سؤال محيرني شكلي بولد و لما الحين ماعرفت انا بأي شهر

الله يخليكم فهموني شلون حسبة الحمل
شلون اعرف انا بأي شهر؟ اعرف بالأسابيع لكن بالأشهر يطلع لي غير
الحمل 9 شهور وللا 10 شهور؟
بولد و لما الحين ماعرفت انا بأي شهر

متى اخر دوره؟

19 يناير

ليش ما تسألين دكتورتج احسن.

وان شاء الله البنات يفيدونج

كل مرة اقول بسألها و انسى

حبيبتي موعد ولادتج ان شاء الله 25 -10
وانتي الحين 32 اسبوع و 4 ايام يعني بالشهر الثامن الله يتمم عليج

بعدعمري والله
انزين اللي بعرفه الثامن من أي اسبوع لأي اسبوع؟
يعني انا في بداية الثامن وللا بنهايته وللا بنصه؟

انتي الحين 32 اسبوع و3 ايام تقريبا
وانتي الحين باول اسبوع بالثامن

يعني 25-9 تدشين التاسع توج اول الثامن صارلج 5 ايام فيه حبيبتي الله يهون عليج

الشهر الثامن من الاسبوع 32 – 35

وناسه حليتوا مشكلتي

مشكورين حبيباتي الله يسعدكم و يرزقكم اللي تتمنونه

حياج الله حبيبتي ولو عزيزه وغاليه احنا خواتج

4اسابيع و3 ايام كملتي اول شهر ودخلتي الثاني
9 اسابيع كلمتي ثاني شهر ودخلتي الثالث
13 اسبوع و3 ايام كملتي 3 شهور ودخلتي الرابع
17اسبوع و6ايام كملتي اربع شهور ودخلتي الخامس
22و2 يوم كملتي خمس شهور ودخلتي السادس
26 اسبوع و5 ايام كملتي ست شهور ودخلتي السابع
31اسبوع و2 يوم كملتي سبع شهور ودخلتي الثامن
35 اسبوع 5 ايام كلمتي 8 شهور ودخلتي التاسع
40 اسبوع كلمتي 9 شهور وان شاء الله مادشين العاشر ههه

الله يسهل عليج ياقلبي
ماقصروا البنات

الله يسهل عليج وعلينا ان شاء الله

انتي معاي انا اخر دورة 19 يناير
وولادتي ان شاء الله 25-10

وبأول الشهر الثامن

والله يسهل علينا ونولد اول ماندش التاسع