خبيرات عملية تغيير المسار "باي بس" حياكم

السلام عليكم ورحمة الله وبركاته

اخواتي في الله….

انا وزني فوق الاميه بشويه …والسمنه كلها يالارداف والاخت العزيزه الي ماتهون عليها العشره. انا خصري صغير…تهقون تنفعني عمليه تغيير المسار؟؟؟ بطني زنودي صدري ضعاف…في دكتور بامريكا قالي سمنتك سمنة العرموطه "الكمثره" فما ينفع معاك الا المشي
وانا تعبانه ومحبطه بس الله يعلم اشكثر اثق ببنات المنتدى ومشوراتهم…

شالحل؟؟؟؟ تنفعني ولا لا؟؟

انا ماعرف والله بهالسوالف
بس ما فكرتي بالشفط؟ او الشد؟

انتي نفس مشكلتي بالضبط ونفس الوزن .. بس حتى اذا سويتي العمليه لاااااااااااااااازم رياضه .. اذا مفكره فيها شوفي الدكتور سلطان التمياط حيل يمدحونه شوفي موقعه واسألي واستخيري .. انا افكر اسوي العميله بس امي مو راضيه وزوجي متردد وخوفوني صراحه ..

شمرا اخواتي على الردود ….

وبعد ابي اجابات وافيه

حاقريني

انا بعد اعاني من نفس مشكلتج
وفكرت بالعملية – بس مختطرها وايد وحتى اذا انجحت على قولة الاخت اللي فوق – لازم اتسوين معاها رياضة لأن الشحم اذا رد يرد باماكن ثانية – وانا شايفة ناس وايد سووها وملوا من الرياضة وبعدين صار شكلهم ابشع من الاول-هذا بالنسبة للشفط والشد – اما تغيير المسار – فيها خطورة -لأنج راح تلغين عمل عضو مهم بجسمج

والله مادري احس كل الي سووها عندهم كرش !! يمكن ماتنفع حق ملوت الارداف!!

انا مسوية قص طولي للمعدة (سليف)
وقبل 4 اشهر كنت البس جينز سايز 26
واخر مرة قبل اسبوع شريت جينز يديد سايز 22
والخليفة خفت وااااااااايد
ماعتقد العملية لها دخل بالارداف

اوكي اختي انت كان عندك بطن؟؟؟

ولي اعافيك ويا علك توصلين قياس 14 على الصحه والعافيه …اكتبيلنا على الصفحه عشان الكل يستفيد تجربتك وخطوات العمليه …

دشى على موقع الدكتور سلطان التمياط اشهر دكتور خليجى فى هذا المجال
وساليه عن هالامور وان شاءالله يفيدج
بغوغل كتبى اسمه وتلقين موقعه
وشكرا

العفو حبيبتي

هلا اختي
اي اكيد عندي كرشة
بس مب عودة
في الملابس ماتبين كلش متني كله بالارداف والخلفية

السلام عليكم

بنات هالعمليه جم كلفتكم وبأي مستشفي سويتوها يالرد الرد ؟

وشنو الأفضل تغير المسار ولا الحلقه ؟؟ او التحزيم ؟؟

حبيبتي انا سمنتي اغلبها تحت بالخلفية والارداف وماكانت بطني كبيرة
بس الحمدلله بعد التحوير صغروا حييييل واللبس والمقاسات اختلفوا يالله لك الحمد