|
|
بنات أنا توني والده وأول بنت جبتها .. زوجي يبي يسميها على أمه إسم مو مشتهيته لبنتي … كلش
ماودي أسمي عليها … تخيلو بعد ماراح لأمه وقالها بسمي عليج ,,, جاي يقولي
بدون لا يبلغني .. عشان قلتله إنت أبوها و سمها .؟ ؟
أنا ماطرى فبالي أسمي ينتي على إسم أمي الغاليه .. اللي تعبت معاي وربتني وأموت فيها … جاي بيسمي على أمه …. إسم قديم ثقيل غثيث ..
بموت من البجي .. من القهر ,, خصوصا إن البنت مريضه حيل نسبة إنها تموت حييييييييييل كبيره .,, خلا الوساوس تجيب فبالي إني أتمنى لو تموت … تخيلو .؟؟ أنا عصبيه و أتنرفز بسرعه … وعصب بس هو مو مهتم .
يمكن لو طالب الإسم برضى بس يجي يجبرني عليه ؟؟ جني لا ولدت ولا تعبت .. وشقيت فيها ؟؟ وهو يحضر بالأخر يسمي ؟ هذا ظلم … بموت من الهم و وجاني إكتب ولاده ,.. البنت تعبانه و ومريضه و في إحتمال تصير معوقه لو حيت وألام الولاده ..
ويجي هالأموضوع الصغير .. يهد حيلي … أنا أعرف إسنه صغير وتافهه بس
هو الشعره اللي قسمت ضهر البعير ..خلاص بطق بموت .. أروح أكلم عمي أقوله .. ما أبي أسمي .. على إسم خالتي أدري إنه ماراح يرضى علي إني أنجبر .. بس راح يكون كسرة لخاطر خالتي ,,, ؟؟؟ شسوي … نهار ليل بجي ,,,
سهالاااات الامور وانا اختج كل شي بينجل بس لاتزعلين نفسج وانتي نفاس
الله يعينج انشالله
ترى الموضوع ما يستاهل كللللللللل هالتعصيب كلش
خل يسمي على امه شبيصير يعني
مثل ما أمج عزيزه وغاليه عليج ترى امه بعد عزيزه وغاليه على قلبه
ومادام انتي قلتيله سمها على كيفك خلاص لازم تتحملين قراره وترحبين فيه بعد
انتي الحين لازم تفكرين ببنيتج وتدعين ربج انه يشافيها وتتركين هالامور البسيطه لا تكبرينها أبد
والله يشفي بنيتج و يخليها لج انشاء الله
صدقيني مايسوى النرفزه على اسم البنيه اي مشكله حبوبه تكبرينها تكبر واذا صغرتيها راح تصغر
شوفي ذكري الموضوع من ناحيه الاحراج لوالدتك اذا سميتي على اسم امه
فالافضل ان تسمون اسم محايد وباختيارك انتي معاه
اما اذا شفتي ان راسه يابس ومامنه رجا لاتكبرين الموضوع ومايسوى تكبرينه
انا اعرف وحده سمت بنتها موزه على اسم ام زوجها بعد شتسوي " مع احترامي للاسم "بس كان له وقته وزمانه
المهم حبوبه لاتكبرين الموضوع اذا قدرتي تتكلمين فيه بهدوء كان بها اما اذا ماقدرتي شبتسوين
خاصه ان بنتك تعبانه ركزي مع ابوها شلون تعالجون البنيه مو تهاوشون على اسمها
[U]ملاحظه:[/U] ساعات الشهامه والترزز مالها داعي اقصد في البدايه انتي اللي قلتيله هي بنتك وانت ابوها وسمها وهو سوا اللي انتي طلبتيه
كان المفروض انتي تسبقينه وتقولينله انا بخاطري ان اسمي بنتنا بهالاسم شرايك؟
مو تقولينله انت سمها ولما سماها زعلتي هو من وجهه نظره اول بنت عنده وفرحان فيها ويبي يفرح امه معاه لاتزعلين حبوبه
واااااااااااي شكثر قرقت
ركزي على مرض بنتج وانسي لهواش
الاسم ولا شي جدام مرضها
وادعي ان الله يشفيها مو يموتها عشان اسم ؟؟
والله يشافيها يارب
حبيبتي مثل ماتبين تسمين على امج
حتى هو امه ربته وتعبت عليه وسهرت عليه ويشتهي يسمي على امه
وامه مثل امج
لازم تفرحين
ومو وقته الزعل انتي في فتره نفاس وتعب وارهاق
وانشالله الله يشافيه بنيتج ويخليها لج يارب
ويقومكم بالسلامة انتي وياها
ويرزقج بنية غيرها تسمينها على امج
يالغاليه هونها وتهون ترى انتي كبرتي السالفه وهي صغيره محد متأثر ولا متضايق ولاحاس بالمشكله الا انتي والزم ماعليج صحتج مو زين القهر لج فتره النفاس مو زين التعب
تعوذي من الشيطان وتفاهمي مع زوجج مايصير الا الخير ان شاء الله
وصدقيني الاسم مو مهم شي عادي تدرين انا خالتي ام زوجي مطلعه عيني ومع هذا سميت على اسمها ولا ريلي كان يبي اسمي على اسم امي بس انا رفضت واصريت اسمي على اسم امه عشان اكبر بعينه وصدقيني الاسم ما يضر بشي حتى لو كان اسم قديم انا بناتي 2 اسماءهم قديمه وحده على عمتها وحده على يدتها عادي طنش تعش تنتعش وبعدين حبوبه الزعل مو زين عشانج لانج توج والده وديري بالج على نفسج ترا محد بينفعج وارتاحي وداري بنتج وان شاء الله تصير زينه وصحتها تمام يا رب ادعيلها من كل قلبي انا بعد عندي بنوته مريضه الله يشفيهم
لا تزعلين ولا شي
و بعدين البنت اهيا اللي تحلي الاسم . . .
تخيلي تسمينها اسم حلو و بخاطرج و تطلع دمها ثقيل و مايجه . . شالفايدة من الاسم
شوفي حليمة بولند . . . اقدم من اسمها ماكو و شوفي اشلون امحلية الاسم ما شاء الله عليها دلع و انوثه الكل يحبها و لها كاريزما خاصه فيها و محد منتبه حق اسمها
بالله حليمة لو اسمها حلو جان اشسوت هههههههههه
خليج من الاسم ما راح يودي ولا اييب . . انتبهي على ريلج و بنتج و ادعوا ان الله يشافيها . . و بادرة حلوة منج لما تكلمينه و تقولين له الاسم اللي اخترته حلو و عساها انشالله تطلع على خالتي ( اذا كانت طيبه يعني ) و حسسيه ان الاسم اللي اختاره حلو
و الابو اذا اهوه اللي اختار الاسم . . البنت تصير حيييل عزيزة عليه . . و دام على امه بتصير عزيزة على امه بعد . . . عز الطلب
والله يشفي بنتج ان شاء الله و لا يفرقكم انتي و ابوها