|
|
شخباركم
قبل العيد بجم يوم انا كنت حاطه موضوع سئلت فيه شنو البس يوم العيد لأنه ابو زوجي متوفي ثاني رمضان وطبعا ماعيدنه بس الي صار أهل ريلي كلهم تيمعو يوم العيد فبيتنه لأنه احنه ساكنين مع أهل ريلي
المهم قعدت عقب صلاة الصبح جهزت ثوب ريلي وغترته وبخرتهم وطلعت اغراضه ساعته ومسباحه وقلم وهالسوالف يعني
تالي قعدته حق يقوم يصلي الصبح
قام عيد علي وعيدت عليه وراح يتسبح ولبس ثوبه وبخرته وراح يصلي العيد
تالي رحت انا تسبحت ولبست دراعه مافيها شي بسيطه واايد وفوقها عباتي مافيها اله نقش بسيط فاليد ولونه وردي على بطيخي وتبخرت وحطيت فونديشن شوي بس عشان مايدهن ويهي ومسكرا خفيفه ماتبين
ونطرت ريلي اول مارجع من المسيد ياني فوق ونزلت معاه تحت نعيد على خالتي وقعدنه واهله شوي شوي ايوون وطبعا البعض متمكيج وكاشخ والبعض على خفيف
بعد شوي اله اهني الصدمه خوات ريلي نازلين وكل وحده متمكيجه ولابسه وكاشخين جنه الي ميت بيت جيرانهم مب ابوهم
طبعاً اهني ريلي كان يطالعني ومستغرب وتالي قام ركب فوق ورحت وراه وجفته متضايق وهم الدنيا كله بويهه
قلتله شفيك متضايق على خواتك والي مسويينه قالي وانتي تجوفين هالشي مايضايق
قلت له معلي اهمه يمكن يسوون جذي يبون ينسون الي صار بس صدقني الحزن فالقلب وكل واحد كيفه واهم حر بنفسهم مالنه شغل فيهم
قام حب راسي وقالي المفروض انتي الي تسوين نفسهم وتلبسين وتكشخين وتروحين بيت هلج بس ادري انه ماسويتي هالشي عشاني وقالي قومي روحي كشخي وروحي عيدي على هلج قلتله لا اتصلت فيهم وعيدت عليهم واهمه مقدرين الوضع الي احنه فيه ماله داعي اروح لهم وبالعكس مثل ما اهو ابوك اهو مثل ابوي وكان معتبرني مثل بنته ومثل ماانت متضايق انا بعد متضايقه ومالي بارظ اتعدل واتكشخ اهني حسيت صج كبرت بعينه
وحتى ام ريلي احسها متغيره معاي 180 درجه اهيه صج ماجفت منها اله كل الخير وجنها امي بس عقب هاليوم صج حسيت انه يعني كبرت بعينها وبعين ريلي مع انه ماسويت شي
ولي اليوم ريلي يقولي الجراب ماسوو الي انتي سويتيه كشخو وتمكيجو وانتي ماسويتي الي سويتوه
والله انا شكثر مستانسه هاليومين لأنه ريلي مب عارف وين يحطني وشيسوي حاطني بعيونه
صج تغير وايد قبل لايتوفى ابوه الله يرحمه كان غير كان انسان ثاني ظالمني ومغربلني لدرجة انه وصلت بغيت الطلاق بس الحمدلله انه ريلي رد لي واعتدل والله يهديه انشالله
واحب اشكر البنات الي ساعدوني وانصحوني واقولهم نصيحتكم صج فادتني وايد وغيرت حياتي واايد
الواحد اذا امه والا ابوه مريض ماله خلق
شلون اذا متوفي
استثنائيه
اي والله وانتي الصاجه شلون يعيدون ويتمكيجون اي نفس لهم
والله انا الي ماعشت معاه وايد ضايق خلقي عليه ومالي نفس
ويرحم ميتكم
والحزن بالقلب
وحبيبتي كل واحد يسوي بطيب اصله
والله يوفقج حبوبه