|
|
قووووووووة بنات
انا محتاجة أشاوركم
ولا خاب من أستشار
أنا معلمة وعندي أطفال بالابتدائي وأحضر الدكتوراه
ومقدمة على إجازة دراسية
لكن مع زيادة الكادر والقرض الجديد اللي اخذنه للبيت ويقص نص راتبي وماراح يبقى من الراتب الا 250 تقريبا لان الاساسي بينقص للقرض
فهل أخذ الاجازة لاني محتاجة اتفرغ للبحث ولا اضغط نفسي واجمع بين التدريس والدراسة والعيال عشان لا يطيح من راتبي 500 دينار اللي هي الكادر
علما ان مصاريف البيت والدراسة على والبعثة بس اجازة من الدوام بدون مستحقات
ابي رايكم اليوم لان القرار بتاخذة ووقعة بهاليومين
والله يوفقج حبيبتي
انا ماخذة اجازة دراسية فقط مو بعثة من دوامي وزارتي مو تبع احد
وتقريبا المصرف كله علي
ومحتارة اخذها ولا لأ؟؟
المشكلة معتمدة على الكادر لان راتبي ما يبقى منه بعد القرض الا 250
وريلي يعطيني مصرف العيال 150 وبس البيت كله علي من اكل وشرب ولبس وطلعات لكن التموين عليه
شرايكم اخذها ولا لأ
لأن وايد كنسلوها بعد زيادة الكادر
مو الريال مفروض يدفع جمعيه وطلعه ولبس وكل شي لج ولعياله
ليش ريلج بس اييب الماجله
مادري انا شنو ظروفكم وشنو متفقين عليه
بس مادري لفتت نظري هلشغله
ومادري من رايي حييل شويه الي بيبقا
اذا مثل ماتقولين كل شي عليج
بتلحقين شنو ولا شنو ؟؟