|
|
مرحبا كويتيات
ابي كل وحده تقولنا عن شكلها و لوكها قبل الزواج و بعد الزواج
هب قبل الزواج كنتي مهتمه بنفسج و فجاه بعد الزواج مع المسؤوليات و كثرتها اهملتي نفسج و شكلج و لوكج او بسبب الحمل و الولاده و زيادة الوزن اكتشفتي ان ما في شي يناسبج
او
قبل الزواج كنتي بنيه و ما يهمج شكلج وايد و بعد الزواج جفتي نفسج صرتي مدام و لازم اكشخ حق زوجي علشان يشوفني احلى الناس بعينه و كل رفيجاتي يلاحظون التغير الي صار
او
سيم سيم قبل و بعد
و هذا صور معبره للحاله الاولى
لوووووووول
انا بالنسبه لي الحاله الثانيه صرت واااااايد مهتمه بعمري الحمدالله حتى امي مستانسه علي تقولي ذكرتيني بشبابي لووووووووول
يالله ابي ردودكم الحلوه
انا نفس الشي ما تغير شي
بس انا اقول اني الحين مهملة بنفسي يعني مو معطى نفسي اهمية
انشالله احاول اهتم فيه الحين علشان اتعود على روحي بعد الزواج…
يالله ادعو لي بالزوج الصالح
بس بحاول اسوي رجيم (( لاحظتوا اني بحاول مو متاكدة بعد ))
و الاهتمام مثل ما اهو مرات وايد مهتمة و مرات مهملة
انا مزاجية
طبعا شوفوا النفسيه تتغير تزداد سوء بعد 3 سنين زواج فتعوضييييينه بشكلج ولبسج لان انا طبيعتي ان اهتميت بعمري صارت نفسيتي اوكيه
بس قبل ستايلي وايد عملي وبنطرونات وكعب بو دبابه الحين لا غييييييييييييييييير
بس وزني زاد 10 كيلو
بعدين عق بالزواج كل هذا خف بس شنو قمت بالبيت بس بحدود
مثلا اول انام بادهن هذا مستحيل
اول اتمغرد بالخلطات الحين ماقدر اخلي ريلي يشوفني بهالشكل بس احبس عمري بابلحمام واسوي الخلطه وانطر
ماهملت بعمري بالعكس في اشيء كانت عاديه قامت تهمني زود وزود مثلا ابي اصير زبده بالنعومه
اول شعري عادي اي استشوار اذا اجازه البيت الحين لا موديلات تسرحيات
اول بجامات بودينار ونص ودراريع الحين هذول مايدورون عندي الا ماندر بدل بالبيت ومكياج وكشخه
اول كريم جيرغنز للجسم يهبل ويخب
الحين لا سيتات كريمات وخرابيط
والحين كبرت شوي
صرت 28 قمت استخدم انتي ايجنغ وعنايه وخراربيطاول اقدر انام بكريم ويهه ثقيل الحين ماقدر اخرع ريلي
بس مع الزواج زاد السنع معاي
وطبعا متنت بعد الزواج مع اني ما يبت عيال بس الحين رديت ضعفت
بعد .. فرقت .. بس هم على حسب المزاج