|
|
السلام عليكم ورحمه الله وبركاته
اول شي ياااااااااااااااااارب يرزقنا كلنا بالحمل ونشوف عيالنا بين ايدنا وماتطوف هالسنه إلا وكلنا حمل اللهم امين
انا اراجع عند دكتوره ماجده اليتامي و قبل فتره رحت حق طبيب ثاني وقالي سوي منظار علاجي يمكن يفيد معاج احسن ماتستعجلين وتسوين انابيب وانتي توج صغيره خليها طبيعي احسن
المهم دقيت علي عياده ماجده سألت بجم المنظار قالولي ٥٣٠ انا طبعا انصدمت من الرقم ماتوقعتها جذي غاليه جان ادق علي مستشفي الراشد واسألهم جان تقولي ب ١٩٠ وفي حالات ناخذ عليهم ٢٦٠ تخيلوووووووووو
عاد انا قررت اني اروح واحول ملفي حق الراشد واااايد ابرك منها بس يابنات بسألكم منو احسن دكتور او دكتوره بالراشد ؟
ابيه انا للحين مو مصدقه انها نهيبه جذي وانا طايحتله مراجعات وابر وسونرات عندها والله مصت دمي يمكن ب ٧ شهور فوق الالف مابين ابر واشعات وادويه وكله كلام فاضي مافاد معاي وراسها والف سيف إلا اسوي طفل انابيب مع انه الدكتور قالي تقدورن تيبون طبيعي بس يبيلها صبر واتكال علي الله سبحانه وتعالي
وياااااااااااااارب مانحتاج حق اطبه ونحمل كلنا هالشهر واولنا اختنا ضي الايمان ياااااااااااااااااااااارب
ربي ايسرلج امورج ورزقج ويرزقني معاج وباجي بنات منتدانا بالذريه الصالحه عاجل غير آجل يارب العالمين
بس انا شخصيا ما احب الرااااشد 
ربي يرزقج هالشهر طبيعي ياارب
عاد أنا سويتها عند فوزية القطان اب 500
ونصيحه وهالكلام اردده حق اي بنت قبل لا تروحين وتفتحين ملف بالرشاد استخيري اكثر من مره ان الله يسر امورج معاهم اذا فيهم خير لج
وان يدليج على احسن دكتوره ما تتعبين معاها بالعلاج وتككون سبب في حمالج
بس مثل ما قالو خواتي استخيري
وسالي ليش الفرق بالسعر جذي
شنو الفرق بي الاثنين
الله كريم ان شاء الله قادر يشفينا كلنا اللهم امين
Hello_kitty شيكي الخاص حبيبتي رديت عليج
انا فريت الكويت والعالم بالعلاج
نصيحة منظار انسي لا تفكرين وهذا كلام اكبر الاستشاريين بالعالم موو دكتور خريج ماستر مادري من وين
المنظار ممكن ما تعالج وممكن تسوي مشاكل والتصاقات بالمستقبل
انا اول مشواري جربت منشطات لين شبعت وما حملت وكل الدكاترة اجتمعت انة علاجي المنظار الا لما سافرت برة قالي الانابيب حلج وقالي لو عندج شيء مثل بطانة ولا التصاقات الحمل يعالجة من غير اي تدخل علاجي
الحمدالله وفضلة سمعت كلامة ودعيت والحمدالله حملت وولدت
عاد بعد ولادتي حملت من اول شهر علاج بالكويت لانة مثل ما قال احتمال الحمال عالج
اي شيء جراحي خليه آآآآآآخر الحلول
بعدين لو هالدكتور فاهم شلون يقولج توج صغير على الانابيب حبيبتي نسبة النجاح تزيد مع صغر العمر وتقل بالعكس وهذي دراسات عالمية
هذا مادي يبيج تسوين عندة باي طريقه
هذا رايي وانتي كيفج
والله يهنيج بالبيبي ويرزقنا انا وكل خواتي هني بالقسم امين يارب العالمين
انا اعرف بنات ادمان منظار لأنة اهو اذا شال شيء ارد مرة ثانية ويمكن اكثر
فا كل سنة يسوونها الله يشفيهم
حبيبتي الاستغفار والقرآن علاج مو طبيعي مع علاج الدكتور