خدامتي خلت بنتي بروحها وانحاشت!!!!!!!!!!!!

هاي بنات حدب ضايق خلقي خدامتي وخدامة امي انحاشوا اليوم تخيلواااااااا وخلوا بنتي بروحها بالحباسه وبنتي مريضه ساعه ونص بروحها متخيلين لا والمشكله انا خدامتي يمر ياخذها سايق اهلي الصبح لما تقوم بنتي 9 ونص عشر تكون ببيتنا وانا ادق علي بيت اهلي محد يرد الطباخ يطق الانتركم محد يرد السايق قلتله يطق الباب ما يرد جان ادق على امي والا توها بتنزل والا الحبايب الله ياخذهم وحسبي الله عليهم منحاشين ومخلين بنتي بروحها بالحباسه لا اكل لا ماي

وانا نوعي مو كله بنتي عند الخدامه لا اول ما تقوم تروح بيت اهل تقعد عند امي ويردون على ردتي البيت وانا اجابلها لما بالليل اللهم اذا بتلعب ةانا بحضر والا شي تمشي وراها انا حدي متوهقه مادري شسوي وباجر دوام قاعده ادور حضانه اثق فيها ما ادري شسوييييييييييييييييييييي بيتي بمبارك الكبير واهلي بالعدان ودوامي بجنوب السره وبنتي عمرها 1 و3 شهور شسوي ياربيييييييييييييييييييييييييييييي انقذوني

وييييييييييييي يا بعد عمري صج مجرماات ما يهمهم شي !!!!!!!!!!!!!!

حسبي لله ونعم الوكيل حبيتي اصلا من الاول انتي بنفسج اتودين بنتج بيت اهلج من الصبح تالي اتروحين الدوام واتحطينها بإيد امج

الخدم مااالهم امان

والحين فعلا صار لازم ادورين لج حضانه معنها صغيرة على الحضانه بعد قلبي

الله يعينج

انا نفس حالتج بس دوامي بالشامية و انا اوديبنتي اقطها مع ان عندنا سايق بس ما امن الصراحة
الحين انصحج بحضانة عيال ديرتي اظن اسمها بقطعه 8 او نيو ستبس هذيلا اقرب شي عليج
مني لين اتييبين لج خدامة

امبيه

حسبي الله عليهم شذنبها هالصغيرة مخلينها بروحها قطيعه ..

انا اقول اخذي اجازة وودوري لج خدامة حرام بنتج صغير تودينها بالحضانة ما تدرين شنو يسوون هناك

حسبى اللة و نعم الوكيل فيهم سنة و 3 شهور بروحها؟؟؟؟؟؟؟؟؟؟؟ اللة يعينك خذى اجازة و رتبى امورك حرام البنت صغيرة على الحضانة اخاف تمرض من الطلعة كل يوم والاختلاط باليهال

الله يعينج
للرفع

حسبي الله عليهم ونعم الوكيل ..

حبيبتي مالج الا حضانة عيال الديره بمبارك الكبير روووووعه وراح تكون بنتج بأمان على ضمانتي ..

انا بنتي تمت هناك لما راحت الروضه والحمدلله ماشفت منهم الا كل خير والاهم يعلمونهم القرآن والبنات روووعه وكل مجموعه لهم ابلتين

وكل وحده اروع من الثانيه ..ومن ناحية التبديل والاكل لاتحاتين اي شي توصينهم عليه يسوونه وعمرهم ما نسوا ..

اي شي تبينه انا حاضره ..

يعلها ما تربح قولوا امين

يعلها تتكرفس وتنرض ريلها واهي تركض

وعندي بعد جم دعوة بس مو مناسبين اكتبهم :@ حدي حدي حدي حدي فورت وعصبت هالخدم اغلبهم مو كفو خير ونعمة ما ايون الكويت الا عشان العربدة والوصاخة والله ويلوموني ليش ما اشتغل ومو يايبة خدامة اكرههم اكرههم ماحبهم ولا احب اطباعهم الخايسة قلوبهم جاسية ومافيها ذرة رحمة ووين وين تلاقين لج وحدة تعرف الله وتخافه

الله يعينج يا قلبي ويسهل امورج

على فكره حتى لما الياهل يمرض لا سمح الله يديرون بالهم ولو سخن هناك يدقون عليج يبلغونج وعندهم الادويه ..

انا نيو ستيبس ماعجبتني وغاليه على الفاضي لكن عيال الديره فرق وبنتي ماشاءالله عليها كل شي تعلمت منهم والابلات هناك حيل حنونين وماعمرهم مدوا ايدهم او زفوا الياهل ابدااااا ..

وعليااا مسيجينة
اكسرت خاطري بنيتج

انتي الحين دوري لج حضانة حق الصبح ، ودبري لج خدامة وجابليها العصر ،

واذا ما حصلتي حضانة حاولي ما تداومين باجر ، او تستئذنين

والله ييسر لج

ما قصرتوا مشكورين حسبي الله عليها حمدلله انه الملايكه حرستها وغريبه لا بجت ولاصرخت جان سوو فيها شي قاعده بزاويه بالحباسه وساكته

واااي قطعتي قلبي على قاعده بزاويه بروحها وساكته تخيلت بنتي مكانهاا صج حقيره هالخدامه

مالج الا تسمعين كلام البنات تودينهاا حضانه الصبح وانتي راده اخذيهاا والله يعينج

بعد عمرييييييييي زين ماخطفووها عما بعيينهم

باجر اخذيها مرضيه وافتري على الحضانه الي تعجبج ودخليها

مبارك الكبير في حضانه اسمها اعيال الديره وااااااااايد زينه بنت اختي اهناك

وبجنوب السره في حضانات وايد شوفي بموضوع الحضانات شنو احسن

حضانات بالقرين وايد سجليها احسن بحضانة الخدم مالهم امان