حياتي والماضي الخايس

السلام عليكم
بنات شلونكم ان شاللة بخير بقولكم مشكلتي اللي مو لاقية لها حل
امس تهاوشت مع ريلي مااقول انا مو غلطانة انا غلطانة بس ماكان بيدي
وانا ادور بأغراضة لقيت صورة حق رفيجتة اول وانا اعرفها قبل لا اتزوجة لاني اخذتة عن حب واهيا كانت ادق علي وعلية وسوت لنا مشاكل وايد وقبل لقيت صورها وعطيتة يقطهم وقطهم امس ادور بأغراضة ولا الاقي نفس الصورة تهاوشت معاة وانا اذا عصبت مادري شنو اسوي كسرت عطوراتي واغراضي وقمت اصارخ قلت لة ودني بيت اهلي مارضى وطلع بليل ومارد الا ثاني يوم بليل دقيت على اخوي اليوم قلت لة تعال اخذني دق اخوي وكلمة قالة ليش مرتك تبجي شصاير ولايقول ماكو شي اخذها خلها تتربة جم يوم قالة اخوي اختي متربية ولايقول لا انا موقصدي بس اختك اكسرت تلفوني وقامت تصارخ انا ريال تصارخ وتحذف الاغراض جدامي خلتني انام بالسيارة لو يشوفني احد من ربعي شبيقول ولا اخوي يقولة اختي ماطول لسانها الافي شي مأذيها مبين من بجيها في شي جايد انا اعرفها اكثر من نفسي واعرفها اذا كانت غلطانة واذا انت لك حق باخذة واذا اهيا لها حق ماراح اسامحك وطرشلي مسج روحي بيت اهلج وانا هالاسبوع اخذ اجازة واحل الموضوع بهدوء قصدة انة يروح يطلق وحط كل الغلط علي
ادري اني غلطانة
بس مليت من سوالفة انا عمري ماطولت لساني علية بس خلاص مليت من السكوت تعبت
لي متى لازم مااتكلم
لي متى وانا اتحمل ومااغلط

[size="5"]الله يعينج ,ومابي أرد لأن لو أرد راح تزعلين ,كل بني آدم يعصب بس في حدود مو أكسر وأحذف شنو ماكو كونترول .
الله يصلح الحال [/size]

حبيبتي دام تحبون بعض حاولوا تحلون مشاكلكم بعيد عن الطلاق

ازعلي فترة وابعدي عنه بس لازم تردون لبعض

العمر كم فيه يوم عشان نضيعه ومانعيشه بسعاده مع اللي نحبهم

وطريقتج غلط بالهواش كسرتي رجولته ومبين انه يحبج لانه تحمل كل هذا

الله يهدي سركم والمفروض مشاكلكم ماتوصل لبرا وماتدخلين فيها اخووج دام الموضوع مو جايد

حاولي تكلمينه تتفاهمون بهدوووووء

حبيبتي الموضوع مو مستاهل يوصل لطلاق
تعوذي من شيطان وردي لزوجك

الله يهدي بالكم
بس دام انتي اخدتي هالقرار وهالموقف التزمي فيه وخليج عند اهلج لانج اذا كلمتيه او رديتي بيعرف انج بس كلام عالفاضي لانه هو غلطان ليش يخلي الصورة عنده وانتي قلتيله قطها لو هو لقا عندج صورة احد عبالج بيسكت بيسوي مصيبة وفضيحه انتي تصرفج طبيعي وعصبيتج طبيعية وحدة كانت رفيجته وصورها عنده هو اصلا ليش ما قطهم قبل الزواج او من كان بينكم علاقه حب
اذا قاعد يهدد بالطلاق كيفه لهالدرجة مو هامته انتي ولا بيقعد على كل سالفه يهددج بالطلاق اذا انتي مو عاقل المفروض اهوا يكون اعقل منج ويفهم انها ردت فعل عادية من غيرتج عليج ومن قهرج من هالصور الي كل مرة طالعه بوجهج اهو الغلطان وما اظن انه بيطلق بس يبي يخوفج لا تكلميه واذا دق لج ردي عليه وخلج تقيله لانه جدي يتادب واخديها نصيحه مني انا ما ابيج تطلقين بس ترى لاركب على راسج من هالحين رحتي فيها خليه يعرف انج قوية ولا بيقول اول ما جبت طاري الطلاق خافت ما تقدر تعيش من غيري وبيشوف نفسه عليج
اكلمج عن تجربه وكل واحد وطبعه وانتي ادرى
تكلمت واجد الله يهدي سركم ويلم شملكم ويخليكم البعض يارب وطولي بالج ترى الحياة كلها مشاكل بس يبيلها شوية تاني وعقلانية وعدم التصرف بانفعالية
تقبلي مروري

واللة ادري اني غلطانة بس انا اذاعصبت ماامسك نفسي بس الغلط مو بس علي حتى اهوة غلطان

تعوذي من ابليس

وحاولي تتكلمين معاه بهدوء شنو يعني صوره يعني اهو ترك العالم وتزوجج معناه يبيج انتي

يمكن ناسيها يمكن بالغلط يمكن اهي طرشتها من جديد يمكن اشياء وايد

وزوجج ماشالله عليه شاريج ولا لو واحد غيره وتسوين فيه جذي بصراحه كان ماسكت

تعوذي من ابليس وقضبي ارضج

انا هذا اللي اقولة ابية يحط لي اعتبار مو طاقني بالطوف ليش مخليها لي لحين واللة اني احبة بس حسيت انة مايحبني واخاف يطقة الشيطان ويطلقني وانا صج احبة ومااتحمل اقعد بالبيت من غيرة بس كل ماتصير مشكلة انا اطوف بس عشان احبة واقول ماابية يزعل علي وانا صار مالي كرامة عندة لانة يدري اني مااتحمل اعيش بدونة وموعارفة اتصرف اول مايت طرشتلة مسج قلت لة خل ذكرياتك تخرب بينا وخل تفيدك الصورة اللحين ومارد حاقرني واللة موعارفة اتصرف اختي تقول سكري جهازج ولاتردين علية جم يوم بس اخاف يصير شي ثاني

اصدقيني انا احبة وعمري مافكرت بالطلاق انا ماقلت ابي اطلق اهوة فكر بهالشي انا كل مشكلة مااتكلم ولا اقول حق احد اول مرة اتحجى لاني مليت وانا ساكتة وانا ذاعصبت مااعرف شنو اسوي ادري غلط وبعد مااقدر انا اكلمة اهوة غلطان شلون انا اكلمة بعدين راح يصير عادي يغلط وانا اراضية راح يتعود يغلط علي وموعارفة شنو اسوي

طلقك او استمر معاااك كله نصيب… لا تشتطين وايد بعدي عنه واهتمي بنفسك ولا ادقين عليه وارتاحي وسوي مساجات وبعدي عنه حتى الكلام عنه عند اهلك لازم يقل لغاية ماينقطع …. انت ماغلطتي بس ثقافتنا دائما تقف بجانب الرجل وتلوم المراه …حطي تانيب الضمير تحت نعالك …وريحي وان كان نصيبك بيرجع …وكل ليله تهجدي وادعيله ان الله يهديه…. وبتشوفين هذيلا ما يقدر عليهم الا الي خلقهم >>>>>>>> عن تجربه

الله يفرج همج

ليش شنو يعني صورة هذي صورة وحدة كان يكلمها وكان بينهم علاقة 9 سنين يعني المخفي اعظم يعني مادري شنو بقلبة وليش موجودة لي لحين وبعدين اهيا نفسها وايد أذتني وسوت لي مشاكل معاة محد يرضاها ليش صار عادي عادي اشوف واسكت صدقيني لو انتي مكاني ماقلتي عادي كافي انه خاشها في بيتي ماتحرق القلب ومادري ليش خاشها او حتى اذا ناسيها ليش من اول يوم دشيت فية البيت ماقطها

مشكورة بس انا حاسة اني غلطانة وانا ماغلطت الامن اللي شفتة وان شاللة بحاول اني ماادق علية لانة اهوة مطلعني اني غلطانة تصدقين انة من اول مايت بيت اهلي وانا حاطة التلفون بحظني ابية يطرش لي مسج او اي شي وشلون بتحمل اني ماادق بس بدعي ربي اذا في خير لي ايبة

انشالله مايفكر بالطلاق بس انتي لا تراسلينه مخلي اخوج يحل الموضوع وديا

الله يهديه ويسخره