|
|
حياكم المشكله ماتخصني تخص وحده عزيزه على قلبي
ومحتاجه رايكم
زوجها يموووووووت فيها يبكي من قلبه على فراقها
حب حب ولا مهند وكرييييييم جدا ياخذ الراتب ويحطه بيدها هي الي تمشي له مصروف وتتصرف بالراتب على كيفها
ورجال يحب الزين مديم يغير بديكورات بيته ويحب عياله يلبسون احلى لبس
ومش متشدد مخليها يعني تتصرف بحريتها تطلع وتروح وتسير وتزور اهلها ودايم عند الطلب موجود
وبياض وجه لا جاو اهلها يقوم فيهم ويوجبهم احسن توجيب
ونظيف ومرتب وكشيخ
مشكلته الكبيييييييييييييره جدا الشراااااب الرجال بالاول زواجهم كان الشراب كل اربع اشهر بالسنه مرتين وكانت تتخانق معاه وكذا ويخاف ويرجع
لكن الحين صار يشرب يوميااااااااااااا من سنتين تقريبا ومن النوع الي اذا شرب يسوي مشاكل ويتلفظ ويطرد بحرمته
وهي عندها منه عيال غربل عياله وعقدهم من المشاكل المستمره وتدخلو اهله واهلها وللحين بمشاكل مستمره
وهي تطلع تزعل ببيت اهلها اسابيع وتوصل لشهر ويدق يبكي عليها ويترجاها ويعطيها رضوه فلوس وذهب ولكن بس ترجع يرجع للشراب وللرفقه الشينه الي يروح لهم
مابقى احد ماتوسط القريب والغريب لدرجة ان امام المسجد الي عند بيتهم كلمه عشان يرد مافي فود
الرجال مـــــــــــــــــدمـــــــــــن صار
وهي اللحين بعد هالعمر تفكر بالطلاق
المشكله انها تفكر بعيالها وهي بتخسر كثير البيت الي بنته معاه والعيال طبعا القوانين بالسعوديه ماكثير بصف الحرمه
ومشوار القضايا طويل دربه ويبي له جرأه وناس توقف معك وهي خليجيه مش سعوديه وماعندها احد بالسعوديه غير عيالها
وبس انتو ايش رايكم
لو انكم من مكان هالحرمه ايش تسوون
هي بصراحه انا الي اشوفه انها تحبه لان بصراحه هو ماقصر عليها لا من كلام حلو ولا من حب ولا اهتمام وكريم معاها بكل شي
شورو عليها بليز
واذا عندكم احد مر بنفس الظروف ادمان الزوج كيف علاجه خاصة هو راااااااااااافض يدخل مستشفى ادمان لاداخل السعوديه ولا خارجها
خايف من الفشيله ومايبي يطلع برا الديره يعني هو ماحاط السالفه بباله ابدا
طولت عليكم بس عشان ابيكم تكونون بالصوره ياليت تقترحون وتشورون عليها برايكم عسانا ماننحرم وانا متأكده ان المنتدى فيه بنات وحريم كثار كفو وذكيات ومتصرفات يقدرون ينصحون نصيحه وافيه
ومشكورات مقدم على عنوتكم وقرائتكم الموضوع
السكير مشكله
حياك الله أختي ..وربي يعين صديقتج اواختج على ما بلاها..ويثيبك الأجر ويصبرك صبراً كصبر أيوب.
صدقيني أشعر بالألم اللي تشعر به هذي العزيزة .. شيء مؤلم ومؤسف ومبكي .. أم الخبائث خطيره على الإنسان ومن خلالها ممكن يعمل أي شيء لا يخطر على البال.
من شرب خمر الدنيا حرم من خمر الآخرة.
.. يجب أن تكوني قوية في مواجهة هذه المشكلة .. كوني أمام الأمر الواقع .. واجهي المشكلة .. وواجهي تبعاتها .. وما وراءها
هذا زوجك
وهو حبيبك
وهو أب لأبنائك .
هو أغلى إنسان في حياتك
يجب أن تخرجيه من محنته ومن بلواه التي وقع فيها.>>>>موتخلينه
وأنت مأجوره على هذا.
جربي معه كل الوسائل المنفره له من الخمر.
الأمر يحتاج إلى وقت .. وليس بالأمر اليسير .. لكن إذا كنت واثقة بالله .. وقريبه منه .. وتدعينه في كل يوم وليلة .. وتستغلين أوقات الإجابة وخصوصاً أخر الليل .. فبإذن الله أن الطريق سيتخصر أمامك.
"أدعوني أستجب لكم"
وأنت أمرأءة صالحة وسيرزقك الله على نيتك الصالحة .. وهذا بلاء ليختبر الله إيمانك وصبرك ويقيس مدى قربك له.
فكوني أكثر قرباً له…وأكثري الدعاء لزوجك بالتوبة.
حاولي التأثير على زوجك بالطرق الكثير .. بالصلاة أمامه .. بسماع الأشرطه الدينيه بقراءة القرآن .. بالدعاء .. أرفعي صوتك وأنت تصلين ودعيه يسمعك وأنت تبكين وأنت ساجده بأنك تدعين له بالتوبة .. إن كان أبنك صغيراً فدعيه يعطي والده رسالة مكتوبه تدعوه فيها إلى ترك الخمر .. أو أن يقولها أبنك مباشرة أمامه .. حولي بيتك إلى بيت طاعة وجو إيماني .. أنصحيه دائماً ولا تملي .. وأنصحك أن تكون بطرق غير مباشرة .. فالرجل يكره الطرق المباشرة والتي تكون بشكل دائم .. بيني له عظم جرمه وشناعتها ومصيبة شارب الخمر..ضعي لافتات على البيت تبين ذلك .. وأسمعيه أشرطة تدل على خطرها..
رمضان قادم وهذه فرصة لك بأن يكون هذا الشهر طريق لتوبته.
صح ان العيب اللي فيه قوي وحييييييييييل مو شوي !!
بس وبعدين ؟ أتطلق وأروح لأهلي وأخلي بيتي وأشرد عيالي بيني وبين أبوهم !!
أبسطها تقوله بتشرب تشرب برى البيت مو عندي !
عشان عالأقل مايتعرض لهم لأنه مو بوعيه استغفرالله !
وعشان عياله مايقتدون فيه بعد !!
أنا أقول تقضب بيتها وتربي عيالها ، وتاخذ حقوقها منه ، وهو إذا الله هداه والا كيف ربي فيه ،،
خل تشغل القران ببيتها جود يسمع ويهديه ربي واذا مافاد خل تكلم ريال يستحي منه علشان ينصحه علاقل مايشرب ببيته
والله يهديه
الله يهديه
لازم فيه شئ غلط
مصفة الدهر الي تاخذهم
وهو كل مره بعد كل زعله يقول خلااااااااااااااص ما بحطه على فمي
وبس ترجع والا تلاقيهم مستنينه برا البيت
ومره عجزت
وبنات مشكورات على ردودكم كثيييييييييييير
الله يوفقكم وييسر اموركم يااااااااارب
ماتقصرون
يشرب!!!!
بلــــوة عوودة !!!!
الله يصبرها
بس انصحها تجرب معاه الحب والرسايل تلهيه بشي عن الشرب
تطلع معاه
تلعب معاه
تخليه يتحمل عياله
تعقد وتقرا قران معاه
تصلي معاه
تخليه يزور اهله واهللها
يشترك بنادي رياااااضة
الله يصبرها …
كلش ولا الشرب
بس اللي اشوفه ان زين معاها
خله تدعي ربها ليل ونهار
