|
|
شلونـكم بنـاات ؟؟
بسألكم عن الطب المساعد شنوو نظامه بعد التخرج ؟؟ من ناحيه الشغل و الشفتات و المعاش ؟
يعني تستاهل كرآآف بالدراسه ؟ لأن اختي توها متخرجه من الثنوي و حيل محتاره واهي سجلت اول رغبه لها طب مساعد !!
و دام في وقت تقدر تغير فيه رغباتها تنصحونها تكمل اذا التخصص يستاهل ولا تروح آداب ( ادب انجليزي )
اتمنى ألقى الجواب قبل 30-7
يعطيكم العافيـهـ
up
شوفي الرابط ويمكن يفيدج
اختي توها تخرجت من الكلية تخصص علاج طبيعي..
الكلية فيها اربع تخصصات (علاج طبيعي – مختبرات طبية – اشعة- السجلات الطبية) و توه فاتحين تخصص يديد (العلاج بالعمل)
دراسة الكلية اربع سنين … اول سنة مواد انجليزي + مواد مشتركة مع كلية العلوم..
و السنة الثانية مواد مشتركة مع كلية الطب
السنة الثالثة + الرابعة مواد التخصص و الكلينكال.
الدراسة كله بالانجليزي …
يس على قولة اختي الدراسة حلوه وايد بس يبيلها احد متفرغ للدراسة …
و دكاترة الكلية حبوبين و حليوين
انشاللة اكون عطيتج معلومات كافية…
up
up
up
انا وحده كنت طالبه بطب مساعد والله العظيم قعدت فيها سنه ونص كرهت نفسي ..
السالفه مايت عالدراسه بس .. المشكله بالداوم بالشغل بعدين حده ويع !
انا رحت لفيت كذا مستشفى ودخلت عالي يشتغلون وسألتهم الكل قالي انحاشي وحولي !!
والحمدلله توني محوله اداب وبتخصص انجليزي بإذن الله ..
اخذيها مني ولاتضيع مستقبلها والله .. وعسى ربي يوفقها وين ما تكون : )
اي وحبيت اقولج بالنسبه للمعاش ترى اول ماتتوظف بحدود ال700 ..
والصدمه ان اخوي خريج معهد كهربا وماي معاشه 800 !! وهذا واهو دبلوم !!
بالنسبه للمعاش 840
والدوام من 7.30 الى 3 أو 4 العصر
طبعا يختلف الدوام كم ساعه من المستشفى الحكومي عن المراكز الطبيه ..
الدوااام حيل لايعه جبدها منه موعشان الشغل ماعندها شغل بس عشان دوامها طويل ..
وبس واتمنى اني فدتج ..
up
up
الله يعطيييكم العافيه انشالله 
الله يوف اختج ان شاء الله
واذا عالمسمى الوظيفي؟ كافي عليج الروب الابيض وتتعاملين من ناس راقيه ودكاتره خو انتي مو فرااشه وكافي اسم (الطب) المساعد شويه مو ممرضه يعني والي ما يعرف كليتنا هذا جاهل ماعنده ثقافه اصلا ؟؟ ومعنى اختصاصيه بشي معين مثل الدكتور يكون بعلمج اختصاصي بمجال معين ما يكون دكتور عام وبس!! يعني مثلا دكتور اسنان اختصاصي عصب وله اختصاصي تقويم .. الخ ويكفي انج جامعيه والكليه لها معنى وله ما خلوها مع الطب؟ مو حالج حال الدبلوم الي يظل معاشه على 800 واذا زاد حده 950 لا وبعد 7 سنين ياله يوصل ال1000!! |
المشاركة الأصلية كتبت بواسطة 00 الراقيه 00
 شفيكم عالطب المساعد؟ ترى حلوو وعلى فكره مو اول ما تتعينيين تبين معاش يوصل ال1000 وفوق؟؟ على فكره المهندس اول ما يتعين معاشه 1200 ويوقف على جذي طول عمره؟؟ ماكو ززياده والمدرس بعد نفس المعاش؟ انا ابوي مدرس ومعاشه 1200 بعد جم سنه؟؟ 13 سنه هههه لمن ترقى مدرس اول يعني اول ما تعين 750 بس الفرق بينه وبين المهندس هذاك خذاهم سيده وانا ابوي خذاهم بعد تعب جم سنه ياله وصل هالمعاش؟؟ والطب المساعد حلوو ترى اول ما تتعين 800 ورااحه؟ منو قال في شغل؟ وبعدين مع البدلات والخفاره يوصل ال900 وانتي توج متوظفه؟؟ وبعد 3 وله 4 سنين يوصل ال1100؟ زين ترى !! شنو تبون معاشاتكم 5000 مثلا؟ وكل شغله لها تعب وكل دراسه فيها تعب بعد
واذا عالمسمى الوظيفي؟ كافي عليج الروب الابيض وتتعاملين من ناس راقيه ودكاتره خو انتي مو فرااشه وكافي اسم (الطب) المساعد شويه مو ممرضه يعني والي ما يعرف كليتنا هذا جاهل ماعنده ثقافه اصلا ؟؟ ومعنى اختصاصيه بشي معين مثل الدكتور يكون بعلمج اختصاصي بمجال معين ما يكون دكتور عام وبس!! يعني مثلا دكتور اسنان اختصاصي عصب وله اختصاصي تقويم .. الخ ويكفي انج جامعيه والكليه لها معنى وله ما خلوها مع الطب؟ مو حالج حال الدبلوم الي يظل معاشه على 800 واذا زاد حده 950 لا وبعد 7 سنين ياله يوصل ال1000!! |
انا معاج انا طالبة سنه ثانية طب مساعد مختبرات انا كنت مفكرة احول صيدلة بس عقب ما دشيت التخصص شلت الفكرة من بالي ترة الطب المساعد حلو وايد ولاغركم الحجي الي تسمعونه والي ماعجبها صدقيني داشة بدون اقتناع او داشة لانها اساسا ما تدري وين ادش عساس جذي ماعجبتها وايد بنات اعرفهم جذي وكل مكان كراف وتعب وشي طبيعي اول ماتتخرجين بكون معاشج بحدود 700-800 ليش جم تبونه يعني اذا الدكاترة لما يتخرجون اتكون بالحدود معاشاتهم وبعدين كافي انج تدرسين بكلية نادرة وذات تخصصات نادرة وكافي الدكاترة ويهبلون ويقدرون الطلبة واسلوبهم حلو وراقي ونصيحه اذا هاذي رغبة اختج لا تضغطون عليها واتقولون فلانه قالت وعلانه سوت خلوها تختار ومالكم شغل بالقيل والقال وكل واحد يختار الشي الي يحبه ويمكن اختج حابه الكلية بكل مميزاتها وعيوبها وبعدين ماكو كلية كاملة كل كلية فيها عيوبها ومميزاتها حتى الوظيفه فيها عيوبه وفيها مميزاتها فخلي اختج تختار الشي الي تحبة ولاتلعبون بافكارها اذا اهي تبي جذي وبعدين انتي عبالج ادب انجليزي سهل لا صعب اهو اكو شي بالجامعة سهل كل شي صعب بس يصير سهل على الناس الي تدرس وتهتم مو الناس الي تنطش اتمنى اكون ساعدتج وساعدت اختج والله يوفقها وين ما تروح