حضانة زينة في العديلية او قرطبة او الفيحا او كيفان او اليرموك

السلام عليكم
بنات ابي حضانة زيينة ومضموونة ياخذون عمر بنتي سنة ونص
وتكون بوحدة من هالمناطق
العديلية- قرطبة-الفيحا-كيفان-اليرموك
ودوامي اخلص 2 فابي حضانة مناوبتهم عالاقل لي 2 ونص
واهم شي تكون نظيفة ويهتمون باليهاال
وشكرا

ليتل لاند بالفيحا يمدحونها ..

ana weldy fe littel land ele bel fe7aa wayd zena bs ykhlson at 1.30

انا دوامي اخلص 2 ماقدر لتل لاند

انا ولدي بسوبر كيدز اليرموك متازه بس يخلصون يمكن عالوحده

up up

شوفي كدز كولج اللي بكيفان

كدز كولج ياخذون من عمر سنتين

انا ولدي بلتل لاند من السنه اللي طافت ممتاااااااااااااااااازه ولما رحت قدمتله حق السنه اليايه في المدرسه الامريكيه العالميه
قالولي هالحضانه مستواها وااايد ممتاز

كيدزي
بالفيحا

ياخذون من اقل من سنه اذا تبين

ودوامهم من الساعه 7 لي الساعه 12 ونص وكل ساعه ازياده عليها 15 دينار

تقدرين تاخذينها بالوقت اللي يناسبج

ورسومهم 100 كل شهر

وهذا رقمهم

22571312

شوفيها ويمكن تعجبج

اذكر كان اكو حضانه بالروضه اسمها لآلئ بالروضه ق5
دوامهم لي الساعه 4 العصر اذا ماغيرو

واااي لآلئ تهبل اتينن مكانهك بالروضه و ياخذون من عمر شهر وااااي حدي انقهرت لما دريت كنت محتاسه بالياهل بدون خادمه لو ادري عنهم جان مدخله البيبي عندهم من عقب النفاس

سعرهم 75 بالشهر يشمل الريوق و الغدا و وجبتين سناك تخيلي يعني ماتودين مع الياهل غير حفاظاته و اذا متعود يشرب حليب تحطين الحليب معاه

دوامهم من ال7 الى الساعه 3 تخيلي

و نوعهم يهبلون حريصين حييييل و يوميا صاحبه الحضانه موجوده و مديرتهم تهبل

و يودونهم رحلات بعد عشتااااو

و اليوم اللي ما ادق اسأل عن الياهل اهما يدقون يطمنوني يقولون لي بس داقين نقولج انه ترا اكل جذي و جذي و مستانس و نام من الساعه كذا للساعه كذا

وااي صج صج الله يوفقهم و يفتح عليهم و يخليهم ليما اييب عيالي كلهم و ادخلهم عندهم توني ما يبت غير اول ياهل

امبيه ما تتخيلون شكثر ادعيلهم

كيدز كولج اللي بكيفان ياخذون من شهر لي 4 سنوات .. بس كلش ما انصح فيها بالمرررررررررره روحي و شوفي بعينج
و يتمنون احد يسجل يصير حتى باليوم او بالاسبوع او باشهر حدها خواره

حضانة السلام بروضه

اختي شوفي
انا امدخله ولدي حضانة
(( دار اليرموك ))
باليرموك
حييييل حلوه ومرتبه ونضيفه وحسية حيييل استفاد ولدي منهم
و بعد عندج باليرموك
(( سوبر كيدز ))
هم حلوه وممتازه