|
|
قوه بنات …
بنات انا في مشكلة كبيرة ويمكن تهون على اغلب مشاكلكم بس حيييييل جارحة قلبي لانها خيانة من شخص عزيز وحبيب و زوج وابو عيالي …
ومن الاول اقولها هو ابداً مو مقصر معاي .. ادري فيه يحبني حيل وما يتخلى عني و وووو جم مرة يعيد هالشي علي ! ..
ولو مو اني احبه حييييييييييل جان علطول قلت حق اهلنا بس السالفة صار لها سنة ولا فتحت حلجي ولا احد يدري فيها وهالشي واااايد معذبني ،، اكتم واحبس داخلي وابلع سجاجين واسكت وما اقول !!
بدت السالفة من اخذت تلفون زوجي كالعادة احب اطالع مسجاتي القديمة له واطالع صور الرحلة اللي كنا مسافرين فيها بكل براااااااااءة .. والا اشوف مسجات موجه الكلام فيها لانثى .. والرقم مو رقمي ولا رقم احد من قرايبه .. وبكل ثقة وحب فييه ما شكيت .. ليما بعدها بجم يوم شفت مسج غيره ((( انتي …. انتي … الخ ))) .. حفظت الرقم علطول وقلت له هذا حق منو ؟؟
سحب التلفون مني وبكل برود قال رفيجي دازه مو انا !!!!!!! وانا بكل غبااء وحب اعمى صدقته !!!!
وتتوالى وراها المسجات والمكالمات بالخشيشة .. جدامي هلا بو فلان الصوت مو واضح … يطلع بره الشقة هلا حبيبتي !!!!!!!
ومرة سمعت مكالمة كاملة وتهاوشنا و جذب علي وصدقت كل اجاذيبه بكل غباء وعمى !! بس مع هذا صرت اتجسس عليه اسمع مكالمات يقوم من اول الصبح بس عشان يكلمها !!
وغير المسنجر والمحادثات اللي خلتني اطيح عليه ..
على يوم يكلمها على اساس بو فلان !! دخلت الغرفة بسرعة وسحبت اللاب والا فاتح كام معاها !!! بعدها اعتذر وندم وبجى و خلاني اكلمها بالتلفوون اشلووون كلمتها مادري كنت منهارة وما بردت قلبي فيها للأسف !
وبعد كل هذا …. كل الندم والبجي والاعتراف ….. اشوف تجدد السالفة .. قبل جم يوم .. اشوف تلفونه مرة ثانية مسجات حبيبي احبك الخ … !!!!!!!
امبيه صدمة .. والله صدمة على قلبي ما تدرون اشكثر احبه هالريال والله اموت فيه لا ماخذته عن حب ولا شي .. زواج تقليدي من الاهل بس حبيته !!!!
وبتقولون مينوووونة حدي اني للحين ماكو ذرة كره وحقد عليه .. امبيه مادري شلون ..الحين مطنشته جم يوم قاعدة بيت اهلي لان الشقة تحت التجديد .. ما اكلمه ولا ادق عليه ..
دزيت له مسج اكرهك وحاقدة عليك وعتاااااااب شطوووله اشعرضه ومسجات ورا مسجات ..بس كله كلام .. ابي اعرف ليييش ماني قادرة اكرهه وااااي لأ ماقدر !!!!!!
هو فعلاً جارح قلبي حيل ومأذيني و حالتي النفسية تعبانة وساوس اعيشها من سنة وشكوك وخوف وقلق وانا كنت حامل وبعدها ولادة وبعدها مرضع وامومة .. والله حرام عليه اللي سواه فيني ..
حيل دمرني بس فوق هذا انا بكل بساطة .. بكل براءة … احبه والله .. 
اعرف ايميل هالللي ما تتسمى واشكثرررررر دزيت لها ايميلات وكلمتها مسن حتى ابيها تندم ابيها تعترف بغلطها ابيها تستغفر ربها .. مااا يفيد معاها ليما الحين عرفت انها ما تابت لا خلاص ،، دزيت لها ايميلات اسفل فيها وكلاام مشحووون حقد عليها …
بس والله تعبت عفية بنات شسوي لها عشان توخر عن زوجي ومابي اقول حق اهلنا لاني بجذي راح اييب المشاكل حق نفسي !!
ودي افضحها بأي طريقة بس المصيبة راح افضح زوجي جذي .. > مينونة ادري صكيت على جولييت !!
بنات ادعووولي :"( ..
اكثر شي يؤلم الزوجه ويصغرها جدام نفسها والمجتمع
هو خيانه الزوج
واكثر شي تخسر الزوجه فيه ثقتها بنفسها
هو خيانة الزوج
واكثر شي يخلي الزوجه تفقد اعصابها وانوثتها
هي خيانة الزوج
عزيزتي انتي للاسف ما حبيتيه بس حبيتي قصص الحب اللي يمثلها لج لما تطيحين عليه
فوفو
أمبيه ريلج حسيته مراهق شنو هذاااااااااااا
الله يصبر قلبج ويسخره لج ويعرف ان هالطريج غلط
والي باط جبدي هالحيوانه بواقه الرياااايييل :@
,,,
مادري شقولج اذا اهوا ندم وحسيتيه تغير ويبيج خلاص سامحيه واذا ما تاب من سوالفه وخرابيطه واهوا ريال متزوج مو مراهق عشان يكلم
سوي الي تشوفينه صح بس اهم شي كرامتج لا تدوسينه وتندمين قد شعر رآسج
الله يهديه و يهديها و ويبرد قلبك
اي ادري الحب عاميني .. اخلاقه وتصرفاته معاي وكل شي وحنيته على عيالنا عندي 2 بس وايد يساعدني بوايد اشيا عشان جذي احبه .. مو عشان شي عابر .. !
و اعرف اسم البنت الثلاثي هو قاله لي تخيلووو !! واعرف رقمها !!! واعرف اسم اخوها من النت وورك بالايميل مالها !!! اعرف كل هذا وما اعرف شنوو اسوي !!! …
زوجي دايماً يقوللي هي ما تسوى نعالج هي ما تاخذ مكانج ..واقولكم مو مقصر معاي بولا شي … يقول انا زين سويت هالشي عرفت ان محد بقلبي غيرج .. ومن هالكلام .. !!!!
زين هذا السنة اللي طافت .. الحين عيل لييييش رديتو ؟؟؟ والله كله منها هالحقيرة … بواقة الرياييل .. شلوون افضحها مادري :"( ..
الحين سؤااال حق امثال هالبنات .. بنات ابليييس .. لا تقولون لي محد منهم يدش المنتدى .. الا يدشون ويقروون ويضحكووون ..
انتو يا بنات ابليس ما فكرتوا شوي ولا يتلكم ذررررة احساس بشعور هالزوجة ؟؟؟؟
ابي اعرف هم ليش ما يحطون نفسهم مكانها ؟؟ ليش ما يفكرون لو اهاليهم دروا شراح يصير فيهم ؟؟؟؟ لو تخيلوا الوضع شووي بس شووووي .. ماراح يعيدون التفكير مليون مرة قبل ما يسوون اللي يسوونه ؟؟؟؟
والله حرام عليهم دمااار بيوت وتفرقة بين ازواج … وياريت هم مرتاحين .. على قولتكم علاقة عابرة وبالخشيشة وين الراحة يا ربي شلون تستانس جذي ابي اعرف ؟؟؟؟؟؟؟؟؟؟؟؟
الله يرد كيدهم في نحورهم بس ،، مثل ما يخربون بيوت الناس الله يراويهم بس ..
الحال من بعضو تو نزلت موضوع عن خيانة سي السيد الي عندي
شوفي يا قلبي
لا نحط بنات ابليس شماعه نعلق عليهم سبب الخيانه .. أنا معاج انهم ملاعين .. وسراقين الرياييل .. ولا تخافين كما تدين تدان والله باجر راح يشوفون الحسره والندم من هالتصرفات ومثل ما حرو قلوبنا ربي بحر قلبهم أكثر
المشكله بأزواجنا .. قلة الوازع الديني فيهم يخليهم بسرعه ينجرفون ورا هالطريق وبسهوووله
تدري شنو المطلوب منج .. ارجعي لربج والله ماراح يردج خسراانه
اكثري الدعاء ليل ونهار حافظي على الصلوات قوي علاقتج برب العباد
وبتشوفين شلون راح تنتصرين بالنهاية
نصيحه من اخت لأختها
ماقدر اقولك شي لكن عطينا رقمها هنيا اوعلى الخاص ونوريك الشغله والله انت تبكي
وش رايكم كله وحده تكشف رقم رفيقت زوجها تنشره عشان تتوب من الازعاجات
الادله عندج واجهيه فيها قعدي معاه قظبيييييه وقوليله يابن الناس انت ريلي واحبك بس هالخرابيط ماراح توصلك الا نار جهنم وهالشي انا خايفه عليك منه لانك بتكون من اهل النار وانا اتمني ربي يجمعني وياك بالاخره بالفردوس الاعلي
قوليله شالفرق بيني وبين هاللي تكلمهم؟؟؟؟ شنو اللي شايفه فيهم مو لاقيه عندي؟؟؟؟؟ ترضي وانا مرتك اصير نفس هالبنات السافلات ؟؟؟؟؟؟؟؟؟؟؟؟
لو يتسلط علي واحد ولد حرام ويأذيني ليل نهار ويلحقني وين ماروح ويقط علي كلام وصخ ترضاها علي وانا مرتك.؟؟؟؟؟؟؟؟؟؟؟؟
قوليله اللي يلعب باعراض الناس ترا ربي قادر يلوث عرضه توب يابوعيالي من هالخرابيط وارجع للواحد احد الفرد الصمد واندم علي كل اللي سويته بحق ربك وبحقي انا اللي شاريتك وابيك وخلنا نفتح صفحه يديده وحياة سعيده ونغير كل شي له علاقه بماضيك الاسود
اذا وافق زين علي زين واذا ماوافق مالج الا حل من الاثنين
يا اما انج تصبرين وتحتسبين الاجر وتبتهلين لله بالدعاء انه يرده لج ويصيرمعاج مثل نبض قلبج
والا تقولين لاهله عن سوالفه يشوفون له صرفه
والله يسخره لج ويهديه ويصبر قلبج ويهدي سرج ياقادر ياكريم
صج انها سالفه تحر القلب وتذبح بعد
ليش ما تقعدين مع زوجج وتشرطين عليه انه يغير خطه
او انتي روحي اشتريله خط وقوليله هذا خط يديد شريته حقك عشان ما ابي نخسر بعض غير الخط وعطني الخط القديم وكسري جدامه
واذا ما شفتي فايده لازم اتدخلين احد كبير بالسالفه
لأنه ابصراحه مو هينه السالفه
هذي خيانه
ومافي وحده ترضى تعيش هالعيشه التعيسه
اهو عايش حياته وانتي تحترقين بالدقيقه ألف مره
اشحادج على هالشي
سنه صابره!
والله انج قويه
الله انشالله يهدي زوجج ويسخره لج ويعمي عينه عن كل البنات ومايشوف احد غيرج حبيبتي
سعودية .. تسلمييين يالغلا بس شلوون انتي سعودية واذا بتكلمينها راح يطول لسانها عليج اكثر !! :"( بس فعلاً فكرت بهالشي اكثر من مرة احتاج وحدة قوية تكلمها وتسفل فيها وتشيب راسها وتراويها نجوم النهار …
انا خوافة وضعيفة وماعندي لسان طويل .. بس بالايميلات ماكلتها للآخر وضربتها مليون ضربة قاضية من اكتب لها مسجاتها الغرامية الوسخة حتى تخيلو تقول له المفروض بنتك تكون بنتي ومن هالكلام الحقيييير !!!!!
بنات اللي تحس نفسها قوية وتقدر تاخذ حقي و تبعد بنت ابليس توديها الى ابوها ابليس وذايقة هالشي من قبل بليييز خبروني اعطيكم رقمها واسمها الثلاثي عالخاص .. !!