|
|
السلام عليكم
شلونكم بناتات وحريمات
ابيكم تساعدوني بحل اذا الحل عندكم
انا تعبني النمل بشقتي
مادري من وين يطلع
مع اني معقدة بالنظافه حتى ريلي يقول انتي مينونه من كثر ما انظف
ويوميا انظف شقتي بيدي
وانظف المكان اللي كلينا فيه بعد الاكل عشان اتاكد ان ما في بقايا اكل عالارض
لكن النمل مادري من وين طالع
المشكله انه بس يطلع بالصاله والمطبخ والحمام اللي بينهم ( حمام الصاله )
وفترة يطلع بزيادة اللي حتى التنظيف ما ينفع معاه .. وفترة ينقطع فجأة ما اشوف ولا نملة
ويعورني قلبي اذبح هالنمل .. بس انا كل خوفي يدخل بالاكل الموجود بالمطبخ .. انا عقدتي الحشرات الصغيرة .. صرت اتخيل اني بيوم بفتح علبة اكل وبلقى فيها نمله
.. ومرة صارت ان زوجي رجع الشقه واكل سلطه وخلا الصحن ما غسله
ولما رجعت انا ولقيت الصحن كله نمل قطيته بالزباله ولا فكرت اغسله
لاعت جبدي
النمل صار يضايقني ومادري شلون اخليه يروح .. وجربت اكثر من طريقه بس ما ينفع هم يرجعون
وما افكر اتصل على الشركات اللي يرشون البيوت عن الحشرات لاني سامعه ان هالمواد اللي يرشونها تضر واثرها يبقى فترة طويله
ساعدوني شلون اخليه يروح مرة وحده
تعقدت مو قادرة ارتاح بقعدتي ولا باكلي ولا بتنظيفي لبيتي لان عقدتي الحشرات الصغيرة ومنها النمل
واكون لكم شااااكرة
اتمنى البنات يساعدوونج والله ماعندي اي فكره غير ان في شركات تنظف البيت من النمل
بس مادري
اتمنى البنات يفيدوونج اكثر
بمكان الفتحات اللي يطلعون منها
والله راحوا
وجربت طريقة السمسم .. ما نفعت
واتصلت بشركه وحطو عجينه بكل زاويه بالمطبخ
وقال نطري ثلاث ايام وبعدها نظفي المطبخ
وفعلا راحو بس لو تشوفين المطبخ اعوذ بالله صار قرف من كثرهم ميتين
وبعدلة كل شي بمطبخي والحين الحمدلله من بعد هالعجينه ارتحت
تقدرين انتي تروحين جمعيه وتشترين العجينه وتكورينها وتلزقينها
احسن من الرش لان يمكن تاثر عالصدر
والله يعينج
اقري عليهم سورة النمل باستمرآر ….
خاصه هالآيه …
(حَتَّى إِذَا أَتَوْا عَلَى وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ) [النمل: 18].