حكم الذهاب للصالون؟؟ ولي يعافيكم ردوا على سؤالي

السلام عليكم حبايبي

انا ماراح اطول عليكم عندي استفسار بسيط والصراحه مااعرف اهووه حلال ولا حراام

بيت حمولتي نااس مدينه حييييل لابعد الحدود ان مايطلعون مكان لا حديقه ولا تمشي بس بالبيت قاعدين ومحرمين روحت الصالون ان الصالون تجيهم بالبيت يعني تعرفون اذا عندكم مناسبه اكيد مكياج الصالون غيررررر عن اللي تجي بالبيت؟؟ واللي استغربه مكيااجهم دايم الوان ولطخ جنهم ارقووووز وعااادي عندهم ماعندهم مشكله وحتى لو بصبغ شعري هم ماييصير لازم بالبيت

بسسسسس اناااا غير متعوده على الشي الذرب وماارضى لوو شنووو بأي مكيااااج مو مقتنعه فيه واهم زارعين بمخ زوجي ان حرااام روحت الصالون وبهالوقت ماافي بنت ماتروح الصالون اكيد بتزين لزووجي وابي اكوون احلا وحده بعينه وخصوووصا صارلنا مع بعض سنه انا موو راضيه اكون نفس خوااته اشكالهم مبهدله وغير مرتبين والصالون ماتجيهم الا بوقت المناسبات

انتم اشرايكم ؟؟ شوورورر علي شسوي معااه؟؟

مادري احس مو دينين هذول معقدين
الدين هم لازم يطلع يرفهه عن نفسه الترفيهه عن النفس وااجب بالدين
وبعدين الدين يسر مو معسر
شصاير بالدنياااا

حبيبتى انا اللي اعرفه ان مو حراااااااام
الحرام انك تقطين ثوبك بالصالون للحف او الحمامات لقول النبي من خلعت ثوبها في غير بيتها خلعت الحجاب بينها وبين الله
هذا اللي اعرفه
وبالنسبه لحمواتك على اي اساس يفتون بالعكس الله جميل يحب الجمال
واقعدى مع زوجك وحاولي تفنعينه واخذيه بالسياسة

اي موهذولي اهما اذا شتهووو يتلقين 6000 حجة بيطلعونها .. حرام وصلتولي المعلومة ومشكورين لكن يدخلون شكو ..؟؟!! يترسون راس ريلج ..؟ الحرام انج تقطين اهدوومج او حف الحواجب ..

ودربالج من الصوالين المشبوهة ..

مو حرااام

لا عااادي انا وايد اعرف نااس دينة وروحون الصالونات وعادي

أنا من المدينين وأهلي برضه لكن هذا التدين ما ييمنعنا من الذهاب للصالون
مو لأنه حرم و حلال المرة تحب التزين والسنع فلا بد من الذهاب للصالون عشان نتزين
أهم شيء ما تسوين شيء يغضب رب العالمين مثل نتف الحواجب ولا وصل الشعر هذا اللي ورد فيه النهي
أما سالفة حرام وحلال أبد ما هو حرام
أطلعي وأهم شيء استأذني من زوجج إنج بتروحين الصالون
فهميه إنه ما كو فيه اختلاط يمكن خواته يحسبون الصالونات فيها إختلاط
بعدين الدين وسط لا تشدد ولا غلو

عائله معقده احنا اهل ازواجنا عاتي نروح اي مكان مايقولون شي
كل شهر مرتين نروح الصالون تمص تنمصي عاتي مو حرام
سالت بابا وماما قالو عاتي بس تنمص الشيطان حرام

شكلج متزوجه بدوي من الجهراء ترا اهل الجهرا البدو كل شي حرام

حبيبتي الدين يسر واللي مدين صج مو جذي ياختي هذا الغلط فهم الدين غلط الدين مواشكالنا مبهدله ومافي طلعات لاغلط اقولج شي مرة قال الشيخ المعروف سليمان الجبيلان انه ماخلى مكان بالعالم ماسافر له لانه هالشي موحرام المهم انك تمشي بتعاليم الدين تاخذ الحلال وتترك الحرام فهمي زوجج وحتى خواته واكسبي فيهم اجر واذا كلش مومقتنعين جيبيلهم فتوى من المشايخ المعروفين وعسى الله يهديهم لفهم الدين صح والله يوفقج

ياااحياتي كل اللي ردووا والله ماقصرتوووا على الردوود وسعتواا صدري

زووجي ماعنده مشكله اني ارووح بس المشكله في اهله والبيت جنب البيت وفي مره من المرات كانت حماتي زايرتني بالبيت ماصارلي متزوجه الا 3 شهوور وكنت نااويه اصبغ شعري اشقر مفاجاه لزوجي وكنت حااجزه في افخم صاالون بالكويت اهيه سالتني ماراح تصبغين شعرج بالعيد قلتله مبلا وانا حاجزه بصالون وبعدها راحت لبيتهم ولا اشووف الاتصالات على زوجي بالليل الساعه 2 امه تبيه قالتله مخلي مرتك على كيفها تروح وترجع؟؟ واحنا من متى حريمنا يروحون صالون

انا الصراحه انصدمت من كلام حماتي وانا قلت لها هالكلام عن حسن نيه اني حاجزه بصالون
وبعد ماجاا زوجي البيت فهمني قال اي شي تسوينه لا تعلمين فيه حتى لو تروحين الصالون قوليلهم بالبيت عشان ماتفتحين علينا باب مشاكلهم

اشرايكم بكلامهم حتى بعض المرات ماالي نفس اقعد معاهم بسبه نفاقهم على اللي سووه

لااا حياتي موو من الجهراا

اللي يصدم انهم ناس ماشاءالله عليهم دارسين دراسات دكتوراه وناس لها مناصب
بس الظاهر كثر مادرسوا كثر مازادوا عقد

ما أعتقد انه حرام

أنا مثلج ريلي ما يرضى أروح صالونات بس مو على انه حرام بس ما أدري ليش ما يرضى
مع اني مو صاحبة صالونات بس للمناسبات وقص الشعر والصبغ أم الأشياء الثانية أقدر أسويها في البيت بروحي
ومن طبعي ما أحب أدق على وحدة تييني بالبيت ما أحب ،بس شسوي هالموضوع صكيته لأني حاولت وايد معاه بس ماكو فايدة
وألمح ساعات بس هم ماكو فايدة

ومثل ما قالج زوجج لا تقولين لأهله انج تروحين الصالون وإذا اسألوج ضيعي الموضوع

ويارب يوفقج دنيا وآخرة

انا رايي من راي ريلج سوي اللي تبين وروحي الصالون بس لاتقولين لهم قولي انا مسويه بالبيت وفكي نفسج لا تعبين روحج معاهم ولا تتمشكلين مع ريلج بسببهم

والله هل شغلات المفروض منبشه عنهم وقت الخطوبه عل تلفون يعني معقوله ما سالج وين رايحه ومره قلتي الصالون جان تفقشت السالفه وعرفتي لان اللي انغسل مخه ما يرد !!!!

بس انا اقولج طريقه روحي مره للصالون وردي وخل ايشوفج اكيد بيشوفج غير عن امه وخواته السيرك على قولتج ارقوزات وبس يمكن يوعى و يرضى