سؤال :- عزيمة اهل الزوج لزوجة لولدهم الثاني ؟

السلام عليكم

اول مرة انزل موضوع هنا وابغى رايكم وبصراحة ولو انتم بموقفي ايش بتسوون ؟

انا متزوجة واهل زوجي ما عزموني بمناسبة زواجي ..

وبعد سنه تزوج ولدهم الثاني ومر على زواجهم الحين في حدود ثمان شهور وعزموها ..

بصراحة انا تضايقت وما ابغى اروح للعزيمه .

شيء يضيق الخلق ..

وايش رايكم ؟؟

انتي روحي وما عليح "
وانتي تقريبا نفسييييييييي
اانا الحمدالله وحدة مو قاصرني شي ومابي شي من احد
بس الي يقهر ان اناااااااااا على دزتي ولا شي يابولي اللهم عطوور وكل ريلي اهوه الي شاريهم و حق جنتهم ماكو شي ما شرولها حتى سيادة صلاة الصراحة شي يقهر ":\

كبري عقلج ولا تخلين هالمور تضايقج
انا معاج شي يقهر وحز بالنفس
بس روحي ولا تكبرين المسائل

لا تروحين اذا هالشي يبي يقهرج

الزم ماعليج نفسج

وخليهم يدرون انج ماخذه على خاطرج منهم

لا تسوين شي انتي مو مقتنعه فيه

روحي وكشخي ورزي نفسج واستانسي

ولا تقهرين روحج ..

^_^

من رايي لاتروحين
اذا طوفتيها هالمرة بسون وايد اشياء المرات الثانيه

مو قصدي اشيشج و الله بس فيه شي اسمه تقدير

روحي و كشخي و اكلي الجو
يعني شدعوا انه عطوني او سوا لي شي ؟

روحي و استانسي ما عليج من احد

بالعكس روحي ورفعي راسج ولا تحسسينهم بشي ترى هذا كله وصخ دنيا اقصاها جم حبة كيك وقطعة حلو شنو يعني وهذا مايقلل من شانج ابد

في مثل يقول :
لاشفت القوم يكرهونك ……..اكل وبحلق عيونك!!!!!
حبيبتي لبسي وكشخي وتمكيجي وشقي الحلج وبيني لهم انه موووووووووووووووووووووووووووو هامج
والله يوفقج

ماادري ليش الحقد؟
على حسب شخصيتج يعني اذا قدرتي تحملين الموقف خليج سيدة الموقف بكشختج واسلوبج واكلي الجو
واذا ما قدرتي لاتروحين علشان ما يبين عليج الزعل والبوز يصير مترين وبفرحون لزعلج
وهذا الكلام من واقع خبرة

حبيبتي روحي لاهل زوجج .. والرسول عليه الصلاة والسلام فيما معنى حديثه ان المسلم يضع لاخوه المسلم سبعين عذر..
يعني قولي يمكن ايام زواجج ماكانوا مقتدرين او عندهم ظروف انتي ماتدرين عنها وزواج حماج تعدلت ظروفهم وماحبوا يقصرون
وهذول اهل زوجج يعني مالج غناة عنهم واهم مالهم غناة عنج
روحي استانسي ووسعي خاطرج
والله الله بالكشخه ..

يبا روحي او بعدين شنو دزة انا المهر يابولي اياه ابجيس ملافع شنو يعني دزة اول مره اسمع

اتفق معاها

اهم شي علاقتهم معاج
اشلونها الحين؟
اذا كل شي اوكي
لا والله روحي واستانسي واكشخي واضحكي
واحلى شي البوفيه
لا تكبرون السوالف هونوها وتهون

يالغالية عاااااااادي تحدث في ارقى العائلات … ممكن تكونين اول جنه لهم … فما يعرفون شيسوون … صدقيني الحياة لاهي بعزيمه ولاهي بدزه سنعه … واخذيها من وحده مجربه اللي تقولينه …

والله لو أنا منج أروووح وأكشخ أأأخر كشخه ولاا أخليهم يحسون بشي بس أذا طرولج سوالف يعني سوري ماامداانا

نسوي لج فسوينا للولد الثااني قطي أنتي عااد جم نغزه ؟؟

بس هااا ؟؟ خلي الكل يسوولف بكشختج