|
|
السلام عليكم ورحمة الله وبركاتة
مسائكم عطر
يابنات تكفـــون ساعدوني ابي افكار لحفلات تخرج الاطفال .. رياض الاطفال ..
أفكار عروض مسرحيات اناشيد مناسبه ترحيبيه والا تهاني والا اي شي تقدرون تفيدوني فيه
ويكون هنا ملف خاص لآفكار تخرج رياض الاطفال
الله يعافيكم ساعدوني لاتفشلوني
| الله يجزاكم خير الجزاء
انا معلمه ابتدائي ومساله الصور جدا رائعه لكن اتوقع صعبه جدا وعليها بعض التحفظات بنعرضها ونرى الرد من المدرسه والادارة ايضا قرات عن تسجيل مقطع صوتي للاب بكلمه لابنته واتوقع جدا رائع ومؤثر بس اتوقع عليه تحفظات بسبب وجود الامهات بالقاعه وصوت رجّال العام الماضي اقتبست خطه الحفل من احدى المنتديات جزاها الله خيرا صاحبه الفكرة اخترنا طالبات من الصف الرابع والبسناهم ازياء تخص اللبس العربي واميرة ووصيفاتها ووزيرة ومن بين الحضور ظهرت فتاه بنفس الزي تضرب على الدف او الرق وتنادي بامر مهم وهو حفل التخرج وبدات الاميرة تتساءل وتقدمت الوصيفات حاملات اسم المدرسه كانه وفد وهكذا بدأنا وكان في مشهد تمثيلي باللهجه العاميع بين ام سعيد وا م ( نسيت) عن البنات والنساء اليوم وسابقا وكان في نشيد باللغه الانجليزيه وفي تكريم للامهات وللطالبه المثاليه وعرض بروجكتر باسماء الطالبات وفقرات اخرى وايضا كلمه مديرة المدرسه والخريجات ولالن مدرستي فيها جاليات بنسبة كبيرة ادخلنا فقرات شعبيه لكل جاليه بزيهم الخاص ولكنهتم وحوار خاص بهم وكثير انبسطت الامهات لهذا المشاهد وفي الاخير بناتنا قامو بعرضه سعوديه وطالبتين تنشدان (( مرحبا في مرحبا والتحيه والسلام )) والبنات طبعا صفين بازياء سعوديه وتم توزيع الهدايا والتذكارات وما ننسى المسيرة والله الموفق السنه ارتب لحفل لم تتضح ملامحه بعد امامي اسبوعين وان شاء الله سوف اكتب لكم خطته بس تتوضح دعواتكم وربنا يوفق الجميع |
هذي فكرة اقتبستها من احد المنتديات بس ما اعجبتني ابي فكرة احلى من جذي ياليت يا بنات اتفيدوني واكون شاكرة لكم
| شوفي حبيتي انا مره سوينا عن الأركان التعليميه…..يعني مجموعه يسون مشهد في ركن المنزل تمثيلي……….ومجموعه في ركن التخطيط ويكتبون كلمة روضتي كل طفل حرف ثم تجتمع وتكون روضتي ……وركن الاكتشاف يطبق فيه العلماء يعني يطفو ويغوص حوار بين مجموعه من الأطفال………..ركن الفن ……وهكذا صررررررراحه انا نسيت حذافير الحفله بس كانت مره ممتعه وممكن تسوين عن اركان الأسلام كل مجموعه حوار عن ركن ثم تختتم بانشودة ديننا الأسلام كتابنا القران |
هذي الفكرة حلوة بس احسها رح اتكون كل حفلة التخرج بس حوار يعني ما في اناشيد بس انا من خلال هذي الفكرة استوحيت فكرة ابي رايكم فيهااا اول شي انرتب المسرح ويكون المسرح عادي يعني مافية ديكور اوفر وطبعا بواجهة المسرح سااعة كبيرة حيل ايكون مكانها بالوسط المسرح وبداية العرض انسكر اليتات وويكون المسرح كلة مظلم وبعدين تطلع الشمس ونشب اليتات على ابو انة طلع النور وصار الصبح ويكون ع المسرح سرير وبنت نايمة واول ما تقعد اتقول الدعاء " لا اله الا الله اصبحنا واصبح الملك للة " وبعدين اتروح وتفرش اسنانها واهي اتفرش اسنانها يدخلون عليها اطفال لابسين فرش ومجعون الاسنان وتبدا فقرة الاولة واهي " فقرة الفرشة والمعجون " وبعدين يرحون الاطفال وتم بس البنت ابروحها ع المسرح واول ما تخلصون اتروح النت للروضتها او المدرسة طبعا اتروح بالباص وايولها اطفال لابسين لبس مواصلات وتبد فقرة المواصلات " الباص " وبعدين يرحون الاطفال وتم بس البنت ابروحها ع المسرح بعدين توصل للمدرسة وتبدا واهي واصدقائها ايسون " النشاط الصباحي " ونفس الشي ايولها اطفال لابسين لبس الرياضة وتبدا فقرة الرياضة وبعدين يرحون الاطفال وتم بس البنت ابروحها ع المسرح وبعدين تروح البنت لصفهاااااا وتبدا فقرة معلمتي او فقرة تعليمية ونفس الشي يدخلون عليها اطفال وتبدا هذي الفقرة " فقرة تعليمية " وبعدين يرحون الاطفال وبعدين فقرة المكتبة يدخلون عليها اطفال ويعرضون معاها القصص وتبد الفقرة " فقرة المكتبة " واول ما تخلص الفقرة ايروحون الاطفال وتم بس اهي بالمسرح وبعدين فقره اهي فقرة الانصرا ونفس الشي هم في فقرة حق الانصراف واخر فقرة اهي لما البنت تروح تنام طبعا اتغيب الشمس وتطلع النجوم والقمر ويدخلون عليها الاطفال لابسين لبس النجوم والقمر ويسون الفقرة اهي فقرة " قمر والنجوم " وبعدين ايروحون الاطفال والبينت اتنام ونسكر اليتات وتكون الصورة بس على القمر بعدين انشب اليتات ويكون المسرح فاضي مافية ديكور عشان دخول الاطفال المتخرجين واول ما تخلص الفقرات عرض الأسماء المتخرجين يتم الدخول من بابين بنفس الاتجاه طبعا ترتيب الأولاد معاهم علم الكويت صغير والبنات معاهم ورود صغيرة ولما يلتقوا في المنصة يترتبوا بصورة سريعة يعني حسب الطول الطوال ورى ويرفعوا ايدينهنم ثم تعرض الأسماء بالبوربوينت وتقول المديرة الأسماء وكل طفل يسمع اسمه يأخذ هديته ويروح مكانه ويرفع الهدية ابي رايكم بنات بفكرتي لا تقصرون معااااااااااي