|
|
بنات شلونكم شخباكم !!!!!!!!!!!!!!
غبت عنكم مده والغايب حجته معاه . 
بدش في موضوعي وابي حل منكم بليزز اللي عندها حل خل تفيدني
انا صار لي مخطوبه اكثر من سنه وكل مانبي نملج تصير ظروف ياوفاة من اهل ابوي يا من اهله
بنات انا مخطوبه حق شخص اهوا مثالي بمعني الكلمه بس في اشياء يتصرفها معاي تضايقني
مثل انه كل كلامه والثاني انتي متي راح اتغيرين يعني مايعجبه طبعي مثل ساعات انتناقش في موضوع واكون مندمجه وارد عليه اهو يعصب يقولي انتي مو محترمتني وانا ماخلصت كلامي شلون تقاطعيني !!!
وانا وحده اتصرف علي طبيعتي يقولي انتي لازم تحترميني وانتي مو محترمتني ولازم اديرين بالج من تصرفاتج الصغيره قبل الكبيره
تخيلوو يعني يدق علي تلفون ويتكلم وبعدها يضل ساكت واقوله شفيك ساكت يقولي ماعندي شي اقوله
وانا بعدها اسكت
تخيلوو شيقولي ……………………
يقولي سكوووتج هذا يضايقني ليش ساكته وانا منبهج من قبل مابيج تسكتين ؟
انزيييييييييييييييييين مو انت ساكت
يقولي اي انا ساكت لاني زعلان عليج من تصرفاتج انتي ليش ساكته تحجي !!!!!!!!!!!!!!!!
اي مو شلون اتحجي وانت مو معبرني وساكت وماتكلم !!
غير سالفه
بنات وامس تناجرنا علي نفس السالفه انتي اسكت وما اتكلم وفوق هذا كله عصب وبعدها يوم قلت له انت ليش دايما تخليني انا الغلطانه مو كا انت ساكت مو قاعد اتحجي !!
قالي مو يعني انا اسكت انتي تظلين ساكته !!
وفوق هذا كله يقولي انا زعلان عليج وعطيتج فرص وايد عشان تغيرين من نفسج بس انتي شكلج ماتبين اتغيرين
اقوله انا طبعي جذي يقولي انتي تعطيني مبررات مو مقبوله
واليوم يقولي انا لازم اقعد مع نفسي وافكر لانه الوضع زاد عن حده
بنااااااااااااااااااااااااااااات شسوي !!
وخير ان شاء الله تتغيرين ماتتغيرين يعني مفروض يقبلج على شخصيتج مو بكيفه التغيير لازم يكون باسلوب مو بهالشكل
ومالومج تسكتين لان طبعه مزاجي ماتدرين شلي يزعله وشلي مايعجب حضرة جنابه
وايد يتحكم الله يعينج يارب
Up
ان شاء الله الي عندهم خبره ينصحونج طبعه صعب
انا كان زوجي ممل وقيود وزف واسلوب مدري شلون ايام ملكتنا
كل هالكلام ذااااب واختفى من تزوجنا ..
سبحان الله اقول في قلبي بس كان يبي يفرض راي
يمكن يكون زوجك من هالنوع !!!
اشوه انكم عالبر لي الحين حاولو تتفاهمون من الحين اذا شفتي نفسج مو متحملته او مو متوافقه معاه خلاص الله يرزقج بالي احسن منه
مادري احس انه صغير ويبي يفرض نفسه غصب
ترا في جذي رياييل عادي
بس سالفة انج تقطعينه يمكن صج ؟؟ حاولي تنتبهين زيادة شكله حساس حبتين
تحمليه اذا تقولين اهوا مثالي
اما اذا فيه اشياء لاتحتمل وتصرفات واهانات لا هي طبعا لازم تفكرين بجدية بالموضوع
فقعد يتحسس .. يعصب على اشياء ماتسوى .. ماابي اضايقج بس
كلامج بلاخير عنه انه يقول بقعد بروحي وافكر ..شنو يعني ..؟!!
شيفكر فيه ليش توه يعرفج ..؟!!
لكم سنه عارفج وعارفته ومرتبطين عن قناعه .. شنو جد يعني …؟؟!!
اهو مال .. من نفسه ومن ظرفه .. عاد لج نصيب بظروف او مالج .. العالم ماترحم صدقيني …
شسووي قعد يحط الوم عليج اني عطيتج فرصه وماادري شنو
كلامه كله فاضي .. انسان يتحجج ..
الله يكتب مافيه الخير يارب لــج ..
.
اما احنا لا
ممنوع نقاطعه ومننوع نسكت
اذا زين تحمليه
خطيبج مغرور وشايف عمره عليج لانج تركضين وراه ومستانس من جذي يذلج
من الحين حطي النقاط على الحروف وخل يعرف انه الزواج معزه واحترام مو مذله وبعدين سالفه السايلنت اثناء المكالمه هذا واضح حسب كلامج انه يذلج وانتي مو حاسه احسن شي ثقلي وخليه هو يركض وراج واذا قالج ليش ما اتصلتي قولي مشغوله وما حبيت ازعجك
خطيبج يقههههههر فهميه ان طبعه غلط
قعدي معاه قعده مصارحه
حشا استاذج مو ريلج
كتبتيها في منتدي المشاكل الاجتماعيه وهم نفس المنوال ويقولي هالمره بقعد افكر عدل واشوف اعطيج فرصه ولا لاء
الله يهداه وايد يدقق
اشدعوه كل هذا
مو مستاهله كل هذا
المشكله قعد تحاجينه ومو راضي يستوعب
تحسين ممكن يتغير
احس مع العشره راح تتعودون على طبع بعض
راح تفهمون كل واحد شنو يبي
الله يسخركم حق بعض يااربي