خلصنا من الزوج جتنا مرت الحماا << ياربي من وين طلعت لي بعد ؟؟

مساكم الله بالخير .. شخباركم عساكم بخير ..

انا كتبت موضوع قبل هذا عن زوجي المطوع وشكي فيه بس الحين الامور سهالات ان شاء الله ..

هذا الموضوع كتبته لاني بصراحه ما قدرت اصبر يعني مرت حماي اشكرا عيني عينك لا وقدام زوجي

زوجي طبعه يحب قعدت العصاري مع امه وشرب الشاي والقهوه والحلو طبعا .. انا من تزوجت ألبس نقابي

عند حمواني بس في شغله اكتشفتها من ثاني يوم عرسي ان مرت حماي ما تتغطا عن زوجي طلع نظام العايلة

عادي مايتغطون عن بعض وهالشي قاله لي زوجي بس انا استغربت قلت يعني انت عندك عادي ما اتغطا عن اخوانك

خصوصا ان اخوانه اللي مو متزوجيين من طقتي 20 و22 قالي شوفي انا مااجبرج تقطين نقابج بس انتي براحتج

انا بصراحه استحي ومن قبل مااتزوج متنقبة ماقدرت اتجرأ واقطه المهم عدت الايام بس بصراحه مرت حماي زودتها

حبتين ما تتسلط وتنزل الا اذا عرفت ان زوجي موجود يلا امنا بالله نزلت وقعدت واشربت شاي المشكلة يابنات انها

تحط عطور قوية وهذا زنا صح ولا لأ لان مهما كان زوجي حماها غريب عنها مو مسألة معاها بنفس البيت خلاص

تمون علية الحين خلصنا من سالفة العطور بما انها ماتتغطا وربي لما تنزل احسب انها معزومه على عرس لاتشوفون

التلطخ بالوجهه زوجها دوامه شفتات يعني اغلب اوقاته دوام لان زوجها لو انه موجود والله هالمكياج ما تحطه ..

مره كنا قاعدين نتقهوى وزوجي طبيعته صوته شوي عالي مايمدينا شربنا استكانة شاي الا وصوت كعبها نازلة من فوق

اقول بقلبي ياربي هذا وقته !! ولا نزلت تعالو اسمعوا السوالف والعدسات والرموش والريييييييح اشوف زوجي احس

انه منحرج ولا سولفت معاي سوالفها بس عن المكياج والعطور وصوتها عالي وانا اجاملها واسولف عااادي .. انا

بطبيعتي مااحط مكياج كثر مكياجها بس احط كحل داخل العين وومسكرا وقلوس لاني الحمدلله ما احتاج مكياج وتلطخ

زياده طبيعتي بدون مكياج احلا ولان بشرتي حساسه مااحب احط مكياج كثير .. حتى زوجي يقول انتي بدون مكياج

ملكة جمال << مادري الظاهر يجامل ههههههههه بس تبون الصراحه حتى اهلي يقولون اني لا حطيت مكياج اطلع

مو حلوه حلاتي بنعومتي بس اهي الله يهداها لا جيت اسلم عليها الزري يطبع على وجهي والريح يلزق فيني ..

انا مااقول هالكلام لاني اغار منها لا اصلا زوجي ناقد عليها مرات يقولي شفيها فلانه اليوم صايرة اراقوز !!

انا قلت هالحجي بس لاني ابيلها الستر لان اللي تسوية حرام هذا غير البدلات الضيقة وانا زوجي ولله الحمد

يحاول قد ما يقدر يتفاداها وما يطالع فيها بس اهي على قولتهم تخلي اللي ما يشتري يتفرج !!

وفي سالفة ثانية بالنسبة لحمواني اللي ما تزوجوا .. اهم ما شاء الله محترمين قبل ما يدخلون يقولون احم احم مو مثل

حماي يدرعم لا احم ولا دستور .. اول ما يدخلون والله جنها مستقبلة ضيوف هلا والله فلان تعشيت تبي اطلبلك من المطعم

على حسابي لا تخاف << طاقتها صحبة وعلى فكرة ترى اهي مو كبيرة كبر زوجي 24 بس والله حمواني ينحرجون

منها لا مشكورة يا ام فلان بس تبي تحلل كشختها حتى خدامة البيت لازم تشوفها..عندها ولدين وربي ماتدري

عنهم جاحدتهم بالسرداب مع الخدم اهي اهم شي نفسها ورزتها … بنات انا قلت هالحجي لاني بصراحه منقهره منها

اهي مو غيرة لا والله بس زهقت من تصرفاتها اهي المفروض تنصحني مو تنطر النصيحه من احد .. ادعولها بالهداية

وهالشي كتبته لان في ناس من نفس هالنوعية ونسوا ان " الحمو الموت " .. الله يستر علينا ان شاء الله ..