السلام عليكم ورحمة الله وبركاته
بنات منو فيكم تقوم الليل ؟
انزين واجهتوا صعوبات في البداية ؟
وشلون قدرتوا تلتزمون بقيام الليل ؟
انزين اللي عندها دوام باجر شلون تقدر تنظم نومها بحيث انها تقوم الليل واهي مركزة وتداوم الصبح واهي طبيعية
.gif "Eh S(1)")
انزين تعرفون وحدة نومها ثقيل بس هم قدرت تلتزم بقيام الليل ؟
انزين اللي تقدر على قيام الليل تقدر تصلي الفير بوقتها ؟
واللي قدرت تلتزم شنو سوت ؟؟؟؟ عشان تقدر اتعود نفسها اتصلي الفير او قيام الليل او اثنيناتهم ؟
هالمشكلتين ما لقيت لهم حل !!
بس سمعت ان الحجامة تخفف النوم صج بنات ؟
الله يخليكم ساعدوني لا تهملون الموضوع انا واااااااايد متضايقة مو عارفة اقوم الليل يوم واحد
كله اقول اي بقوم الليل ولا صار حزتها يا اتكاسل يا اخنس يا اييني النعاس والنوم ولا تقولون من الشيطان بس لأ هم انا عندي مشكله مع النوم يعني حتى لونايمة الظهر ما اقدر بعد ال12 ما اكون مركزة
واللي ما عندها معلومة خل تدعيلي الله يخليكم
كل الشكر
بس بالبدايه صعب ومع التعووود سبحان الله تقومين من نفسج وان ماقمتي تضايقين حطي منبه قبل صلاه الفجر وديري باللج الشيطان شاطر وبيحلى النوم بعينج بس انتي اشطر واغلبيه ابدي من يوم الخميس لان عطله عشان تعودين
انشالله اوصل لمرحلة اني اقوم من نفسي
بس الطريج شكله طويل انا نومي ثقيل 
مشكورة حبيبتي
اب اب
حبيبتي عليج بالاستغفار والتسبيح بكثره قبل النوم والدعاء ربج ان صلاتج تصير بوقتها تقرين اخر ايتين من صورة الكهف وتنامينى باذن الله تقومين على صلاة الفجر
هلا حبيبتي نصيحة من اخت مجربة ثقل النوم شوفي حبيبتي انا نومي ثقيل و مدرسة و جهال صغار و اذا سهرت ما اركز كنت اتمنى قيام الليل لانه شرف المؤمن و فوائده لاتعد و لاتحصى وتتعب نفسيتي لما اتاخر عن صلاة الفجر المهم في رمضان تعبت و الحمدلله كان خيره فأ كان الشفاء بيد الله و العلاج قيام الليل بسورة البقرة بدأت بأول ليلة في الدوام نمت مبكر على الساعة تسع و ضبطت المنبه على ثلاث الفجر و دعيت ربي يعيني و الحمدلله من استعان بالله ما خاب وكنت شايله هم الدوام اخاف اتعب و كانت المفأجاه نشاط و حيويه و خلاص تعودت ما اتاخر عن النوم الساعه واقعد الساعه ثلاث او زياده شوي و اصلي الفجر وانام ساعه و اقعد سته و شوي و الحمدلله و جدت لذه و راحه في حياتي يارب تشعرين فيها و لا تنسين الدعاء في كل وقت على اعانة ربي لك بقيام الليل خصوصا بين الاذان و الاقامه و بعد الصلوات المفروضة و نيت اقولك على شغلة استشعرتها في القيام و هي الدعاء سبحان الله اكثر من دعوه استجابها الله لي فشعرت بكرم ربي علي فأنه يستحق القيام الليل كله و ليس نصف ساعه و بعد اذا غلبك النوم تذكري ان ربي في السماء الدنيا و يضحك لمن يقيم الليل يالله من اكون عبده ذليلة و يضحك لي ربي و ينتظرني اقوم الليل فعلا عيب نركن للنوم ة نترك لقاء ربنا في آخر الليل كل ما تذكرتي هذه النقطة بتقومين ان شاء الله بهمه و نشاط و بيتعلق قلبك بالقيام فهو اجمل ما في الحياه و بشريني بقيامك الليل ولا تنسيني من دعائك اللهم لك الحمد كما ينبغي لجلال و جهك و عظيم سلطانك وصلى الله على حبيبنا محمد وعلى اله وصحبه اجمعين
اول جم يوم صعبة بعدين تتعودين
بس حطي ببالج قبل لا تنامين انج بتقعدين لصلاة الفجر وما راح تتكاسلين
وسبحان الله مع الايام تفزين بروحج
نامي مبجر وركبي المنبه قبل صلاه الفجر بساعه وقومي الليل واذكري ربج واستغفري لين الاذان وصلي الفجر وردي نامي لاتتكاسلين انوي قبل لاتنامين القيام ودعي ربج يعينج عليه اهم شي النيه والله صدقيني راح يعينج عليه ان شاءالله وادعيلي حبيبتي الله يتقبل منا منكم صالح الاعمال
الله يوفقج وينور دربج بعبادته
بسم الله الرحمن الرحيم
انا انصحج اختي انج اتنامين امبجر وتقعدين قبل صلاة الفجر بساعه واتقومين الليل
لان لها فواااائد واااجد لج لدنياج ولاخرتج
واكثري من الاستغفار لان ساعات اللي يمنع قيام الليل كثرت الذنوب او ذنب بسيييط يمنع من العبادات والله اعلم
اول شي الله يجزيج خير ويثبتج ان شاء الله
ثاني شي انا شسوي اذا بنام واخاف ماقوم اصلي قيام الليل قبل لانام اصلي الشفع والوتر قبل لرقد وماطول عشان اتعود عليها يعني ركعتين وسلم وركعه وسلم شفع ووتر وارقد افضل شي احبه ربي القليل المداوم عليه واصوم الايام البيض من كل شهر واذا قمت الصبح على ال9 او 10 او11 اصلي ركعتين صلاة الشروق الي هي صلاة الضحي وبس وسلامتج
اى واذا شهرت اقيم الليل اطول فيها وبس
الله يهدينا وياج ويعينا ويرزقنا نكون من الي يقومون الليل
الله يعينا
على قيام الليل وعلى طاعته يارب
انا مو مال نوم فعشان كذا مرتاحه ولله الحمد اصلي الفجر وانام….