|
من عرفته وأنا مسويته يا دهينة لا تنكتين، معاه ما أعرف شي اسمه كرامه، ولي زعل أسوي المستحيل عشان أراضيه، حتى لو كان أهو الغلطان بحقي !!
عوّدته على هالشي، وصار الحقران مبدأه الأول والأخير في وقت الزعل.
صار عادي ما تفرق معاه منو الغلطان، المهم إن أنا اللي بالنهاية أييله وأكلمه ولا أساحله بعد عشان ترجع المياه إلى مجاريها !
احنا أول ما تزوجنا كنا ساكنين في بيت أهله، صارت ظروف طلعنا وسكنا في بيت أهلي، بس أثاثنا ما زال هناك.
كل نجرة صغيرة أو كبيرة، هد البيت وراح بيت أهله ينام هناك !
وتعالي راضي فيه وساحلي فيه عشان يرجع (حتى لو كنت أنا اللي زعلانة وبموت من القهر، واهو الغلطان) !!
والمشكلة الكبيرة، إني ما أقدر على زعله، ولا على فراقه، لو أقول بحقره وأخليه اييني يتأسف.. إذا صبرت كلش ثلاث أيام : (
أحس بضعفي معاه، على الرغم من إني قوية الشخصية ودلوعة أبوي ومحد يرفضلي طلب في البيت.
كله في نظره إنه بيكسر راسي، وإن دلعي هذا أطلعه على أبوي مو عليه !!
هل الحب لي زاد عن حده ينقلب ضده !
تدرون شنو اللي يقهر بالموضوع..؟
إني زعلانة، وأدق عليه أراضيه عشان يرجع ينام بالبيت، ويرجع.. ويعطيني طاف وأنا اللي أساحله وأطبطب عليه، ويعطيني ظهره وينام !
وضعي طبيعي..؟
حبي طبيعي..؟
أمبيه ترى اختنقت والله أبي هواااا … :/
انتي لازم تبتدين تغيرين طريقتج معاه لازعل حقريه اذا اهو غلطان ليما اييج واذا انتي الغلطانه راضيه
لازم تغيرين هالشي حلاته المره الي تتدلع ويراضيها الريال
ولازم تتفقين معاه اتفاق ان محد يهد البيت لان هالشي غلط خلو مشاكلكم بينكم بالبيت لاتطلع برا ولاتوصل لحد ان احد يهد البيت
بعد ماتتراضون عزميه على عشا وحطو النقاط على الحروف وفمهيه كل شي
زوجج على ماعودتيه
بس صج ؟؟؟ مو مصدقه انتي من صجج؟؟
انزين ماتقدرين تظهرين حبج بشكل خيالي لكن بالاحتفاظ بكرامتج
ليش تذلين كرامتج ! والله هذا عين الغلط الحين تلومينه لداس على خاطرج؟
او كابر بغلطته باجر يكلم جدامج ويقول كيفي مو عاجبج روحي بيت اهلج
الله يهديج بس
حبيبتي حاولي تفهمينه مو كل شوي يهد البيت ويطلع شنو اهو مو ريال البيت ؟؟ اوكي انتي عند اهلج
قولي له لو بالكلام اهلي حاسين انك تنام بره البيت وحاسين انه نتزاعل وايد .. وانا احبك وما ارضالك بالشينه …
تبي تزعل روح الدار الثانيه او الصاله ولاتكلمني مو مشكله بس مو حلوه يهد البيت ويطلع
اااااااااااااخ
بصراحه اختي طريقتج غلط غلط غلط
راضيه لما تكونين غلطانه او مزعلته بشغله واذا انتي ذابحج الحب اوكي راضيه بس مو بكل المواقف يعني لازم يصير لج دور شوي موجذي سلبيه علطول
وترى للاسف انتي عودتيه على جذي ومادام عرف انج تتعاملين بهالاسلوب ابشرج عيل عمره ماراح يراضيج ولا حتى يشتري خاطرج
نصيحه حاولي تراجعين نفسج بهالاسلوب!!
لاحبيبتي غلط الي تسوينه الريال على ماتعودينه
انتي لازم تبتدين تغيرين طريقتج معاه لازعل حقريه اذا اهو غلطان ليما اييج واذا انتي الغلطانه راضيه لازم تغيرين هالشي حلاته المره الي تتدلع ويراضيها الريال ولازم تتفقين معاه اتفاق ان محد يهد البيت لان هالشي غلط خلو مشاكلكم بينكم بالبيت لاتطلع برا ولاتوصل لحد ان احد يهد البيت بعد ماتتراضون عزميه على عشا وحطو النقاط على الحروف وفمهيه كل شي |
هذا الكلام السنع
حبيبتي اللي تسوينه يصلح مع رجاجيل أول اللي يقدرون هالامور مو رجاجيل هالوقت
امهاتنا قالوا ولدج على ما تربينة وريلج على ما تعودينة اكيد بيحقرج اذا تزاعلتوا لانة متاكدة انج بتراضينة حتى لو اهو الغلطان حبيبتى لحقى عمرج وغيرى اسلوبج
الريال نفس اليهال باجر يتمادى ويمصخها و(من امن العقوبة ساء الادب )ومع الوقت بيصير زعلج ورضاج عندة واحد وما تفرق معاة لازم تاخذين موقف وتزعلين اذا الحق معاج
ديرى بالج الى تسوينة غلط لحقى عمرج وغيرى اسوبج
اسمحيلى اقولج انتى كبرتى راسة والريال ما يحب المرة الى تعطية على هواة قرصية شوى خلية يحس بقيمتج
اللة يوفقج ويسر امورج ويخليلج ريلج
صرتوا اللعن من السوريات خبرى قبل الواحد اذا يبى يتزوج وحده حق الكراف والذل اخذ سوريه او مصريه هم اللى يستحملون وماعندهم اهل ولاعزوه
بس هالاايام اشوف العكس بنت الديره مدعوس على راسها والسوريه فوق الراس
بنات خليكم قويات بس تلحق فى الرجال وهو معطى طناش
ترى غلط والف غلط اللي تسوينه
احنا ما نقول حقريه ولا تعبرين عن حبج بس ترى كل شي بالاعتدال حلووو
الغلط منه اهو مو منج انتي
في وايد حريم يسوون مثل ماتسوين بس ايي ابعين رياييلهم يعني يحسون بس اللي عندج الظاهر ماينفع معاه هالاسلوب
اول شي لازم تتفاهمين معاه انه مايهد البيت وينام بره مهما كانت الظروف. خل يطلع يغير جو يتمشى يسوي اي شي بس مرده لبيته ومرته
واذا صار الزعل بينكم واهو الغلطان لا تراضينه لء عامليه عادي بس اب بروووود خل يحس ان في شي تغير فيج يحس انج متضايقه يمكن عقبها يستحي ويراضيج بس لا تفكرين اتراضينه ومن اليوم ورايح حتى لو انتي غلطانه لا تتعبين روحج وايد لما بتراضينه يعني رضى خير وبركه مارضى بعد مشكلته خليج معاه عادي دقي عليه كلميه سولفي وياه ولا جنج غلطانه واذا شفتيه يرضى من نفسه بعدين عاد تدلعينه وتطيبين خاطره عدل
بس صارلي فتره اذا زعل وهو الغلطان احقره قلت لازم هو يعتذر وتم زعلان شاف ماكو فايده رد بروحه وتسامح مني بس شنو وناسه حسيت اني غيرته شوي