رضعة الليل متى تقطعونها؟؟

السلام عليكم و مبارك عليكم الشهر..
حبيت اعرف رضعه الليل متى تقطعونها.. بنتي الحين سنه و شهرين و ليلحين اعطيها رضعه على الساعه 3 او 4 الفجر ..
شلون اقطعها؟

نفس السؤال

بنتج كبييرة لازم من زمااان راضعتها ..

بالنسبة لبناتي .. الكبيرة قطعتها وعمرها 6 شهور ..
الثانية من عقب الأربعين صارت ما تقوم ترضع بس ردت الحين صارلها شهر مادري شسالفتها الظاهر تسنين تقوم تبجي واسويلها رضعة ..

بس بكل الحالات لازم الحين تقطعينها …
عشيها زيييين وبعدين عطيها رضعة ..
ولي قامت الفير عطيها ماي حتى لو تبجي لين تتعود ..

انزين متى اتعشين الياهل؟؟ و متى اخر زضعه.. و متى يقومون الصبح؟؟

والله بنتى الدقم بس الله عليها للحين تقعد عليى 3 مرات بالليل تشرب حليب تدرون جم عمرها

سنه وسبع شهور ابوها مو راضى يقول عطيها حليب لاتيوعين بنتى

انا احس انها تكسر خاطري خاف يوعانه تكون عشان جذي اقوم و اسويلها رضعه

انا بعد ولدي عمره سنه و3 شهور يقوم حق رضعته الساعه 4 الفير والساعه 8 الصبح

واللي يبط الجبد ان نوعه اذا قعد يبجي وبجيته بوصراخ فتضرين تسويله حليب مايسكت

عاد تصدقون انا وديت بنتي حق ريم قنواتي من عمرها شهرين قالتلي قطعي رضعة الليل بس انا كسرت خاطري …
بس لاحظت انها من نفسها تنام يعني شووور مو يوعانه انشالله واذا الياهل بوشهرين عنده القدرة على انه ينام متواصل ما بالكم بعيالكم اللي سنة وفوق ..

عموما اذا الياهل ينام الساعة 12 مثلا اتعشونه 11 والرضعة 12 ولا تخافون بيكون شبعان بس يتدلع ..

لأن بنتي ام 3 سنين ونصصصصصصصصصصصص لا تخترعون ديناصورة على هسوالف تقوم الصبح قبل الدوام تبجي ابي حليييييييييييييييييييييييييب واعطيها طبعا ما تنام عقبه اتقوم وتفرش اسنانها وتبدل حق الروضة مو قلنا ديناصورة …
المسألة تعود مو يوع …

انا ولدي بو شهرين ويقولون لي خلي آخر رضعه الساع 12:30 واللي وراها الساعه 6 ولي قعد عطيه ماي والله قاعده أحاول معاه سواها مره وحده بس ما عطيته ماي عطيته ينسون . بس ترى السالفه حدها صعبه .

الله يعينا عليهم بصراحة قاموا يمشونا ع كيفهم هالبزران ..

حالي من حالكم تقوم لي ع صرااااااااااااااااااااخ ماينتهي …

ولازم ترضع ولو الرضاعه فاضيه بس تشششششفط ..

الله يعينا يارب .

نا بعد كتكووووتى عمرة سنة و4شهور ودلوووووع
قبل لاينام اكون معشيتةع الساعة11 وبعد ماينام باربع ساعات عالساعة3اشربة الحليب ف بالليل ما يبجى اول مايطلع الصبح يشتغل اصراااااخ
الله يحفظهم

للرفع

انا عن نفسي بنتي الكبيره من عمرها شهرين وانا قاطعه عنها حليب الفجر بس الساعه 12 واللي بعدها الصبح
والحين عمرها اسم الله عليها سه و عشر شهور وصحتها حلوه

انا بنتي عمرها سنتين و4 شهور ومرات تقوم بالليل تبجي تبي حليب ومثل ما قلتو لي بجيت تصصصرخ عاد انا ابي الفكه ..اصكها بمرضاعه