|
|
منو طعمت عيالها تطعيم ال 6 شهور
بنتي تطعيمها الاسبوع الياي
وودي اعرف شنو هالتطعيم
نقاط و لا ابر ؟؟؟؟؟؟؟؟؟؟؟
ديري بالج .. عطيها دوا الحراره .. وكمادات وان شاءالله خيير والله ارتفعت حرارتها لي 39
بس ان شاءالله بنتج ما تتععب ولا تحاتين حتى لو لا سمح الله يصير يوم ان شاءالله وبترد طبيعيه
وابرة على كل ريل
بنتي يومها سخنت وتعبت
عطي بنتج تايلنول كل 4 ساعاتوسويلها كمادات
واذا لعبتي معاها لا توقفينها لان ريلها تعورها
وان شاء الله ما تتعب
انا ها المرة بغيت اتاكد من الممرضه اللي طعمتها بغيت اي نصيحة لانه بنتي تكسر الخاطر كانت تبجي كل ماتحرك ريولها عقب كل تطعيم
اول شي قالتلي
1- ارضعها قبل التطعيم بساعه بنص ساعه المهم تكون شبعانه ( لانه فيه يهال ينامون عقب التطعيم و لمن يقعدون يبجون من اليوع و الالم و تعالي عاد حركي وسوي ورضعي )
2- اعطيها الادول مال اليهال بعد التطعيم على طول ما انطر ليمن يصير عندها حراره لانه مسكن هم
3- قالت كمادات دافيه ع الاقل نص ساعه حتى لو كانت نايمه
4- لو كانت قاعدة ارضعها عقب التطعيم بنص ساعه او ساعه ع الاقل (لانه فيه يهال يرجعون لو رضعوا على طول )
5- بالنسبة للالم انا كلمتها عن الفيكس المهم قالت نطري عقب التطعيم بنص ساعه عقب قالت اصلا مو شرط فيكس قالت اي مرهم مال الم العضلات عادي ينحط لانه الابر تكون في العضل بتلاحظون ها النوع من الادويه حارة مثل الفيكس انا ما حطيت فيكس كان عندي مرهم الام عضلات حطيت لها اياه من بعد الكمادات و كانت نايمه
لمن قعدت ما اقص عليكم كانت تضحك حركة ريلها شوية مابجت بس يعني مثل اللي يتاوه من الالم على خفيف رجعت حطيت لها اياه تخيلو ع الفطور لانه تطعيمها كان برمضان كانت تقعد عادي وتلعب و غيرت لها الحفاظ و هدومها اول مرة جذي ما تبجي ومرة وخدة بالليل قبل لا تنام حطيت و بسسسسس
اللي كنت مستمرة عليه الادول مال الاطفال كل 4 ساعات سواء فيها او مافيها حرارة
المهم شنو السر ورا الفيكس و مراهم العضلات لانها حارة تساعد الدورة الدمويه تتحرك اتحرك الدم ماتخليه يتجمد و يصير يابس عن الابره ولها اثر تخدير و تخفيف الالم
الحين وايد قالوا فيكس يشيل اثر الابره انا قلتلها ها الحجي قالت لا عقب قالت حطيه بعد التطعيم بنص ساعه حوالين مكان الابره بحركه دائريه
انا عاد كان عندي مراهم مال تخفيف الم العضلات و فيكس بس مو فيكس الازرق مال الزجام لا بنات في فيكس يكون لونه اصفر و يكون
حتى مكتوب عليه تخفيف الآلام ..مو الازرق القديم اللي داخله شفاف لا يكون لونه اصفر من داخل هم
لو متخوفه من الفيكس او مراهم تخفيف الم العضلات فيه جل في الصيدليات يستخدم للتخفيف بعد التطعيم هذا اسمه
Reparil-gel N
اكتبي اسمه و اسالي عند الطبيبه او الصيدليه شوفي شنو راح اتقولج