبس
لين اتم شهرين وشوي بعدين اقول
تصدقين سويتها ببنتي ورتحت من حنتهم بالشهر التاسع لانهم يحسبوني بالسابع لووووووووول
و صج انا هالمرة ماااااقلت حق و لا احد قطيعه عيونهم ما ترحم و خاصه اهل زوجي عيونهم ليزر
بس ودي اسئلج
تذكرين جم كانت نسبة تحليلج الهرموني؟؟
لانه صارلي نفسج وودي اعرف
سماهر والله الدكتور قالي أنه نوع الحمال هذا يسموونه حمل كيميااائي ويصير حمال بس ما يتم لضعف البووويضه
في بحرهم صج كلامج والله خو انا رحت بيت اهل ريلي وبااجرها قالولي ان راح ينزل أعوذ بالله والله الرزاق وأعوذ بالله من شر الحاااسدين
كووفي غيرل مشكورة وما قصرتي شرفني مرورج
شي حلو مشكورة ومرورج شرفني
زااااااجل مشكورة يا قلبي وما قصرتي على اهتمامج
أبله هيااام والله صج كلامج وهذا اللي صار فيني صج الناس فضيعه يحسدون الميت على موته الجمعه استغفر الله وان شاء الله هالشهر انا وأنتي بس نعلم بعض والله يرزقج بأذن الواحد الاحد
ضي يا قلبي أنا لما سويته كان 98 وشوي هذا عقب أسبوع من الدورة وقالي الدكتور لالازم يتضاااعف وايد ويوم عدته بعد 3 أيام صار 165 وشوي وطبعا ووايد هذي النسبه قليله لازم تكوون بالالاف عشان جذي ما تم ومات وعلى فكره الحمل الطبيبعي يتضاااعف كل 48 ساعه لالالازم والله يرزقج ويعطيج اللي في بالج يااااااارب
لميا مشكورة والله يعطيج اللي في بااالج
الله يعوضك ان شالله وماتشوفين شرر
الله يسهل امري وامرك وامر كل مسلمه بالحمل السليم والمتعافي وبالذريه الطيبه المباركه ياحي يااقيوم
ربي يرزقج بتوم صبيان يطلعولج قرون