|
|
::مرحبا
هذي اول مشاركة لي وانشالله تعطوني رايكم او حلولكم
اول شي انا متزوجة من 2 سنه ونص ومن عقب 4 اشهر زواج اكتشفت ان ريلي ما يحب الطلعات العائلية ويعدها شي ثانوي مو ضروري وان طلعه الدوانية اهم شي عنده بالوجود وكنت اناضل عشان افهمه ان الطلعه معاه حلوه واحاول بكل مره نتفق علي يوم واحد بالاسبوع نطلع فيه بس كان يكشت ويسوي نفسه ناسي مع ان ادري ان يذكر
مليت وسويت كل حل مقترح النجره ،التفاهم ماكو فايده اذا رضخ الاسبوع هذا يتناسا الاسبوع اللي وراه وحدي ياست
ساعدوني واللي مشكلتها مثل مشكلتي تواسيني علي الاقل اذا ما عندها حل وادعولي الله يهديه ويهدي ازواج المسلمين والمسلمات فزعتكم با معشر لنساء
بس اعتقد النجرة عالموضوع هذا ماتفيد
إذا متهاوشين اشلون بتطلعون تستانسون
ابدي انت بنية الطلعة
قوليله يا بو فلان انا عازمتك اليوم برة(حزة دفع الحساب سوي نفسج ناسيةتدفعين)
روحو مطعم يوم بحار سوق(بس لا تتسوقين صج علشان لا يتحسف) اي مكان
مرات بالسيارة نفرفر ناخذ عشا ونرجع البيت وتكون الطلعة من اروع ما يمكن
انا كنت جذي بس لمن شافني سكت عن الموضوع فترة طويلة يمكن شهر صار اهو اللي يقعدني من النوم الصبح وو يقولي خل نطلع دااام الجو صار حلو
الزبدة سوي روحج تكسرين الخااااطر
3 سنوات
كل ما اتناجر وياه يقولي سبحان الله عاد كنت ناوي باجر اطلعج هههههههههه
وليمن اشوفه فاضي ومتملل اقوله قوم خل نطلع يقولي وين نروح
ودي انتفه اسويه مسحب
ههههههه
الحين خلاص ماقمت احسن
ساحبه سيفوون عليه
كل اسبوع اطلع واقز ويا اخوي حبيبي ما نخلي مطعم سوق سينما ولا مكان ما نروحله ولتعمد ما ادق على زوجي وليمن ارد البيت اكون حدي مستانسه واقوله شووف اخوي شرالي اخووي وداني رحنا اهني سوينا جذي واهووو حده ينقهر هههههههه بس مو بطريقه اني اعياره
4 سنين ماكو فايده
ليما استسلمت
الحين ماقمت اقول طلعني
اذا ابي اطلع اخذ عيالي واطلع وافتك من الحنه والنجره
لان اذا قلت له طلعني تهاوشنا
يعني ما اعتقد ان يوميا في دوانيه اكيد في يوم يكون اوف فانتي اختاري اليوم هذا
وحاولي قبل هاليوم بيومين تطرشين له مسجات تذكير
مثل لا تنسى اليوم الفلاني
او وين بتوديني بهاليوم يعني مسجات من هالنوع وبجذيه ماله حجه ان نسى لانج انتي مذكرته قبلها بيومين
وشي ثاني تقدرين تحطين منبه بتلفون لليوم الي بتطلعين فيه وبهاليوم راح يطلع عنده نوت ان مرتبط بالطلعه معاج
يمكن في البدايه راح تكون صعبه بس مع الوقت ماراح تحتاجين كل هذا ان شاءالله
تقدرين تخلين طلعاتكم في أوقات النهار علشان ما تتعارض مع ديوانيته…
والله يكون بعونج حبيبتي… كنت أعاني من هالمشكلة في فترة من فترات زواجنا…
انا عمري 22 تخيلووو وصارلي متزوجه 3 سنوات يقولون هذي احلا ايام حياتج <<<<<<
طول اليوم يا دوام يا دوانيه وما يتفضى الا الساعه 12 وان كشخ وحس فيني رد 11 ونص ههههههه
ما ابي اعطي احد عين بس هم ساعات يزوغ قلبي اشووف اثنين طالعين ويا بعض هم انا عندي زوووج وينكه؟؟
ابيه يمي ترا الطلعه تأثر على النفسيه تخلي المره تعطي اكثر تخليها تهتم بييتها وبنفسها اكثر تكسر الروتين
والله بنات عمري 22 وشكلي اصغر وايد انقهر ليمن اطلع بروحي ويلحقوني والله ساعات ابجي
اقوول وين زوجي عني
انا عندي اقتراح بناااااات
منووو تي وياي نسوي شي برياييلها
؟؟؟
.
.
.
.
ماكووو االا نكلبجهم شرايكم؟؟ ونمعهم من روحة الدوانيه علشان يحسوون
|
المشاركة الأصلية كتبت بواسطة سكر-نبات
 واي انا جذي كل نجرتنا وهوشتنا على الطلعه يارب مليت انا متزوجه ههههههههه ابي زوجي وياي
3 سنوات كل ما اتناجر وياه يقولي سبحان الله عاد كنت ناوي باجر اطلعج هههههههههه وليمن اشوفه فاضي ومتملل اقوله قوم خل نطلع يقولي وين نروح ودي انتفه اسويه مسحب ههههههه الحين خلاص ماقمت احسن ساحبه سيفوون عليه كل اسبوع اطلع واقز ويا اخوي حبيبي ما نخلي مطعم سوق سينما ولا مكان ما نروحله ولتعمد ما ادق على زوجي وليمن ارد البيت اكون حدي مستانسه واقوله شووف اخوي شرالي اخووي وداني رحنا اهني سوينا جذي واهووو حده ينقهر هههههههه بس مو بطريقه اني اعياره |
حبيبتي الله يسخر لج زوجج ويهديه لج يااااااااااااارب
موتيني من الضحك على سالفة ان باجر ناوي اطلعج<<<صج الرياييل عياره