|
|
اولا وحشتونى وايد وايد ولهت عليكوا وقسمابالله وثانيا دعواتكم وربى كلها كانت وياى وحسيت فيها ان رب العالمين نجانى من الموت بسبب دعواتكم الله لا يحرمنى منكم اولا سامحونى ما بقدر اكثر فى الكلام لان وايد تعبانه وجرحى للحين طرى بس راح اعطيكم نبذه صغيره عن ماساتى ويا اقذر مستشفى ممكن تتخيلونه بحياتكم المستشفى العسكرى بالبحرين صراحه اللى يبى ينتحر يدش هالمستشفى يوم الجمعه باليل حوالى 12 حسيت بالالام فوق الاحتمال قلت يمكن طلق سيده رحت المستشفى ما كان فيه وقت اروح مكان تانى حسيت فيه دم نزل منى وشى دافىء المهم دخلونى بسرعه واتاكدوا انو انفجار بجدار الرحم وتهتك بالمشيمه وانا غصب كله سب لانهم اهم السبب فى حالتى دخلونى غرفه العمليات سيده وداخل الغرفه جابولى دكتوره مصريه الظاهر اول مره بحياتها تعطى ابر البنج النصفى وحاولت اكثر من مره والابره ما دشت الا وطلعت من صوب تانى وقسمابالله طلعت روحى لين اخر مره شتنجت ريولى وظهرى كلش ما حسيت بشى وبسرعه دخلولى دكتور مصرى عطانى بنج كامل بس زفها زف هالدكتوره قالها ما تعرفين تعطينها بنج نصفى كنتى عطيتيها كامل المهم ثوانى ورحت عن الدنيا وكنت اطالع الساعه كانت اول ما دشيت حوالى 2 الليل وغبت عن الوعى حالى 4 الفجر وبعدها صحيت من النوم لاقيتها 9 صباحا وحاولوا يحركون ريولى ما حسيت بشى كلش سالت عن بنتى ما رضوا يقولون شى وربى قلبى وقف قلت لا مستحيل ماتت وبعدها رحت من التعب بالنوم ومانعين عنى الزياره بس اشوى تاركين الموبايل زوجى طمنى وقالى حمدى ربج بنتج بخير بس بالحضانه انشالله تقوم بالسلامه
المهم سامحونى تونى داشه البيت من ساعه قلت اطمنكم وباجر اكمل لكم البقيه
واحمدي ربج انها يت على جذي
انزين من شنو ضار فيج كل هذا لا حول ولا قوة الا بالله
الانفجار شنو سبته ؟
شي يخوف الحمدالله على سلامتج حبيبتي اهم شي ارتاحي عدل