|
|
بسم الله الرحمن الرحيم
السلام عليكم حبايبي الحوامل
والف الف الف مبرووووووووووك لكم كلكم وعسااا الله يثبت حملكم ويرزقكم بالذريه الصالحه
ويقومكم بالسلامه ان شالله
حبايبي وديييييييي من زماااااااااااااان ان احنا نفتح موضوع عن اهتمامات الحامل الشخصيه سواء بجسمها بصحتها
حتى بطريقه استحمامها ونظافتها الشخصيه
اول الحمل والى مااابعد الولاده بالسلامه ان شالله
واتمنى من الكل يقووووول كل مااعنده من نصااايح لنا كعلييميات <<مثلي احم احم
وان شالله ربي يكتب لكل وحده على كل حرف الحسنه بعشر اضعافها ويرزقها باللي تبيي
وطبعا هالنصاايح هذي قااابله للنقاشات وللاستفسارات اكثر واكثر ويا ريييت يكوووون مرجع لكل الحرييم
عشان تعم الفايده عالجميع 
انا يا بنوتاات توني عالحمااال بس ودي استفيييد اكثر من هالناحيه
وودي اقوولكم شنو اللي عرفته ليلحيين
اهم شي قالو ان الدكتوره قالته اهو الحرص على حبوب الفوليك اسيد <<<<وايد علي خخخخخخخخخ
وعندي استفساااار
هل من الضروري من هالفتره ان المره ادهن بطنها بزيت الزيتون او اي نووع معين من الزيوت على منطقه البطن والصدر؟
وان شالله لي رجعه لكم عن قرييب ان شالله
وحباااايبي لااااا تنسووون تشاركووونا هالموضوع وتحتسبون الاجر معاي
ومييييييييييرسووووو .gif "Eh S(1)")
مشكوره حياتي عالموضوع لان حد محتاجينه
انه بالاربعين وودي اعرف شنسوي لبعد الولاده
>>>>>>>اسكت ياللغة
اولا حبيت اقول مبرووك عالحمال كنوش
وانا مثلج اعليمية
بس اهتم بصحتي شوي وبالحاح من زوجي
اكل فواكة وخضروات على طول وكل يوم صبح لازم اشرب الحليب
والا اشوف العين الحمرا
والدكتور صارفلي فوليك اسد وحبوب كالسيوم وحديد
اما العناية الشخصية
استخدم الخلطة الصابونية وخلطة السنفرات وادهن جسمي بزيت بيبي
جونسون وبطني كل اليل ادهنة بزبدة الكاكاو عشان التشققات ما تطلع
واسوي مرتين بالاسبوع تنظيف بشرة بغسول وسنفرة وماسك
واذا كنت رايقة اسوي ماسكات طبيعية متل البطاط مع الحليب والنشا او ماي الورد مع بودرة الاطفال
بس بادية احس نفسي ثقيلة مع ان وزني مازاد
الله يسهل علي ووعليكم جميعا
صج ادهن وجذي بس هذا طبعي كله ادهن يعني مو شي يديد
بس صج اهملت نفسي
بااااك اقييين للحلويين
ام بدوووور مشكووره على تشجيج ومشاركتج الفعاله معانا ويارييت تقوليلنا شنو الاشياء اللي سويتيها واستفدتي منها بفتره الحمل عشاان تعم الفايده للجميع ………ومشكووووره يالغاليه
:
:
فطوووم حبيبتي اول شي الف مبرووووووك لج انتي وانا ليلحين ما بيين شي عن قرييب يبيين
والله يبارك فيج مقدما 
عموووما نصااايحج وااايد حلوووووه
وفعلا الخضروات والفواكهه من اول اولوياتي للتغذيه في فتره الحمل واهمها طبعا الخضروات الورقييه لانها اهم مصدر للحديد
وعمووما هل انتي متاكده من مفعوول زبده الككاو على البطن هل نصحج عليها احد مجرب؟؟؟
اذا اي حبيبتي ليشش ماتجربينها على صدرج لان الصدر بهالفتره تغيراته بتكوون خفيييييفه بس فتره الولاده بالسلامه ان شالله بتكووون توسعااته اكثر ومراااات يسبب تشققات بالصدر ياذي الام ويخلييها تكره الرضاااعه <<لان بفتره الرضاعه يكون العوار دببببل فاااا استفسري اكثر عن شي يمنع التشققات حبيبيتي والله يقومج بالسلامه ان شالله
:
:
لولو لاااااااا وييي حبوووبه لاااازم تهتميييين بصحتج واكلج ووززنج بعد بس هالشي ما يمنع انج تخخصين يوم بالاسبووع للتنظيف الجسم ويوم بالشهر لتنظيف البشره <<طبعا اكييييد الغسول والحمايه يوميا عشاان تحمي بشرتج من الكلف وغيره من الاشياااء
وشاااكرتلج مرووورج
:
:
اوكييييييك بنوتاات عندي استفسارات ويا ريييييييييت كل وحده ادش تفييدنا ولو بالقليل من خبرتها
**هل الحاامل باول الحمل لاااازم تلتزم بنظاام غذائي معين وتخفف من اكلها يعني يكوون خفيييف مووو رجييم مثل تجدم العشا عالساعه 7 والا هالشي بيياثر علييها؟؟؟
**هل بفتره الحمل الرياضه <<<خن قوووول المشي مضر والا مفيييد للحاامل والعكس هل النووم الزااااايد يفييد اكثر من هالمشي والا لا؟
وشاارتلكم مرووووركم
هذا برناامج للاربعيين ويزاها اللله خيير مرتاحه واكل تفاحه
وفعلا موضووووعها رااااااااائع راااااااااااااائع راااااااااااااااااااااااائع
مشكورة حبوبة عالموضووع المهم بصراحة ومادري ليش حريم وايد من تحمل تهمل بنفسها
انا كنت منزلة موضوع عن العناية الشخصية للحامل وهذا الرابط
ولما اذكر شي بكتبه لكم بإذن الله البطن لاوم من اول ما تحملين تدهنينه بزيت اللوز او بيبي اويل, بس الافضل انج تدهنينه بزيت اسمه بيو اويل,هذا تلاقينه ببوتس, اينن ويخفف وايد من التشققات, وحتي من بعد لا تولدين بالسلامه لازم تكملين عليه فترة 4 شهور من الولاده.
الفيتامينات مهمه جدا وقت الحمال وحتى بعد الوضع هم لمده شهرين, او اكثر اذا ترضعين.
انا هذا اهتمامي بنفسي وقت الحمل..
أدور سوالف الحوامل والموديلات اللي تونس والعنايه بالشعر والبشره لأن الشعر يصير اينن بهالفتره وعسى الله يتمم لكم على خير .
وببدأاحط على صدري منه
وربنا يستر
شوفي طبعا الحبوب اللي تصرفهم لي الدكتوره التزم فيهم عدل, واحاول اكل سطله وفاكهه كل يوم, والتمر وايد زين كل يوم احاول اكل منه, وطبعا مصدر الكالسيوم وايد مهمه
وبالنسبه للجسم من حملت وايد قمت اهتم بالتدهن اكثر من قبل, خصوصا المناطق اللي راح تمدد بالحمل, وكنت تقريبا البيبي اوليل كل يوم, ومن الشهر الرابع ابتدي استخدم كريم خاص للحوامل للسترش مارك, من الرابع تمي عليه لي بعد الولاده
وسنفره لجسمي مثل قبل مره او مرتين بالاسبوع, وشعري انا اسوي اشتراك بصالون خلطات وسوالف اروح اسبوعيا, وويهي اسوي تقريبا مره بالاسبوع سنفره مع ماسك "صراحه شغلي كله جاهز اتعيز اسوي خلطات بروحي"
حاولي تنسدحين كل يوم علز ظهرج وترفعين ريلج >>> يقولون يساعد على منع التتفخ, صراحه انا مو كل يوم اسوي جذي
الرياضه ما اسوي بس قريت انه من بعد الرابع حاولي تمشين او في رياضات خفيفه ومخصصه للحامل
وهم قريت عن تمارين كيجل وشكثر مهمه وتساعد للولاده >>> اسويها يوم وانساها اسبوعين
وسؤالج عن النظام الغذائي اهوا اكيد احسن اذا اهتميتي بنوعيه اكلج, يعني مثل ما قلت كثري من الفاكهه والخضار, توخرين عن الاشياء الدسمه والغير مفيده, هذا بساعد على انه يحافظ على وزنج
والاخت اللي قالت عن زبدة الكاكاو انا قبل فتر قريت وحده بالمنتدى قايله نفس هالشغله "اعتقد الاخت قمة النعومه" مدحت بزيده الكاكاو وايد وقالت انها وايد زينه للسترش مارك
ووووووووو هذا اللي اتذكره
يا هلا وغلا بالحبااايب كلللللللللللهم
واسعدتني طللتكم……فعلا يا امهات المستقبل الفاضلات الموضوع لاااازم يتثبت بس الاهم من تثبييته اهو تفااعلكم فييه ونصااايحكم للجميع
:::
ميييييييرسي لكلك اللي شاركو وعلى طاري الاخت اللي كتبت عن الكريم اللي ببوتس ويشيل الاسترتش ماركس يصيير استخدمه من اول شي بصرااحه شوقتيني عليييييه واااااااايد
:::::
بخصوووص النظام الغذائي انا الحين قاااعده اغصب نفسي غصصصب اني اشرب حلييب الصبح وبالليل <<<مااواطن الحلييب
بس اشلون استسييغه اكل معااه الصبح 7 تمرات وهي من سنه النبي صلى الله عليه وسلم وسبحانه تدرون ان الابحاث تقوول ان الواحد لا كلا هالشغلتين (الحليب والتمر) اخذ كفايته اليوميه للمعادن الاساسيه اللي يحتاجها للجسم !!
وبعد غيير جذي احاول اكثر من الخضره وخصوصا الورقيات لانها اكثر شي يحتوي على الحدييد <<اموووت على الجرجيير
ومافي ماانع اذا شربت قهوه <<ولو انه ريلي يمنعني عنها بس انا مدمنه كوفي فاا لااازم عالاقل كل يومين مره واعوض الباجي بالعصاير الفرش
وان شالله ناويه اجيل البيت فواكه عشان ابدلها بالككاو والخرابيط <<<انطر يااا احم احم
::::::::::
حريمنا العزيزات سمعت معلومه مهمه للحامل واهي
1. لا تحكيييييييييييييين بطنج كللللللللش وقت الحمل لان هالشي يزيد السترتش ماركس وحاولي بدال هالشي تمسحيين عليه عالخفيف
2.اذا كنتي تشيلين بطنج بشيييره ف قطعييييييييي عنها نهاااااائيا لانها تزيييد تمددد البطن ومو زيينه للحاامل كلللللش ……
ويلاااااااا يا بنوتااااااااااااااات شدوو الهمه وقولو شنو الاشياااء اللي تسوونها بوقت الحمل من عنايه شخصيه وصحييييييه
وعسا الله يهوون علييكم كلللللللكم قولو اميييييييين
صار عندي هوس الميزان بهالحمال
حبوب الفوليك اسيد اخذهم قبل الحمال بثلاث اشهر لما اخطط للحمل واكملهم بعده ب3 اشهر
وبعدها حبوب ملتي فيتامين
ومن السابع حبوب زينك ومغنيسيوم وكالسيوم
طبعا المشي والحركة وتمارين خاصة لتقوس الظهر
ادهن بطني بعد السباحة
ابدي امرن حلمة الصدر من الثامن اشدها بكريم خاص حتى تكون مستعدة للرضاعة
النوم المريح على جنب مع وضع وسادة بين الارجل
الاكثار من السوائل والفواكه والخضار
وسلامتكم