|
|
قوة …
زوجي مسافر و بيرجع الاسبوع الجاي و اول مرة يسافر فبغيت لم يرجع اسويله مفاجأه يستانس منها اشرايكم بنات عطوني افكاركم ..
ثانيا هالله هالله بالقميص الحلو غيري ستايل لبسج ومكياجج سويله حفله صغيره وحطي بطاقات تو مانور البيت وحمدلله عالسلامه والا غيري اماكن الاثاث يعني بس الاهم الكلام عبريله شكثر فقدتيه وشكثر الحياه مالها معنى من غيره ووالله انا ماني فنانه بهالسوالف وانشاءالله البنات يفيدونج اكثر بس ماحبيت ادش ولا ارد
اول شي ضبطيه بذاك العشا وو الحلويات والعصاير اللي يحبها
والاهم من هذا انتي طبعا لازم تكشخين تتمكيجين وتلبسين لج شي مناسب للسهره وبعدين لبسي قميص النوم
وترسي البيت بكل زاويه فيه فازات صغيره تحصلين عند ايكيا فازات حلوه واسعارها مناسبه وحطي بكل طاوله او مكان بالبيت فازه وجم ورده ويم كل فازه حطي الشموع اللي اتييي مع كلاص زجاج هم من ايكيا ولمن اييي طفي الليتات وشبي هالشموع
ولاتنسين اهم شي تبخرين البيت اذا انتي معتاده عالبخور وتبين تغيرين حطي هالمره الزيوت العطاره او العكس
والاهم من هذا كله تستقبلنه بورده وجم كلمه حلوه وو تزهبين له الشاور لان شي طبيعي بيكون تعبان وراد من سفر فقوليله مزهبتلك العشا بس اول شي اخذلك شاور عشان تنتعش وترتاح
عاد هالله هالله بالشاور ترسيه ماي دافي ورغوه وو قطي فيه اوراق ورد وجم شريحه ليمون
اتمنى تعجبج الافكار 
أم علاوي لا شفت نكج ستانســـــــــــــــــــــــــــت >>>> إسم زوجي
استخدمي كفر او غطا جديد يكون من الستن او الحرير
وتكون ألوانه فااااتحه
استخدمي ستايل من العطور او البخور اللي اهوا مو متعود يشمها من قبل
يعني اذا كان استايلج بخور
استخدمي الفرنسي السويتي
او اذا كان كلا عطورات فرنسيه
استخدمي البخور ومرطبات اللي ريحتها مثل البخور وهالسوالف
غيري من لون شعرج اذا من زمان مو مغيرته
على قصه خفيفه بسييطه نااااعمه
لبسي لون يكون غريب وستاايله يديد
علشان يشوف انسانه ثانيه في هاليوم
وبالنسبه للعشى او الغدا
خليه يكون خفااايف بسيطه
بس ثقلي بالحلوياات
او اشتري الحلويات من بره
بس يكون كيك في ايس كريم
او الحين سوالف الغريبه الجيبه اللي هابين فيها
الخباز و لابقيت
وان شاء الله يستااانس يااااارب
وتقدرين تسوين كل اللي يسعد قلبه
والله يخليكم لبعض ياااارب