|
|
مرحبا شلوونكم شخباااركم بدخل بموضوووع بســـرعه
انا قرب عرس أختي وبروووح الخبر ودمام نشتري اغراااض عرسها الله يوووفقها انشاء الله ويوفقكم معاها
وياااريت اللي رااحت له تكتب اساامي المجمعات وشنوو فيها حلوو مثل العطور ..والمكيااج احلى مجمع فيهم .فساتين عرس احلى مجمع ..وعاااد اغراااض العروس بدل ودراااريع والباااجي
بس ياااريت اطـــرشه على الخـــأص اذا ممكن
وبكوون شااكره لكم حياااتو 
بس حطي السؤال بقسم استفسارات الازياء عشان يفيدونج اكثر
الف مبررروك حياااتي والله يتمم فرحتكم
وانشالله البنات يفيدونا وياااج …
واذا رحتي ورديتي بالسلامه قوليلي احلا الاماكن
لان ودي اروح اشتري من هناك
على البركه ملكة اختج والله يوفقها
شوفي حبيبتي عندنا بالخبر المجمعات : الراشد والظهران مول وفينيسيا مول هذولا احلى المجمعات للبدل والجناط والمكياج
اما الجزم اذا تبين راقيه وغريبه يعني شغلات لبنان والله بالرياض خوش محلات وبالبحرين
واذا تبين فساتين سهرات الصراحه مافي زي مجمع الثريا بشارع البيبسي بالخبر او ميموزا قدام مجمع جمعه سنتر
حبيبتي عندج محل البازار للقمشه بالسويكت عنده كتالوجات لكل المصممين الموديل للي يعجبج تختاريه ويطلع لج القطعه ويصور لج الموديل
واحب اقولج شي بعد الساعات تلقيناها بمحل الحميضي بمجمع الراشد
والرياض فيها الصراحه محلات ومجمعات احلى بكثير
لان بصراحه انا بعد بروح الخبر وكنت محتاجه هالمعلومات
بس بصراحه انا طماعه شوي وابي اعرف احلى الاماكن اللي تفصل او تبيع او عندهم تصاميم حق بدلات العرس واكون لج ممنونه …
الصراحه اذا تبين تفصلين عندج محل البازار للاقمشه بشارع السويكت طبعن عنده كتالوجات للمصمين انتي اختاري واهو يطلع لج القطعه ويصور لج الموديل
واذا تبين تفصيلينها بالخبر عندج مدام حسونه بالخبر كانت مساعدة ايلي صعب تفصل لج القطعه
او روحي سيده لحسونه وعندها شاشات بلازما عرض ازياء شوفي واختاري وتفصل لج ومضبوطه وزباينها من الراقين
واذا تبين جاهز روحي لمجمع الثريا
اصلن في جاهز بالراشد وبمجمع الظهران وبجمعه سنتر بس الصراحه مايعجبني مقارنه بمجمع الثريا
واللي عندهم مجمع اسمه العــالي قريب من السيف بس شنو مجمع والله عجيب للجناط والنعل اهو فيه بدل
بس البحرين ماعندهم ملابس حلوه يجون ويتقضون من الخبر للملابس وبدل السهره
روحي لها واذا الوالد او اخوج ماله خلق يطق مشوار 3 ساعات احجزو بالقطار وروحو تقضوا وردو
واذا تبين اي استفسار عن الرياض انا جاهزه