خشم ولدي كله يطــــــــلع دم :(

السلام عليكم ورحمه الله وبركاته

عندي ولدي عبدالله عمره 4 سنين ونص ومن واهو صغير خشمه كله يطلع دم اذا كح كحه يطلع دم واذا عطس دم واذا نط دم
واذا احد حاشه دم

وديته قبل سنه دكتور وسويت له تحاليل وكل شي قالي مافيه شي او يمكن يحتاج كوي ومادري شنو

ريلي خاف قال صغير على العمليات وجذي ..

الحين انا متلعوزه معاه من شهرين لي اليوم يمكن يوم وترك كله دم ولمن يقوم من النوم دم على الفراش من خشمه

مادري شسوووي ووين اروح اخاف اروح خاص يلعبون فيه وهم اخاف اروح حكومه يلعوزونه

والي خلاني اكتب الموضوع لاني زهقت توه قاعد يكلمني ومره وحده خشمه فيضان دم !! جذي بروحه !!

يبته ونومته وحطيت كلينكس ودم ما وقف لمن صعدت راسه وبس ينزلهاا ينزل مع قطع وحيـــــل

شسوووووووووووووي ومنو نفس حالت ولدي ؟؟؟

شنو الحــــــــل طلبتكم !!؟؟

ابي اعرف اذا وحده من عيالهاا صار فيهم جذي وين راحو وشنوو سووو؟؟؟

والله حبيبتي مادري شقولج مالى الا انج تودينه الطبيب و صار معاه هل الشي انا اشوف امي اول كله ترفع راس اخوي واهو على حظنها

وانشاء الله بيساعدونج البنات

هلا قلبي كا عليه شر انشاء الله
انا واخوي من كنا صغار واحنا من اي شي ننزف وتقوم امي تحط ادينها على صوب فتحة الدم ونرفع راسنا وكانا احنا الحين الي بالعشرينات والي بالثلاثينات نصيح حبيبتي على اتفه الا سباب يروح فيها خليها على الله
وصج حتى ولد اخوي كله جذي سوله تحاليل وقلوله ماكو شي والحمد لله الياهل مافيه شي

كيفك بتبوت

انا ولدي بعد نفس الشي من يينا الصيف واهوا جذيه مرات يقعد من النوم بليل عشان الدم

بس مرت حماي قالتلي عادي لان بنتها كانت حذي

دام مافيه الا العافيه لا تحاتين و تخترعين

اذكر مره الهادي عطونا كريم بس عادي

ماتشوفون شر ان شاء الله

حذي = جذي هههههههه

تدرين شنو اسوي انا مارفع راسه مادري ليش يتراوالي هذا دم فاسد ولازم يطلع كله ههههه

امسك خشمه من فوق واضغط عليه واخليه يطلع الدم اللي بخشمه كله وبس

مفس مشكلة بنتي بالضبطونفس عمرها
كل يوم معاناة اتقعد تصارخ واهي نايمة نافورة مو دم

ويهها صار اصفر مسكينة

اهلين حبيبتي انا وديته وقالولي لازم كوي وبنت حماتي جذي بعد وخفــت بصراحه يلعبون فيه بروحه معصقل

الحمدلله انا بس احاتيه ووايد والله اهو بروحه مسكين تعقد عسى ما حاشه شي حط ايده على خشمه يججيك اذا في دم ولا لاا

مومو يااقلبي شلونج لج وحشه والله وينج غاطه مو مبينه؟؟

انا عطوني كريم لولدي واحط له منه بس المشكله بالدم الي من اي شي يطلع والله بروحه ضعيف نتفه :

وشر ما ايلج ياقلبي وعلى البدليه عادي كلنا بالهوى سوى

حياتي والله ما ادري شسوي من اشوفه جذي اقول بوديه وماكو حل غير الكوي وسمعت شكثر سوو وما فاد معاهم :
ابي وحده جربت كوي ومكان زين حتى لو خاص مو مشكله بس تكون واثقه فيه :

قوه يا حلوه
شوفي انا كنت بالضبط نفس ولدج ومخدتي أذكر كلها دم ظليت لين عمري 20 وانا حامل واتصير لي هالاعراض وبروحها وقفت كنت احط ثلج وارفع راسي
زوجي نفس الشئ بس لما كبر وهو يدرس بكليه الشرطه وسوو له كوي تدرين شنو كوي اسمه يخرع بس اهو الهيدروجين البارد يحطونه بعصايه وداخل الخشم ما تحسين فيه وويقف بكل بساطه جنه ثلج
انا قلت لج عن تجربتنا انا وزوجي بكل الحالتين الوضع طبيعي

زين طمنتيني يااقلبي انا مره مسويه كووي على جرح الولاده بس مادري انه كوي تصدقين !!

اذا المسأله سهله اوديه وان شاء الله افتك من هالسالفه حيل مأزمتني :

حبيبتي انا بنتي جذي من تلعب بالجو الحار ينزف خشمها
وديتها الصباح الطواري وسوولها كي بارد مثل ما قالت الاخت ماده مثل الثلج تنحط بعود ويحطونها بخشمها
والحمد لله بس تقريبا كل صيف يرجع ينزف خشمها ونرجع نسوي الكي مره ثانيه

اولا ما يشوف شر حبيبي الغالي ولدج
عادي ياقلبي انا سويت حق بنتي كي بارد بالطواري ما اخذ مني وقت بس الحمدلله ارتحت بعدها

أنــا كنت جذي أختي .. كان خشمي كله يصب دم وكنت متلعوزه تخيلي حتى وصلت ثالثه ثانوي ولازالت المشكله مستمره .. بس خفت طبعا .. عقب ماصرت بالعشرين
أول مآ يمر أسبوع إلا صاب خشمي وعقبها من شهر وبعدين من سنه واللحين نادر ..
بس السبب كان دمي زايد جدا وفيه حديد بنسبه كبيره ..
فا قمت اتبررع بالدم من فتره لفتره لبنك الدم.. والحمدلله ماشي حالي

ما يشوف شر ان شاء الله

والله ما عندي فكرة ان شاء الله البنات يفيدونش بس احسن شي تروحين اكثر من دكتور وضعه مو طبيعي بسم الله عليه

ما حبيت اشوف موضوعش وما ارد عليش

ماشاءالله البنات ما قصروا
وربي يشفي أولادكم