حوامل الشهور الاخيرة تعالوا نسولف

شلونكم بنات انشاء الله بخير

أنا عطوني موعد 18-8-2007 بس بصراحة طقت جبدي لان احس الايام ما تمشي فقلت خلني اسولف مع خواتي

شلونكم مع الحمال و خلصتوا تجهيز ولا بعد و جم زاد وزنكم للحين و وين ناويين تولدوون و اي شي بخاطركم سولفوا عنه

ادري طولت عليكم

ناطرتكم

خلني اهذر عن نفسي عشان اشجعكم. هذا ثالث بيبي لي و انا الحين في الشهر السابع و للحين زايدة 4 كيلوووو و الله يستر من الياي.
ناوية انشاء الله اولد بهادي بس للحين محتارة اسوي خياط تجميلي والا لا و اراجع عند الدكتور جعفر قناوي و بالنسبة للتجهيز خلصت كل شي و الحمد لله و حلاو البيبي سويته عند سافرينا و استلمه الشهر الياي

وناوية اسمي البيبية مريم و انشاء الله يعطي كل محروم الذرية الصالحة

هلا ليلوو حلوو موضوعج انا حامل بالشهر الثامن وموعد ولدتى 26/6 الشهر الياى وحدى خايفه ومرعوبة من الولاده لان هذا اول بيبى لى ووزنى زاد 6 كيلوو للحين بخصوص التجهيزات تقريبا شريت اغلبها مابقى الا قليل منها للحين ماعرفت ولد ولا بنت وكل الالوان اللى شريتها محايده بس بعرف الاسبوع الياى واكمل احب اغراض البيبات وايددددد كل شى يعجبنى بشترى من اغراضه سواء كنت هستعملها او لا ههههههههههههههه

انشاء الله سهالة يا فروتي و لا تحاتين و تسمعين قصص تخرع عن الولادة كله يهون عشان اللحظه الي بتشوفين فيها البيبي للمرة الاولى و الله يسهل عليج انشاءالله و مشكورة عالرد

أنا بالتاسع وموعدي 6-6 وهذا ثالث بيبي الله يسهل ولادته يارب
هالمره تعبت حيل مافيني شده أمشي واحس بحركات غريبه وودي أولد وافتك بأقصى سرعه
ولادتي ان شاء الله بدار الشفا عد دكتور حسام
أدعوا لي تكفون

الله يسهل عليج انشاءالله و تقر عينج بشوفة النونو

سلام عليكم خواتي انا ولادتي بتكون 13_7 وراح اولد في نفس المستشفى اللي ولدت في عيالي لآن هو مستشفى واحد ما عندنا غيره بالمدينة اما بالنسبة لتجهيز البيبي خلصت كلشي مع اني ما عرفت شنو جنسه والله يسهل علينا انشالله

سلام عليكم بنات أنا موعد الولاده 23/6 الحين أنا بالتاسع وحملي هذا غير أحس بالتعب الشديد مع انه مو اول حمل كل شئ جاهز بس أنطر الموعد الوقت يمشي شوي شوي الوزن لاتفكرين فيه زايد بشكل كبير طبعا بولد في العدان الله يهون علينا كلنا يارب

طمنونا عنكم لي و لدتوا يا حوامل و انشاء الله تقومون باسلامة

انا بالتااسع بنات

و موعدي 11-6 ودي اولد قبل موعدي

لان تعبت ثقل و حساسيه و ما اقدر انام

يالله انشالله كله باجره

المهم السلامه وصحت الياهل

جهزت كل شي الكفر والاماعين و اللبس بسوي استقبالي انشالله اذا الله اراد بالمستشفى
والله ماباقي شي

وانشالله راح اولد عند ناهده العلي بدار الشفا

الله وكيلكم ما بقااااا دكتوره ما فتحت عندها كرت و راجعت عندها

اخر شي استقريت على ناهده العلي

الله يسهل ياااااااااااااااااااااارب

انا بآخر السابع , ومادري وين بولد مره اقول هادي ومره دارالشفا والله يسهل ومن صج ماني قادره آخذ قرار ليش ما أدري , جهزت تقريبا كل شي بس باقي جنطتي مالت المستشفى أحس توه الناس عليها , و دكتورتي ناهده العلي , والله يسهل علي وعلى كل حامل يارب.

انا بالتاسع وموعدي 13-6 بس ودي اولد اليوم قبل باجر
دكتورتي ناهده العلي الله يخليها
وراح اولد بالمواساة
وهذا البجر وجهزت مبجر تدرون مع الشطه اول ياهل فكل شيء بشتريه
واغراض الاستقبال كلها خلصتها
وجنطتي انا والبيبي سكرتها
وناطره رحمة ربي والله يسهل على الجميع ويرزق كل محرومة

آنا موعدي انشالله 20/6 و ودي اغمض عين افتح عين الاقي نفسي والد جد تعبت من مضاعفات الحمال من خدور و تتفخ و تكرمون بواسير ادعولي
انشالله بولد بدار الشفا مع دكتورتي ناهده
زايده عشره كيلو
جهزت كل شي ماعدا شغل الاستقبال
و فيني ولد الله يبلغني فيه سالم الخلقه
و انا بجر

ما ادري ليش قاعده احاتي أخاف دكتوره ناهده تسافر وتقطنا على صخر
نفس ما سوت برفيجتي السنه اللي طافت

وانا انشاللة موعد ولادتي 26/6 انشاء اللة وهذا ثالث بيبي لي بس اللة يسهل لانة كل حمالة تصير اثقل من الي قبلها:::والتجهيزات الحمدللة خلصت كل شي ,وابي اولد انشاللة بالمواساة كالعادة….اللة يسهل عليكم وعلي وعلى كل وحدة على وشك ولادة اااااامييييييين يا رب,,
اوصيكم بالدعـــــــــاء اذا حسيتوا ببداية الطلق لانة بإذن اللة دعاء مستجاب.