|
|
اشلونكم بنات
انا بقولكم قصتي وياليت اتساعدوني للي عندها خبرة وفكرة بالموضوع
انا معاي تكيسات بالمبايض ومسببه خربطة بالهرمونات وبالدورة
والدكتورة ماعطتني ادوية بس مانع حمل واتقولي هذا مو مرض مع انها اتقول مااقدر احمل لين اتروح التكيسات
منو تقدر تفيدني وتنصحني ؟؟
اذا انتي متيينه حيل او ضعييفه حيل حيييييييييل تحت الطبيعي
لازم توصليين وزنج حق الوزن الطبيعي المناسب لج اذا وزنج زايد ضعفي عشان ترووح التكيساات
اوهو لما يصير تبويض تصير عندج تكيسات و حبوب منع الحمل تمنع التبويض بالتالي شوي شوي تخفف من التكيساات اللي على المبيض فا بعد الحبوب تكوون التكيسات رايحه
في بعض الدكاتره يعطوون منشطات حق الحمل على طوول بدون منع الحمل عشان تحملين
انتي اخذي راي دكتووره ثانيه و شوفي شتقوولج بس اوهو على حسب شكثر عندج تكيسات اذا نسبه عاليه اعتقد الحبوب احسلج
و الله العالم
الله يشافيج و يرزقج
والحمد لله راحوا
اول اخذي منظم الدوره
اذا نزلت عليج خلطي كمون+سويده+حلبه+دارسين=خليهم مجروشين مو ناعم
حطيهم بجلاس وفوحي الماي وصبيه عليهم ويتنقع من الليل وعلى الريج سخنيه واشربيه
لمده 3 ايام
<ملعقه صغيره من كل نوع>
استمري لين تقولج الدكتوره راحوا
بعدين كل يوم دهني اسفل البطن بزيتون دافي حتى بعد الدوره اذا تاكدتي مافيج حمل
وبعد شربي زنجبيل ودارسين وهالسوالف
وان شاء الله تبشرينا عنج قريب
هذي طريقتي واعتقد واضح وسهله
(ادعيلي الله يرزقني واحمل )
راجعت عند ماجده اليتامى وعطتني كلوميد ودافستون وحبوب ماعرف اسمها
واستعملت الخلطه اللي كتبتها لج الاخت الفيحاء
بس اخذيها ثاني يوم الدورة الى خامس يوم وانشالله تجيبلج نتيجة
ونصيحه استعلمي هالخلطه لان اكثر من وحده وصفتها لهم وحملوا بعدها على طول
والله يرزقج انشاالله ويرزق كل محرومه
عطاني أول شي جلوكوفاج
بعدين كلوميد وابر منشطة
واللحين الحمدالله انا حامل ادعيلي
وانصحج بالدكتور لأن وايد زين
وأعرف جم وحدة حملت عنده
وبالتوفيق
انا كان وزني حيل وايد وكان معاي تكيسات وقالوا لي ما اقدر احمل لما اتزوج
عاد ضعفت وتزوجت وابد عقب 6 شهور حملت وانتضمت عندي الدوره وما احتجت اي علاج
فالوزن له علاقه اللي فهمته من طبيبي
ريحتوني وطمنتوني الله يطمن قلوبكم
ويرزقكم جميعا بالذرية الصالحة
والله كنت حييييل متضايقة واحس الدنيا صارت سوده
ان شاء الله بسوي الخلطة واكلها ثاني يوم الدورة
وصح كلامج حبيبتي ديم انا كنت ضعيفة حيل والحين فجاة انتفخت شي مو طبيعي صايرة دبة بنزل وزن ان شاء الله بعد
اللهم اااااميييييين
ما قصرتو
والله يزقكم جميعا باذرية الصالحة ويرزقني يا رب العالمين
ونصيحة للي تبي الحمال استغفري ربج على طول ليل نهار ودايما ادعي ربي لاتذرني فردا وانت خير الوارثين ,لاتفوتين يوم الا وانتي مستغفرة فيه اكثر من 50 مرة وصدقوني بتتفاجئون باللي تبونة واهم شي الصبر والثقة بالله انه لكل تاخيرة خيرة