رائحة الفم الكريهه كيف يتم القضاء عليها؟

قوه بنات حبيباتي انا فيني عقده من ريحت الحلج ماحب اسولف مع احد ويه بويه علشان لااكرهه من ريحت حلجه…بس عندي رفيجتي وايد احبها واعزها وتعاني من ريحة الحلج الطبيعيه الي موو اوووفر يعني مافيها مرض

احس روحي سخيفه وانا اسولف) المهم شنو الحل النهائي للقضاء على الرائحه الكريهه؟؟؟؟؟؟؟؟

في عندج خلطه يسوونها خبيرات الاعشاب
تتكون من : مرميه مطحونه + ملح
تطحنينهم مع بعض
وتخلطينهم وتحطينهم بعلبه فاضيه عندج وتستخدمينها
تحطين الخلطه باصبعج وتفركين اسنانج وتقدرين بالفرشه وتفرشين اسنانج عادي
بس صج رووعه تنظف وتبيض وتوخر الريحه
حيل حلوه
جربيها وادعي لي اوولد بالسلامه واوولد هذا الاسبوع

مشكولاه حبيبتي والله يسهل عليج يااااااااارب

عقب ماتفرش اسانها بالمعجون خل تفرش لسانها لان يقضي علي البكتيريا

انا اقول يمكن تكون عندها المعده تعبانه

خليها تكشف على لثتها يمكن عندها التهاب
او يمكن البلاعيم ملتهب فتطلع ريحة
خليها تغرغر بملح ترى كويس للثة