السلااام عليكم
حبيت اسال من عندها معلومات عن تهييج المبايض
وهل في وحده صار عندها تهييج وطلعت حامل..؟
.gif "Eh S(7)")
شكرا
انا صارلي جذي .. وما توقعت الحمل لأني كنت مسوية تلقيح صناعي للمره الخامسة و صارلي تهيج من التنشيط الزائد والحمد الله بالأخير طلعت حامل
شلون يعني تهييج مبايض؟! وشنو أعراضه؟!
يعني شنوو تهيج؟؟
والله انا اللي طارحه السؤال هههههههههه
انا الدكتوره قالت لي عندي تهييج مبايض صار لاني مسويه تلقيح صناعي لاول مره
واعتقد تهييج يعني المبايض تتنشط او تتضخم اذا ماتم علاجها بالوقت المناسب
اختي اس او اس
شلون تعالجتي وهل استمر معاج
وشنوو الاعراض اللي حسيتي فيها بعد…؟
حبيبتي قولي لنا وش تحسين فيه
اوقات احس بالم بجهة المبايض واتنفاخ
انا احس الم بجهه المبايض وانتفاخ ويصعد الالم للبطن ولوعه وحكه وتقيئ هذا لما تهيج عندي بس الحين بس احس الم بجهه المبايض حاليا
روحي تاكدي عند الدكتوره اذا كان تهييج او تكييس او وقت تبوييض
الله يشفي الجميع
اول مره اسمع فيه
اهااااا نفس حالتي
سهاله يعني ياقلبي
انا رحت قبل اسبووع وكان وقت تبويضي واحس بالم وانتفاخ
قالت عندك اكياس صغيره بس ماشااءالله التبويض الحمدالله ممتاز
بس مركبه لولب وماجله الحمل حاليا
الله يرزقك ياقلبي ريحي ولا توسوسين وروبي يكتبلك الحمل وتبشرينا
حبيباتي انا ابقولكم وش معنى تهيج المبايض لأني عانيته منه هو فرط في إعطاء منشطات سواء كلوميد او أبر يعني تأخذي جرعات كبيره تسبب تضخم بالمبايض مع وجود بويضات كثيره جداً وبأحجام مختلفه واحيانا التهيج يكون خفيف او شديد انا كان شديد أعراضه الم شديد بالمبايض وانتفاخ البطن لان يسبب احتقان سوائل بالحوض وكمان كنت احس بغثيان وقي كمان اذا حصل تهيج بالمبايض ماتنزل البويضات الا نادر جداً ويكون في خطوره اذا حملتي واذ حصلك تهيج مبايض لازم ترتاحين الين ترجع المبايض للوضع الطبيعي انا تقريبا جلست ٣ اشهر وبعدين رجعت استخدم منشطات ،،اتمنى أنكم فهمتو قصدي والي ما فهمت حبيباتي تسألني
مشكوره ام خزامى على الدعوى الحلوه ان شالله ربي يعطيج اللي ببالج
حبي مودي شكرا انا اعتقد عندي كان تهييج شديد حتى اول ماحطت السونار على طول بين عندها
مشكلتي انا مااحب القعد امل احب الحركه وفعلا القعده ريحتني هل اليومين بس يعني من امشي مااقدر على الحركه السريعه احس بالم واوقف على طول
اهي الدكتوره قالت لي ان ماصرتي زينه تعالي لي
انا احس اني ماشفيت بس احسن من اول يعني خف بس مستمره عل الادويه اللي عطتني اياها وقلت بروح لها مره وحده ليوم التحليل
بس سؤال حبي مودي
ليش اخذتي منشطات بعد ثلاث اشهر ؟؟؟ هذا لان كنتي حامل؟؟؟
وشلون بدايت الحمل معاج كان؟؟؟
وشنوو العلاج اللي كنتي تاخذينه
معليش راخ اغلبج معاي بسألتي
سؤال بعد انا لما اقعد الصبح لازم اروح الحمام عزكم الله
بس اروح مجبوره يعني الم وانتفاخ بطني هو يجبرني اقعد من نومي… هل صار معاج جذي؟؟
حبيبتي خذي راحتك واسألي،، انا استخدمت منشطات كثير ولا حصل حمل الى الان اخر مره حصل معي تهيج مبايض شديد فعلا كان يحصلي مثلك الم شديد وانتفاخ وكنت اروح دورة المياه كثير واذا مشيت اوتحرك احس بالم شديد حتى الدكتوره منعتني من الجماع لانه فيه خطوره عليك،،شوفي انا بعد التهيج كنت اروح لها كل شهر لانه لازم تراقب المبايض هل رجعت طبيعي لانه مايصلح تكملي علاج وانت عندك تهيج انا رجعت طبيعي بعد ٣ اشهر من الراحه انا كنت استخدم كلوميد ومانفع بعدها استخدمت ابر منشطه وابر تفجير وحصل معي تهيج واهم شي الراحه وماتشيلي شي ثقيل لانه تتعبي زياده ،،هذا كلام دكتورتي
ان شاء الله ربي يرزق الحمل الشهر هذا وكل البنات
ايه بعد راحتي لمدة ٣ اشهر كتبت لي جلوكوفاج ومنشط اسمه النوفالدكس اول مره استخدمه
اول مره اسمع فيه