|
|
أشلونكم حبايبي
اشلونكم يا أمهات
انا يا طويلات العمر ولد حماااتي عندي وعمره شهر
حماتي بوقت الولاده طاحت بغيبووبه شهر بعدين ماتت الله يرحمهاااا
ولدته اول الثامن وحطووه بالشيشه طول ما أمه بغيبوبه هو بالشيشه
سبحان الله لمن ماتت بنفس اليوم طلعوووه من الشيشه ما شااافته حتى
الله يغمد روحا الجنه
والدكتور عطه ابوه هالحليب
والله يا بنات كلا بطنه غااازات اعطيه حبه حلوى ما ينفع اسدحه علي بطنه يرتاح عمري
كلا يبجي وطلع غااازات بطنه ذااابحه من الغازات
أنا سألت الي معاي بالدوام قالولي من الحليب ولمن شااورنا الدكتور قال كيفكم اذا بتغيرووون الحليب
ومرت حماي قالت عطييييه هالحليب
اسمه نانا بس ما اشوفه يتحسن لمن شربته منه
ومسئولتي بالدوام قالتلي عطيه حليب اسمه اس 26 تقول مثل حليب الأم
انتوا اشرااايكم؟!
شنو اعطيه واي حليب تستخدمون حق اعيالكم الي مثل عمره؟!
وشنو احسن حل للغازات؟!!
لا تقولون وديه الطبيب محد مأذييييه غييييرهم.gif "Eh S(14)")
وهو بالشيشه اشكثر يسحبون منه دم لمن صار فيه فقر دم واشكثر يسحبون منه تكرمون بول لمن صار فيه التهاابات بالبول
للأمانه سااعدوني
حبيبتي شوفي بالنسبة للحليب فطبيعي أي حليب صناعي راح يسبب غازات الى عمر 4 شهور تقريبا ياااله راح تحسين بالفرق و بعدين بالنسبة للحليب أبتاميل اللي أول واحد هو تقريبا أحسن نوع و أقرب تركيبة لحليب الأم و اس26 بعدي عنه خييير شر صج انه يتفخ الياهل بس عاد تعالي مسكي غازات و امساك و انتي جربي معاه أبتاميل كومفورت يمكن يضبط معاه بس أرد أقولج الغازات راح تتم ماكو فايدةو بعدين لا تقعدين تغيرين بحليبته حرام خليج على نوع واحد و مثل ما قلتلج أبتاميل هو التوب بشهادة أغلب دكاترة الأطفال
ابتاميل كومفرميل حلو يريح البيبي بس مايمشي مع اي بيبي في يهال يرجعونه
اقرب حليب حق حليب الام اهوا اس 26
انتي جربيه وفي نقط بالصيدليه حق غازات البيبي انا استعمله حق عيالي بس ناسيه اسمه
وماي الغريب بعد زبن
حليب اس 26 اذكر يوم بنتي صغيره ماشاءالله ابدا ما اشتكيت من الغازات
وولد حماي نفس عمر بنتي تأذو ماخلو طبيب لدرجة صار فيه فتاق من البجي
وعطوه حليب موفولاك خاااااااص للغازات والمغص
وانتو امشو على طبيب وااااااااااااااااحد
في دكتور كويتي بدار الشفا
اسمه عبدالله شمساه وايد زين حتى يدخل النت ويشرحلج الحاله بالصور
و يهدي و يصلحه و يسخر له كل العباد
بالنسبة للحليب
اول شي مو كل حليب يريح كل اليهال و مو كل حليب يمغص كل اليهال
ابتاميل كومفورت او ابتاميل 1 ممتاز
هم نان بعد زين
انتي مع الرضعة حطيله من الصيدلية نقط غاز بمبي
ممتازة للغازات
و الله يعينج لانه الغازات امر لابد منه لغاية 4 شهور
و لج الأجر ان شاء الله
بالنسبه حق البيبي المفروض يعطونه حليب مالوت الاطفال الخدج اذا اهوه ياه بالثامن
ويستمر فيه لما يكمل 3 اشهر
انا اول عطوني حق بناتي حليب سميلاك مالوت الخدج حسيته كله رغوه ما عجبني كله فيهم غازات
وعطيتهم حليب ابتاميل مالوت الخدج والاوزان الصغيره
والله مشالله ارتاحوو حيل وخف عنهم الغازات
والله يجزايج كل خير
حبيبتي ماشالله البنات ماقصروا كلامهم عدل انتي شوفي الحليب اللي يناسب الولد و اذا على الغازات ترا عادي لحد ما يكبر شوي راح اتخف انشالله بس اهم شي لا تستعملين انواع وايد من الحليب علشان البيبي ما يتعب و مايشوف شر انشالله …
الله يآجرج وماكو شي عند الله يضيع ابيي يوم الي يخدمج فيه هالولد جنه ولدج ربي يحفظه
حبيبتي انا حماتي دكتورة اطفال
ولد اختي اول شهر صار معاه جذي
اوصفتله حماتي حليب نوفلاك وعلى فكره انواع في للامساك وللترجيع واكثر من نوع بس مو متوفر بكل الجمعيات بس الاكيد متوفر في مركز سلطان
جزاك الله خير
جزاك الله خير
مادري شقول .. غير يمكن يكون هذا العمل هو اللي تدخرينه لنفسك يوم القيامة .. ما شاء الله عسى الله يرزقك بركة هذا الولد اللي بتربينه في الدنيا والأخرة ..
عسى ربي يصلحه ويجعله فاتحة خير عليك يا رب
حبيبتي .. ما عندي شي بالنسبة للحليب .. بس تدرين دامك قاعدة تسوين عمل خير إن شاء الله ربي يصلح لك الحال وويسر لك أفضل الحليب إن شاء الله.