|
|
صباح الخير بنات
شلونكم انشاللة بخير كلكم؟
عفية بنات بغيت اسألكم عن احسن دكتور حق تقويم الاسنان
انا حيل مضايقة من شكل اسنانى مع انهم مو وايد قبيحين بس مو عاجبينى… عرفتو الى مثل ناب صاعد لى فوق شوية؟
يوم رحت الحكومة سوالى الدكتور اشعة و قالى لازم قبل كل شى اشلع ضروس العقل الاربعة!
و انضف اللثة و احشى و حااااااااااالة! قالى اذا يتينى مو مسوبة هالشغلات ماراح احطلج التقويم
و هم قاعدة احاتى ان يطول خصوصا ان عمرى كبير يعنى عمرى 23 اتوقع ان راح يطول وياي؟
و هم احاتى العوار و الشد و الصداع الى راح يحوشنى منة و يقولون اللثة تتزلق و تلتهب وااااااااااااااى
و افكر بلوعة الجبد
ما اتخيل طعم الحديد بحلجى ويييييييييييييييييع 
مادرى بنات شسوى؟
شتشورون عاى بنات؟
عفية ساعدونى الى حاطة تقويم ياليت تفبدتى
و مشكورين مقدما
شوفي لاتحاتين التقويم مايبيله شي
ومسأله الضروس اللي بتنشلع ترى عادي لانه الضروس بالتقويم بتدني وين تبينها تروح ماكو مكان بحلجج لازم يشلعون عشان يصير فيه مكان
وانا نفسج عندي نابين صاعدين فوق
وصح كلام الدكتور لازم يعالج كل الضروس قبل واذا شي مسوس ولا يبي حشوة لازم يسويه قبل التقويم
شوفي روحي عيادة الحكمة بحولي بمجمع البلازا عند دكتور هندي هو الوحيد مال التقويم رووووعه وايد اعرف ناس سووا عنده تغيروا فووق تحت ولا احد فيهم طول اكثر من سنه مع انه الحكومة قايلتلهم اللي سنه ونص واللي سنتين ونص
هو خلال سنه خلصهم
شغله وايد مضبوط لارحتي تدفعين 300 او 400 مقدم وبعدين كل شهر 50 لين يشيلون التقويم
يعني هو كله 1000 او 1200
ويصير يشلعلج ضرسين ضرسين عشان تختصرين الوقت
ويصير يحددلج الضروس اللي يبيج تشلعينها وتروحين الحكومة يشلعونهم لج
ومعاملته واااايد حلوة وترى السنه تطوف بدقيقه ماتحسين فيها
ويصير تساحلينه عشان يخليج تدفعين 200 مثلا بدال 300 ولا 400 حق المقدم
صراحة انصحج فيه وبقوة انا بروحله ان شاء الله ناوية ماراح يطوف الشهر باذن الله الا وانا حاطة التقويم اللي 23 عند نفسها كبيرة انا عيل معمره ههههههههه
اي ونسيت هذا رقمهم عشان تدقين تاخذين موعد
2641445
وبالنسبه لضروس العقل انا شلت الاثنين الي تحت بالحكمة عند دكتور الياسين لا عوار ولا شي ..
مشكورين حبابى بطبوطة و كويتية امورة شفينا احنا تونا بعز عز شبابنا اصلا بعمر الزهور بعدنا كتكوتات عنونات
بس ياختى احنا تونا عقب هالعمر نفطن انا لازم نسوى اسناننا وينا ايام الثنوية ولا حتى ايام الجامعه
تونا نستوعب انا اسنانا يبيلهم اعادة ترميم 
البنات كلهم ضعفو و سوو و ضروسهم و سوو ليزر و عالجو ويوههم الا احنا للحين مادرى شناطرين باللة
جنى واييييييد قرقت! لا ابد حشا من يقوووووووووووول
عموما مشكورة حبيبتى وايد على ردج
هـااااااااي بنات
حبيت اشارك بما اني حاطه تقويم
هـااااااااي بنات
حبيت اشارك بما اني حاطه تقويم
وثانياا انا عمري 25
يعني عادي حطي واخذي راحتج اصلا وايد طين تقويم من طقتنا وبالنسبه حق العياده الصراحه انا كنت ناويه احط بالحكمه لانه كنت معالج ضرسي عندهم بس قبلها سألت رفيجتي كانت حاطه بحكومه قالت انها سألت دكتور اسنان ليش مواعيد الحكومه متاخره ويطول التقويم فقالها لانه الاسنان موزين يتحركون بسرعه ويشدونه بفتراة قصيره
نصيحتي روحي وتوكلي على الله وموفقين انشالله
تحياتي
انشاللة بشوف على الشهر الياي اروح عيادة الحكمة و راح اقولكم شيصير وياي
موفقه انشالله
تصدقون في وحدة ضروسها كانوا كبار مو ناطين
هم ناطين بس حجم الضرس كبير مو عنونو
عقب التقويم صاروا عنوناااااااااااات
انا هني تشجعت لانه ضروسي تقولون اصابع بيانو مو ضروس هههههههههه