|
|
السلام عليكم
بنات انا مشكلتي مع زوجي والله تعبني من أول ما تزوجت والله وانا صارلي خمس شهور كل ما تم قالي بسافر مع ربعي وانا مادري شسوي معاه والله يقولي ألحين بسافر مع ربعي جم يوم ياناس شسوي والله تعبت معاه بصراحه ما أبيه يروح وتهاوشنا وتناجرنا ………..
فيدوني بنات
حاولي منتي خسرانه شي
بعدين قوليله ليش ماتسافر معاي انا ولا انا ما اونس ؟؟
انزين اطلبي منه مصرف مبلغ وقدره اصقعيييييه خخخخخخ <<<<نصابه
قوليله عندي عرس فلانه بنت فلان او وحد ولاده او تبي تعرس يعني الواجب او احد نجح او صالون يبي منج جذي
لا تخليله فلووووس عشان مايسافر
و اذا عطاج فلوس وسافر على الاقل طيبتي خاطرج :
لا تخربين على نفسج بسبب سفراته
وادعي انه يبطل سفر وقوليله سفرني معاك
مالج الا الصبرر تحملي
فأنتي بدال لا تخلينه يروح زعلان ومتضايق وهناك يحلاله الخيط والمخيط جربي كتبي بورقه دعاء او قران انه الله يحفظه وحطيها بوكه او جيبه او بالجنطه وبكل مكان عشان كل ما فتح شي ولا لبس شي يلاقي ورقه فيها قران ودعاء ,,
وونسيه ولا تنسين ليله الي بيسافر فيها شبعيه وونسيه وضحكي معاه وحسسيه انج تبين الوناسه له ياقلبي ,,
ادري شي يقهر بس احين مايروح واهو زعلان ياقلبي ,,
وانا اقولك سالف السنه لي طافت واحد رفيج زوجي سافر لدوله عربيه ويوم رد يانا البيت وانا سمعت سوالف طقيت على راسي مع انو كثير محترم بس طلع مو هين قاعد يقول لزوجي انو وايد استانس ووكل يوم ينام مع بنتين مو وحده لا اثنين وزوجي مستغرب قاعد يقوله ومرتك ما حست يقول لا كل ما تدق على اطلع مكان ثاني وكلمها واقول لها والله ندمان ليش سافرت ديره كلش مو حلوه وضايق خلقي بس ناطر متى ارد والله وانا ركبي تضرب فبعض وانا اتصنت ومو مصدقه يقول له بس اخر يوم نمت بروحي عشان لما ارد مرتي ما تحس اني شبعان والله مرته ما عليها قاصر والله كشخه واناقه ومنصب ومن عائله معروفه بالكويت كان نفسي ادق عليها واقول لها بس خفت من المشاكل وبنف اليوم هاوشت زوجي وقلت له ليش ما تنصحه مو خايف عليه من الامراض ومن عقاب الله وبعدها نزلت موضوع عن سفر الازواج وطلبت من كل وحده تمنع زوجها يسافر بروحه طبعا من لي سمعتو بس لاسف الرضوض كلها هجوم علي وعادي في ناس تقبلو النصيحه والله يعينك
بس انتي كلما منعتيه اكثر
كلما عاندج اكثر
خصوصا انكم بأول زواجكم
ما يبي يحس ان مرة تمشيه
وانتي عارفة تفكير الكويتي
تلقين ربعه يضغطونه
ها ماتقدر؟؟ المرة مو راضية؟؟ سكانة مرته؟؟
ومن هالحجي عشان يشيشونه اكثر
انا من رايي خليه يروح عن طيب خاطر منج
وقوليله بس توعدني بسفرة معاي لي رجعت
وان شاء الله يهتدي ويهون