زوجي بيطلقني والسبب صورة واسم بالمنتدى

السلام عليكم بنات

ابيكم تساعدوني

انا احب هالمنتدى ودايم اتابع مواضيعه من غير اشتراك… حتى زوجي يقول ماني مشتري لج لاب توب والسبب اني انشغل عنه…المهم زوجي دخل المنتدى بالصدفه وشاف عضوة في المنتدى اسمها نفس اسمي… والصورة اي في التوقيع حيييييييييييل حيييل تشابهني… شسوي ساعدوني حيل تضايقت

يعني شنو مايشوف الفرق الصوره راح تبرأج

الله يعينج عليه دام جي تفكيره

ههههه يطلقج على سبب تافه

قولي له وبينه لا تخافين انتي ماسويتي شي غلط

اي شي صح

يعني ماكو عبير غيرج

شنو عقله صغيير جذي

كلميه قولي له مو انا شسالفه اشفيك انت

ياحيااتي انتي الله يعييننج حاولي تفهميينه خليييه يششووف الصووره عدل
اتمنى البنااات يفيدوونج

بناااااااااااااااااات الصورة حيل تشابهني…… ولاسم والقبيلة بعد شي غرييييييييييييب

الله المستعان

الله يععيييينج علييييه
اذا استمر الخلاف اللي بينكم دخلي احد من اهلج وكلمي بنت الكويت تطلع لج الاي بي حقج والاي بي حقها وخلي زوجج يقتنع

الاسم والقبيله بعد والصوره
يختى دام انتى عارفه انها مو انتى ويخلق من الشبه اربعين
خلاص وكلى امرج لربج ودعى ليل نهار دام انتى مظلومه الله معاج
نوته التيلفونات واهى نوته لا فتحتها مليون اسم نفس الشي والجد والعم عادي

تيب حطي لنا الصورة نطلع لك من هي واصلها وتوريها لزوجك ويتاكد انو مو انتي
سراحة الله يعينك زوجك صعب مااشوف فيها شي انك تشتركي بمنتدى نسائي

لاحول لا قوة الا بالله

اكيد لازم فيه فرق بكتابة الاسامي

(الشرطه او النقطه) اللي بين الاحرف

اللللله يعيينج دام هذا تفكيره ..

راسلي العضوه الى نفس الاسم والتوقيع وقوليلها سالفتج

مع انى عارفه منو تقصدين

متحجج …… وبس مايبيج شنو مايشوف بس متحجج