|
|
توني قريت خبر بالانباء ان الحكومة راح ترد القانونينصراحة محد خرب السالفه الا الحسد الكل قام يطالب بكوادر والمبالغ اللي حاطتها جمعية المعلمين خيالية يعني معلم أ يوصل 600 و رئيس القسم 400وفوق ليش اشدعوة شمسويين بعديين في ناس واجد ما تستاهل هالمبالغ تدرون منو/ المعلمة الغيابة / صاحبة المجالس الطبية ( الواسطة طبعا) اللي ما تدرس عدل و تقط شغلها علا غيرها و مالها اهتمام بالطلبة/الناظرة اللي تكره الابلات بالشغل واتفرق بالمعاملة والا رئيسة لقسم اللي تقط شغله وطباعتها علا معلماتها من باب التعاون والا المدرسة اللي تسوي شغل الوكيلات من جدول وميزانية والوكيلة حاطة رجل علا رجل والله الزيادة مع اني معلمة و اكرف واخاف ربي اشوف واجد ما يستاهلونها بعدين انا اايدها بضوابط اهم شي الالتزام و الحضور لان نسبة الغياب مرتفعةخاصة الابتدائي ولازم يشددون علا النظار ويشوفون متابعتهم لمعلمينهم والا انشغلوا بس بالارقام و الدورات و المعارض في قضايا مهمة اكثر من الكادر تطوير مستوى المعلم حتا الوافدة معاد يهمها فهموا الطلبة والا لا ماكو حوافز اللي تفهم نفس اللي ماتفهم. انا اايد لجنة خاصة سرية محايدة تراقب مستوى المعلم كل سنة حضوره تدريسة. انا اسهر الليل ابحث بالنت ورش جديدة دروس مشوقة بالباور بوينت واوراق عمل مميزة ووحدة تغيب كل اسبوع يوم او يومين تاخذ كادر نفسي كافي اللي ينجحون بالوط
ظائف اللاشرافية واسطة نصهم وين يتطور التعليم منهم ادري بتزعلون انا ودي بالكادر بس مو واقعي المبالغ اكبر دليل اعيالنا ما يفهمون شي بالحصة لا تقولون المنهج في ابلات يفهمون و ما يخلون ولدك يحتاجك بالتدريس و في العكس تقولك انتي حفظيه ودرسيه وحده تشرح وهي قاعده نفس اللي واقفة ساعة بتقولون الاشراف هو الكرف في كادر اداري هو المسؤول عن المناوبات ساحوني عالاطالة لو نطلع كادر عادل للكل مافيه فروقات يكون احسن و يتفرق المعلم للتدريس مو للجودة و البهرجة احسن
بس المعلم زيدوه مو اتزيدون الموجه ولا الناظرة لأنه نظظامهم مو تدريس نظامهم اشراف وادارة
أنا كنت فكرت نفس تفكيرك باللجنة الخاصة بعدين قلت منو بيكون أعضاء اللجنة الخاصة؟؟؟؟
أخاف نفس الشي يكونون ناس ضالمين ؟؟؟
ما يعطون للمعلمين المجتهدين حقهم ….. ويصير المعلمه الغيابة علي قولتك و صاحبة الواسطة
إلي تعرف تسولف مع الناظرة و التوجيه و تتضحك و تقدم هدايا … إهي إلي تاخذ المكافأة
و يزيد الظلم بهذي الوزارة
و المجتهدين ما ينولهم شي ؟؟؟؟؟
الله يعينا …… أنا علشان جذي حاطة قاعدة بحياتي إني ما عمل للتقدير و لا أعمل للحصول علي الأعمال الممتازة
أعمل لله تعالي … و أجتد بالإخلاص لله تعالي
واحط حديث الرسول صلي الله عليه وسلم أتته الدنيا و هي راغمة
عَنْ أَنَسِ بْنِ مَالِكٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ"
. أخرجه هناد (2/355) ، والترمذي (4/642 ، رقم 2465) وصححه الألباني في "السلسلة الصحيحة" (2 / 670).
آسفه علي الإطالة
ان خوليت خربت
لا يا قلبي وااااااااااااايد معلمات ماخذين المهنه كرساله مو كمهنه
يشتغلون عشان الطلبه موعشان الاعمال الممتازه
والمدرسه الغيابه بتوكل عيالها السحت وهو المال المكتسب بالباطل وربنا ورها الله
وما نظلم غيرها بسببها
اما اللي مجلس طبي عاد هذا الله يعينها بما ابتلاها ولاحول ولا قوة الا بالله
واحنا اولى مثل ماانتوا تشوفون انكم اولى!!!
والقانونيين مو ملائكه هم فيهم نماذج سيئه جداا
وناس تبصم وتمشي !!!
كافي انه المعلمه تشتغل طول الدوام!!
اف
بلا هم بلا كادر – التدريس كله خاير
وزير التربية المدرسين ماراح ينسون موقفه لانه متكسب قبل ما يمسك الوزارة كان جاي بندوة نستاهل الكادر وقال المعلم يستاهل الكادر وسوف اجعل مهنة التعليم مهنة جاذبة يتكالب عليها الناس وبعدها باسبوع مسك الوزارة وبالتصويت خون .. اخرتها طلع لنا بمقترح غبي انه الكادر يصير بونص على حسب آداء المعلم .. انزين منو يقيس اداءي ومنو يحمي المدرس من الادارات الظالمة
بجذي بيصير البونص شي نسمع فيه ولا نشوفه وبيلعبون بحسبتنا بالتقييم حسد بس عشان مانخذ الزيادة
وهذولا حسابهم عسير عند ربهم
وترى بالمقابل في مهندسين مايدامون بس يبصمون ويردون وماشاءالله محد تكلم عنهم ولا احد قال ليش من المهندسين اللي يشتغلون ويكدحون!!
والله يبارك لهم
وترى هذي الكويت ديره لاعبه بحسبتها الواسطات
وانا انصح الكل ((((( لاتخلون الحسد والحقد يلعب فيكم آخرتنا جنه ونار )))))
كافي انها تاكل و تلبس حرااااااااام
فوقهم ربهم
ياربي يا هالكادر ملينا و احنا ننطررره
عسى ان تكرهو شيئا و هو خيرن لكم
وبعدين المبالغ الي طالبتها جمعية المعلمين لاهي قويه ولا شي نفس التطبيقي يعني الله مايرضى التطبيقي نفس شهايدنا والفرق بينه وبينهم بالمعاشات قويه
رفيجتي قطريه انصدمت يوم قلتلها معاشي قالت احنا المعلمين تبدي معاشاتهم من 1200 دينار كويتي
ولمن يتقاعدون يوصل لي 2600 ليش قطر اغنى منا؟؟؟ مو مثلنا دوله غنيه وصغيره شالفرق بينا وبينهم؟؟بالعكس انا اشوف ان الزياده راح تخلي فيه تنافس بين المعلمين لان راح يصير كل واحد يبي يصعد مايبي يظل على حاله
وبعدين خل ترده الحكومه عادي لان راح تصير مداوله ثالثه وراح يصدر بقانون نفس ال 50 وفي هالحاله راح يتطبق غصبن على الحكومه لان خلاص ماراح يرجع لها وسيده راح يصدر فيه مرسوم
يعني المفروض الحكومه تحفظ ماء وجهها وتوافق عليه احسن لها لاتعيد غلطة ال 50