تكفون لاتخلوني في اختيار الكوشه

السلام عليكم ورحمة الله وبركاته
بنات عرس اخوي قرب و بي احجز كوشه وتلبيس صاله ومدخل لها

بس محتار في الوان وعند منو راح اروح ياليت تنصحوني

اهم شي يكون لون فاتح و زاهي

مره رحت عرس وحده كوشتها كحليه تييب الكآبة

و ان شالله الخبيرات يفيدونج و مبروووووووك مقدما

مشكوره حبيبتي
بنات شرايكم بلونفوشي مع اخضرمع ذهبي او اخضر الكيوي +اخضر والعشبي +الفويت +ذهبي
اي احسن

الكوشه من الفيصل………..البنفسجي مع الذهبى …..تجي على شكل تاج على مااعتقد اسمها رونده …دقى عليهم اطلبى ام عبدالله تجى للبيت ومعه لاب توب وانتى اختارى اللى يعجبك…ياعمري….

روحي عند الأصايل بحولي مجمع اليرموك .. كوشهم واااااايد حلوه .. في الناعم والفخم ..

عندج الفيصل مثل ماقالت < مدري انا يعجبني العنابي بذهبي احسه ملكي ويعطي فخاااااامه

حبوبة هذا رقم مصممة كويتية 99631747 دقي انا حضرت عرس فبيت من شغلها وما خذه رقمها من زمان شغلها حلو بس مااعرف اسعارها ولا مكانها ولو عندي الصورة جان حطيتها لج …….
وعنج محلات معروفة ليش محتارة؟حفلتكم قريبة؟

عرس اخوي باصاله مو في البيت

مو مشكلة صالة او اي مكان الل ييسوي كوش يشتغل باي مكان كله يرجع لميزانيتكم…….عوا انتي رحتي حق احد وما عجبج السعر او التصميم ؟ لان الافكار الحلوة كل مكان واذا ماكو وقت شناطرة اصلا لازم تشوفين اكثر من واحد عشان تقررين والا لا؟ تبلشين من اليوم لا تستهينين بالوقت باجر تطلع لج الف شغلة وتحتاسين ….
علميني اخبارج وحاضرين ياحلوة الله يتمم عليكم افراحكم انشالله

انا متحيرة في الالوان

لكن اللي رحت لهم قالوا ان موضة 2024 الاخضر و الوردي و البني او البني مع التركواز و البني مع الاصفر و البني مع الاورنج

و العنابي مع الاخضر

و الازرق السماوي مع الرمادي <—- احسه كآبة

المهم .. انا اخترت العنابي مع الاخضر

مبروك انشالله والله يهنيه يارب
وبعدين على حسب ويين وباي صاااله ؟

و لازم يكون الوانه لايقه مع مسكة العروس وبدلتها .. احس لازم يكون لها راي بهالشي ..

الله يوفقكم ..

اي صح كلامج اختي سنفورت حبيبهااا < عجبها اللقب
لازم العرووس اتقولكم الالوان اخاف يصير تضااارب ماتسوااااا

ليش ماتاخذين راي العروس وشنو الالوان للي راح تحطها

حنا راح ناخذ راي العروس اكيد
بس انامحتار في الالوان يعني ابي عرف موضه 2024 الالوان وابي لون حلو غريب