رايكم يهمني الحيييييييين ؟؟

مرحبا خواتيي

اليوم اختلفت مع زوجي بسبب تافه ومد ايده علي

من الظهر كانت السالفه والحين يا وقالي انا اسف وانتي عصبتيني
وقومي خل نطلع انا بروح الخياط وارجع لبسي ناطرج
بس انا مطنقره ومومعطته وي شرايكم اظل عزيزه نفس عشان يتادب
وما يمد ايده
ولا اطيح الحطب وراوح لانه اعتذر؟؟؟

دام اعتذر روحي بس فهميه ان الي سواه غلط وربي يوفقكم ولا تكابرين وايد ترى الريال هم تيله ساعات طنقوره قويه ويعاند ويركبج انتي الغلط لي طالت السالفه توكلي قومي شيلي بوزج الممدود وضحكي جي وروحيله بس فهميمه اذا تكرر هالشي ماراح تسامحينه من كلمه اسف مره ثانيه

والله صعبه مدت الايد ..

مادري الصراحه يمكن لو انا ما اطلع اظل منطقره

بس انتي تعرفين ريلج يعني اذا سامحتيه راح يتوب ولا من النوع الي ما ينعطى وي

طلعي بس خليج رسمية و اذا كلمج بيني له انج متضايقة من اللي حصل

لو انا ماطلع
او اطلع بس اظل مممممعصبه عشان يعرف ان مدت الايد مو شيء سهل وبسيط

بنات لا تشيشونها على ريلها شوفو نكها دلوعه ريلي يعني مستانسه وحابه ريلها خلها تسامحه دامه اعتذر وعفا الله عما سلف وتفهمه ان هالشي ما ينعاد

ماشاءالله عليــج هذآ الي تووني بـ قووله ..~

فهميه لأنج تحبينه بـ تطوفينهآ هـ المرهـْ

بس بيني له انج متضآيقه واذا تبون تنآمون لوول سوي نفسج تونين او تبجبجين ومآتبين تبينين له واذا قآل شفيج قولي نآم فديتك مآفيني شي ..~

وقولي له انج سآمحتيه بس الي صآر مو رآضي يروح عن بآلج عشآن صج صج يتأدب

والله يكتب لكم أيآم سعيــدهـْ ومآيتكرر هـ الشي :$

~

اوكي شكلي بطلع بس بطنقر شوي
لان لازم يتادب ومايعيدها

انا اقوول لا تطلعين .. عشان ما يتعود على الشي اللي سواه ويحط بباله اني بس اتأسف بترضى …

انا نصحتج وانتي براحتج ..

دلوعه حبيبتي انا صار معاي موقفج هذا ورحت بيت اهلي وكبرت السالفه وبالاخير يت على راسي فسمعي نصيحتي وروحي ولا تطنقرين وايد ههه

لا قويه يمد ايده حتى لو على قولته عصبتيه

انا اقووول خلي شوووي لاتكلمينه عشاان يكوون درس له ومايعيدهااا ويمد ايده

؛
؛

اصعب شي مدة الايد

بس انتي ابخص بزوجج اذا تعرفين انه ندم خلاص سامحيه

بس اذا ممكن يعيدها لازم تعطينه درس

؛
؛

والله انتي ابخص بريلج اذا اهوة يتوب بالحقران
او انه يتوب بالطيب اذا طوفتيها له
انتي ادرى والله يهدي سركم حبيبتي وموفقه

يا بنيه البسي عباتج بس حسسيه انج زعلانه شويه مع اني حاسه انج السبب بالضرب

خلج مطنقره عشان يتأدب