رسالة مهمة لكل معلمة خااااصة أبلات الثانوي .تفضلوا

السلام عليكم ورحمة الله وبركاته

أبلاتي العزيزات

قبل جم يوم دزت لي طالبة من طالبات الثانوي رسالة على الخاص

وطلبت مني أطرح هالموضوع ..عشان أنوه الأبلات

على شي أهما متضايقين منه ((أقصد طالبات الثانوي ))

والأبلات غاااااافلين عنه

مع إنه شي بسيييييييييييييييييييييط للغااااية

تقول فيها

إنهم إستلمو دفاترهم

وكانو الطالبات مجتهدين ما شاء الله عليهم

مسطرين دفاترهم ومسوين المطلوب

ومرتبينها على حسب الأصول

وكانت المفاجاة لهن

إنهم يوم فتحو الدفتر ما لقوا حتى كلمة شكرا من الأبلة

على المجهود إللي بذلوه

بصراااااحة هذا ما يرضينا صح يا أبلات ؟؟

يعني البنات مجتهدين ومسوين المطلوب

المفروض منا كأبلات على الأقل نكتب شكرااااا

مع إنهم إذا مرتبين الدفتر يستحقون كلمة شكرا وأكثر منها بكثير

يكفي إنهم مسوين المطلوب

تدرون شتقول بعد

تقول الأبلات ما يدرون شكثر الكلام الطيب يرفع من معنوياتنا

ويزيد من همتهم وعزيمتهم للدراسة

وتقول الأبلات ما يحطون لنا كلمات شكر بحجة إنهم خلااااص صاروا كبار

يا جماعة

إحنا ألحين كبار وفي منا صارو جدات

ونستاااااااااااانس إذا الناظرة أو الموجهة أو رئيسة القسم شكرتنا

صح كلامي ؟؟؟

شلون بالبنات الشطار إللي دفاترهم من أبدع ما يكون

كل كلمة ترفع من معنوياتهم

المهم

تذكرو يا أحلى أبلات قول الرسول صلى الله عليه وسلم

((الكلمة الطيبة صدقة ))

وإنه أي كلمة تحطينها راح تكسبين فيها أجر

عشان جذي

لا تبخلون على بناتنا بالكلام الطيب

ترى يستاهلون كل خيييييييييييير

كتبي لها

بارك الله فيك

جزاك الله خيرا

مبدعة يا فطومة

إلى الأمام دائما

دااااائما مبعدة يا فجورة

…..ألخ

أدري إنه وااايد أبلات يشكرون البنات

ويزاهم الله خير

بس البعض لاااااااااااا غافلين عن هالشي

عشان جذي آنا حطيت الموضوع

بناء على طلب بنتنا وحبيبتنا إللي راسلتني

الله يوفقها إن شاء الله تعالى

ويوفق كل بناتنا الحلوين

الطالبة اللي بالابتدائي اهي نفسها اللي بالثانوي محتاجة تشجيع و رفع معنويات

صح كلامها مسكينة حتى انا اللي بهالعمر احب لما يقدروني ويقولون لي شغلج حلو او مرتب او حصتج مميزة او حتى دفتر تحضيرج مميز

انا لما كنت بالثانوية الابلة اللي تكتب لي كلمات تشجعيه بالدفتر كنت احبها واهتم بالدفتر والماده اكثر ،،

اما اللي بس تحط خط علبونه صح،، ما احب ارتب لها الدفتر لاني احس انها ما تستاهل ،،

وانا هالكورس ابله وان شاءالله يبشرون الطالبات بالكلمات التشجيعيه

ويسلمووو يابله كويتيه على المواضيع المميزة

حياكم الله وبارك الله فيكم

أدري إنه الكثير من الأبلات يشكرون البنات

بس مثل ما يقولون أصابع إيدنا مو وحدة

الله يكثر من أمثالكم يا أبلاتنا الحلوين

مشكوورة ابله كويتيه عالموضوع …..
تسلمين ……………………..
كفيتي ووفيتي…………………

’,

جبتيهآإ عـَ آلوتر آلحسآإسْ ..

صج صج نعآإني مِن هـ آلشغله آحنآإ بنآت آلثآإنويْ ..

يعنيْ آكشخ آلدفتر وآكملهَ وبـ آلآخير مآ آلآقي آلآ توقيع آلآبله وتآإريخ آلتصحيح

يعنيَ حتى كلمهَ ترفِع من همتنآإ مآإكوو ..

ولآ نسيتيَ تكتبين عن شغله ترفعِ آلضِغط وآهيآ طبع في بعَض آلآبلآإت للآسف ..

آنهآإ عـَ نآس ونآس ..

يعنيَ تحبَ بنت تقعد تكتبلهآإ كلآم مَدح بـ آلدفتر مآله نهآإيه

مع آنه آحنآإ هم دفآترنآإ كآمله وتِهبل بسَ شنسوي صج عقولهم نآقِصه ..

ولآ بـ آلحصه بس تمدحَ فلآنه وعلآنه مع آنه مستوآهم عآإدي

بسَ لآنه آمهآتهم رفيجآتهآإ { مدرسآإت معآإهآإ } آو يتمصلحوؤن معآهآإ بـ آلهدآيآ وآلآسلوؤب آلكلكجي

معَ آنهم مدرسآإت ومفروض مستوآإهم آرقى ـآ بوآإجد

خليتيني آفضفض لوووووووول

يعطيجَ آلعآفيه آبله كويتيه ..

حياكم الله جميعا

وإن شاء الله تعالى الابلات ماراح يقصرون معاكم

إنتو بناتنا وتستاهلون كل خير

يلى يا أبلات نبي تشجيع خااااااص لبناتنا الحلوين

السلام وعليكم ورحمة الله وبركاته

انا طالبة ثانوي وبقولكم شصاير معاي من بدى هالكورس

وانا 11 علمي الحين

واللله من بداية الكورس احاول اشد حيلي ومرتبة دفاترري والله انها تفتح النفس ومسنعه ولله الحمد

بس والله ولا ماده كتبت لي من الأبلات ممتازه او احسنت او جزاك الله خيرا

او مرتبه واشكرك والله ولا كلمه

وتخيلوا والله صج صج حازه بخاطري حيل من الأبلات وتخيلوا بورقة المتابعه اللي نلصقها اول الدفتر تخيلوا ما يكتبون ممتازه او اشكرك والله يا تكتب الأبله توقيعها ولا تكتب جيده صج صج ازعل ومره بجيت يعني شمعنى اللي انا مسنعه ومتعبه نفسي وشاده حيلي هالكورس تكتبلي هالكلمه وغيري تكتب لهم ممتازه ومرتبه مع انه انا دفتري احلا منهم

تدرووون شنو السبب اكتشفته وللأسف ياليت ما اكتشفت

ادري بتعروفوووون سبب هالتفرقه

لانهم السنه اللي طافت جايبين امتياز واحنا مالنا رب بس صج صج تفرقه

وتخيلوا انا لما سلمت دفتر الكيميا ما بطله لما خذيته من الأبلة مره ثانيه بس كم ساعه بطلته قلت يمكن اهي تحط كمله

والله اهي اول ابله تحطلي ممتازه ونجمه

وصج صج عشقت هالأبله لانها صج تحفزج انج تجتهدين في تشجيع مو تفرقه وابلتنا عسل فديتها الله لا يغير علينا

والله قعت اقول حق البنت اللي يمي شوفي شوفي

هذي اول ابله تكتبلي ممتازه من بداية السنه

وصج اهي بعد افرحتلي

لا تقولون بنات الثانوي كبروواااا

لا بالعكس الكلمه الحلوه والتشجيع

يحبونه والله جنهم تعامل جهال لا شجعتيها تحبج وتحاول تشد حيلها لانج متابعتها اما اي كلمه وبس تلقين البنت تكره الحصه

والله ياابلات الثانوي حلوه منكم الكلمه الحلوه فديتكم بليز ارحمونا

والله البنات محتاجين الكلمه الحلوة
والعبارات التشجيعية
وعن نفسي والحمدلله دايما أشجعهم بعبارات حلوة
ونجمات وستيكرات السمايلنج فيس
ووايد يستانسون

يا أبلاتنا الحلوين تكفون لا تخلون يناتنا

هالله هالله بالكلمات الحلوة

شاكرة لكم مروركم جميعا

وإبشروا يا بنات الابلات ماراح يخلونكم إن شاء الله تعالى

والله يا ابلة كويتيه ياليت كل الأبلات نفسج صج صج صج مبين عليج ونعم الأبلة

اب
للموضوع….

تسلم ايدج يا ابلههههه
والله صااجه
بس كلنا كلنا حتى احنا طالبات جامعه محتاجين كلمة شكر ولا ابتساامه
مشكوووووووره

حبايبي إنتو بناتنا وتستاهلون كل خير

وإن شاء الله الأبلات ماراح يقصرون معاكم

موفقين إن شاء الله تعالى