رياجيلنا ليش نوم و دوانيه و سهر وأكل ومرعى وقلة صنعى وكل شيء علينا ؟؟ شالسبب ؟

شلونكم ياحلوات شخباركم ..
من زمان عن هالركن الحلو …ركن المشاكل والنجره و الإكتئابات النفسيه ههههههههه

بنات طاري فبالي موضوع وحبيت أطرحه لكم ..

ليش الرجل الكوييتي عموما شايل إيده من بيته ؟

ليش دوانيه . سهر .مخيم . كشته . ربعي و عزيمه .. وعرس .. وعشا تخرج و عشا ولد عم أبو خال جد رفيجي .. << إجتماعي بزود اللي عندي ..

وللحضر … حداق و شاليه

وللبدو ( ألعن ) مقناص .. ( لأأن فيه سفر بالغالب ) …

والله تعبنا من تسييب هالبيت ..

كل شيء على روسنا

حنة العيال .. حنة الحموله … حنة المدرسه .. ( لأن غالب الكويتيتات مدرسات أو سكريتيرات بمدرسه ) …و الموجه مني والناضره مني و ولي الأمر مناك يبي نعطي بنت مثلها مثل الكبت .. إمتياز… أعطيها إمتياز ووجع ..

تعبنا تعبنا كل واحد يبينا برفكت …كاملين الوكمال لله ..

ويبيله عشا .. وعشاه ما تلمسه خدامه و يبيج تسوينه له ..

وأخرتها ياليت تسلم إيدج .. الملح زايد .. المرقه خفيفه .. الأكل مالق <<< ولاطيرت عيوني … وإنصدمت ..قال بس تسلم إيدج .. <<< صج عاد ؟؟

وعلى فكره أنا عشان أحاول أعطي وقتي لبيتي وشغلي و حمولتيو أهلي فقط ..

صديقات تقريبا ما عندي كافي علي أهلي مرتاحه من هالشيء ومن المواجيب اللي على طول

وهم تعبانه وشقيانه فمابالك اللي إجتماعيه وتروح وتجي الناسوتوجبهم و تقدرهم على طول .. الله يعينيها بصراحه

بنات .. الزبده ..

السبب منا وإلا من أزواجنا ؟؟ إحنا اللي عودناهم على الرباده وإلا مجتمعنا ..؟ ؟

وهل تشوفون رياجيل يهتمون بعايلهم و شايلين مسؤولية إعيالهم و إلا كله نفس حالتي وحالة الغالبيه

لأني لما أقوله سو و ساعدني بمسأولياتي . .يقولي هذا واجبج .. و ولا إنتي أول ولا أخر مره تسويه كل الكويتيات يسوونها

والرياجيل مالنا وضيفه فبيتنا؟؟