رايكُم بعد الله "

السسسلام عليكم والرحمه

اللي فاضيه تدخل
اللي عندها شغل ومالها خلق تقرا تجي وقت ثاني

انا متزوجه من حوالي 9 شهور
وانا سعوديه وهو كويتي
من خذيته وانا بمشاكل

بعرض لكم وضعي بالتفصيل

انا عند ابوي مدلعه ولله الحمد
ومو مخلي علي قاصر
ولاعمري طلبت شي وخلاه بخاطري
وروحات وطلعات وجيات
واهلي الحمدلله مخهم متفتح

بسس من خذيته ماعاد اطلع
حتى معه
3 مرات يمكن من خذيته طلعت معه
ومره منهم اخته كانت معنا بمطعم

عمري 20
وعمره24
بارد مايقول كلام حلو
لو يتركني بالشقه بالشهر مادق يسال عني
اهم شي عنده السرير ولاخلصنا عطاني ظهره
منعني من دراستي
حابسني بالشقه
وكل شي عنده عيب ولا
مع انه عادي على غيري وتفكيره ترا متفتح
بس لاجا الشي عندي
تحسون بتطلع جنونه
ذيك المره بالمخيم قلت له
بسوق قال طيب
وبعدها كل ماقلت له قعد يهاوش
اهله مره متشددين
البيئه كلها مضايقتني

هو حليو ولارحت معاه السوق يوم ابشتري للشتا وللعيد ماخلى شي بخاطري
يعني حرام اظلمه
ولازعلت يراضيني مو عشاني عشان النوم
وهذي ثاني مره تونا متزوجين بيسافر مع ربعه لقطر

لاهو اللي مونسني فاهمين ولا انا مستانسه

ولاقلت له بروح عند اهل امي اريح شوي يعيي

مع ان حنا قبل الزواج شارطين عليهم الدراسه بس ماكتبناه بالعقد

ومقصر معي بالمصرووف واجد ولاطلبه غيري قال ابشر

ترا كلمته بهالمواضيع واجد بس يزعل ويهاوش

مدري شسوي ودي اقول يا ادرس ولا اروح اكمل عند اهلي
بس يقول لابغيتي تدرسين بطلقك
وانا حاسه بنقص واجد معه مو مثل ماكنت عايشه عند اهلي

واخاف اتطلق ويعاقبني ربي وما القى احسن منه

نفسيا ماني مرتاحه معه مع اني احبه
بس بيئتهم بشكل عام ماعجبتني

واحيان اقول اصبري يمكن الجاي احلى

مدري

شنو مافهمت يعني علشان الطلعه؟
ولا للدراسه مو مخليج كلشي بالتفاهم والاقناع يصير لاتستعجلين
والريل مرات مايدلع مثل الابو فديتهم
شوفي الايجااابيااات

مادري صراحة

بس خليلج موقف

يعني لايسلب شخصيتج

اهوو احسه بيمشيج على كيفة

خو الشبااب يحرشون بعض

دايماا زوجي لاتزاعلنا يقوول ((قالولي خخخخخخخخخخخخ

المهم خليلج موقف لاقال اتركي الدراسة قولي لااااااا

لان الشهادة بصراحة اهم من الريال بنفسة محد ضامن نفسة

وروحات اهلج يمكن يبيج عندة حسني الظن بهذي

المهم الله يعينج يااارب

كل الاشياء اللي قلتيها عادية وتتعايش معها اي وحدة الا الدراسة حاولي باي طريقة تكملين دراستك والله يوفقك كلها فترة وتتاقلمين ع وضعه ووضع اهله

حبوبه اهم شي الدراسه اصري عليها
بس مو تحنين يعني دلعيه وبعدين قوليه ابي اكمل دراستي
ولاتقيسين دلع زوجج بدلع ابوج
طبعاااا الابو غيرررر
والله يهديكم حق بعض

لا تقارنين عيشت اهله بعيشت الريل ..

فرق بين الاثنين ..

عشان جذى هذى حياه جديده عليج ومنتي عارفه اشلون تاقلمين نفسج فيها .

خصوصا انج باول الايام توج..

دام الريال حبوب ومو مخلي عليج قاصر اجلي الامور الثانيه مع الوقت ..

مثل الدراسه مثلا قوليله بكمل بالبيت اشرايك . مو ضروري تروحين وتردين يمكن ما يحب الطلعات الكثيره .

اهله مصيرج تتعودين علي طبيعتهم لانج يايه من بيئه مختلفه تماما عنهم عشان جذى حاسه بغربه مو قادره تتاقلمين .

حبيبتي رياييلكم مثل اليهال حاولوو تقصون عليهم بالكلام الزين والمرتب عشان تكسبونهم

عمر الصراخ والتهديد والزعل يسوي شي .

عسى الله يهدي اموركم ومرد الدنيا بتسنعه

بالنسبه للمصرف ما فيها شي لا قلتيله خصصلي مبلغ معين مابي اكون محتاجه وانته موجود .. ومن هالامور

وان شاءالله ربي بيهديه لج ان شاءالله .

حبيبتي آنا بأول الزواج ماكنت مرتاحه مع زوجي بس الحين ولله الحمد مرتاحه حيل ,,
صبري عليه شوي شغلات ثانويه تتغير مع الوقت ,,
تدلعي عليه وكلميه برومنسيه عن اللي مضايقج لاتعصبين وخليج ذكيه متى تكلمينه ,,
اذا ماابادر بشي انتي اللي بادري ,,
الرياجيل عقولهم تقدرين تقصين عليها عرفي زوجج عدل وشخصيته وشنو اللي يضايقه واللي مايضايقه ,,
خليه يحتار فيج لاتخلين له فرصه يمسك عليج ممسك عشان بعدين بيشوفج مومقصره وبيدلعج ,,
واهم شي الدعاااء ادعي انه ربي يسخره لج ,,
موفقه ,,

الله يجزاكم خير

بسس انا كذا مره مسكته يكلم وسامحته وحلف مايعودها
وعالبلاك بيري بعد
والحين هذي ثالث مره القاه محمل الهوز هير مع انه حلف ماعاد يحمله

لاطلع يحمله ولارجع البيت يحذفه

حبيبتي جنه ريلي اول ما خذته اللي انا معاه ماشاءالله تبارك الله عشر سنوات اللحين اروح مكان اللي ابي ولا يقول اي ولا يقول لي لا

مع ام كوثر

مع ام كوثر