دفاتر التحضير

كل عام والكل بخير

مابقى شي للدوامات ولوعه الجبد .. جنه امس معطلين بسرعه رجع الدوام وعوار الراس << متفائله من اولها

حبيت اسال مدرسات الانجليزي عن دفاتر التحضير ابي مكان يبيع دفاتر تحضير للمنهج اليديد لاني عيزت وانا احوس مالقيت الا المنهج القديم ياليت اللي لقت ةشرت تدلنا عشان مانحوس على الفاضي ونبي اشكال fun وكيوت بنفس الوقت

يلااااااا همتكم خواتي

سلام انا السنه بالذات شايفته شكثره منتشر اذا بس الاماكن اللي واثقة منهم مكتبه السنافر بالاندلس وفي سوق قصر الامارات المكتبه مكتبه الواضح وسوق الاسرة فالفحيحيل اتمنى اني فدتج

على طاري دفاتر التحضير انا ابي دفتر تحضير حق الرياض
حق الروضة
ابي دفاتر تحضير شي وحلوة وفيها زخارف حلوة

وانا سمعت انه في ابلت يودون المطبعه ويسوون لهم دفتر خاص فيهم
شلون يسوونه وبجم ومتى اوديه لهم ؟؟

دفتر انجلش و كيوت ؟؟ طلبج صعب يا قلبي ..

انا انجليزي .. بس للحين ما بديت بالتدوير ..
ان لقيت شي يسوا بقولج .. افكر اروح للسنافر … خاصة انها يم بيت اختي ,,
يعني اروح اتشرى و اشرب قهوه عندها

اما تغليف الدفاتر … فانتو تروحون للمكتبه … مثل الواضح
وتختارون ملف او دفتر تحضير واهم يغلفونه باللون و الشكل اللي تبونه ..
في ديزاينات وايد حلوه … والوان عجيبه و خامات غريبه ..
و يكتبون الاسم و التخصص و يسوون كل اللي تبونه ..

بس عيبهم مرات يكونون ثقال … او ما يتحملون شيل و حط وايد ..

اي و الاسعار اللي سمعت عنها ما بين 7 الى 12 دينار ..

والله انا انجليزي والعام شريت من قصر الامارات والواضح

هالسنة يمكن اطبع اوراقي بنفسي على طريقة التحضير الجديد واصورها واغلفها

الجادل ..
انا العام سويت جذي ..
حلوه هالطريقه … لانج تحطين الصور اللي تبينها و تعدلين حسب التحضير اليديد على راحتج ..وكنت استخدم الاغلفه الشفافه ملوت الملفات … بس صار على اخر السنه شكبررره و شثقله
ومرات تتعطل الطابعه او يصير شي بالكمبيوتر … باوقات حرجه … مثلا قاعده مثلي الفير تبين تحضرين .. مو وقت اعطال و خرابيط ..وهقه

روحي مكتبه جرير كل شي فيها وانا اخذ دفاتري التحضير منها حلوين وحدهم كيوت وانجليزي بعد

دفاتر الجرير موجوده بمكتبة الواضح وحلوين انا مستخدمتهم العام

وين مكتبة الواضح بالضبط أختي ,,

شفافة

مكتبة الواضح بفحيحيل … شارع الدبوس اعتقد ..
صايره غاليه شوي مو مثل قبل ..

وترا يمدحون بوابة الهدايا و مكتبة السنافر بالاندلس ..

بس حاولي اتدورين الجاهز .. اول ..
لان الجاهز مقسم و خالص … و مريح ما تحاتين