سؤال عن المميات فيدوني الله يخليكم

السلام عليكم ورحمة الله وبركاته

خواتي العزيزات بسالكم اشكثر المده اللي تستعملون فيها المميات ( زجاجات الرضاعه ) لعيالكم ..

ومتى تغيرونها .. وتشترون جديده لاني سمعت لازم كل 3 شهور وانا من النوع اللي يوميا اغليهم بماي حااااار

وملح للتعقيم .. فيدوني جزاكم الله خير ..

انا استعمل زجاج
بس اغيرالحلمات كل 3 شهور

ممية زجاج تدوم واغيرر الحلمات كل شهر ونص او شهر

ولما يمسك البيبي المميه استعمل بلاستيك واغيرها كل شهر ونص او شهر

كل شهر غيريهم ولهم سله وستاند خاص فيهم اهم شي جهاز التعقيم للمميات كل يوم ..

جزاكم الله الف خير .. الله لا يحرمنا من هالمنتدى ..

انا اغلي الرضاعه بكبرها كل يوم بالليل .
والحلمه اغيرها كل شهرين

اهم شي بالموضوع الحلمه الافضل كل شهرين او 3 شهور تغيرينهم دامج معتنيه بنظافتهم

الدكتور قال لي الحلمات كل شهر و المميات كل شهرين سواء زجاج او بلاستيك
انا اغيرهم كلهم كل شهرين

شوفي حبيبتي الأحسن من الغلي مليون مره هو جهاز المعقم وتراه مو غالي
أنا شريت معقم شيكو بحوالي 20 دينار ممتاز من سنتر بوينت
ولا تفكرين تشترين الغليات اللإلكترونية والمعقدة ترى كله فلسفة على الفاضي
أما بالنسبة للمميات ما في داعي تتغير إذا كانت زجاج والمميات البلاستيك تغير فقط لو تغير لونها وصارت تربي طبقة مثل الجير
لكن المهم هو تغيير ((((الحلمة))) كل ثلاث شهور أو كل ما حسيتيها انها صارت طرية أو توسعت زيادة عن حاجة ولدج يعني صارت تكت زيادة عن اللزوم
فهمتي حبيبتي
لكن المميات لو تهتمين فيها بالنظافة ما يصيرلها شي كا مميات ولدي صارلها سنة ونص زي الفل بس كل شهرين ثلاث أغير الحلمات فقط
الله يحفظلج البيبي