|
|
لكل وحده محتااااااااره ماتدري من وين تبتدي ولاتدري شالمطلووووب
بستعرض معاكم اللسته الضروريه لكل عروس
وطبعا كل وحده تحدد شنهي الاشياء اللي تستهلكها
بكثره وشنهي الاشياء اللي تستخدمها بشكل نادر..وعلى هالاساس تشتري
وفي نقطه ثانيه..بالنسبه لكريمات الاساس والمنظفات..لازم تناسب بشرتك
بالاول لازم تحددين هل هي جافه هل دهنيه او عاديه او مختلطه
لاتشترين على عماك(العفو يعني :d ) ولاتضحك عليك خبيرة التجميل عاد هم مايصدقون خبر
من يدرون انه اللي جايتهم عروس…يتفلسفون…يبونها تشتري كل اللي عندهم
فانتبهوا حبايبي لهالهشي وانتوا ماشالله ماوصي حريص جدعات 
طبعا والأهم من هذا كله..من الافضل ماتشترين المكياج قبل العرس بفترة زمنيه طويله على اساس مايخترب
يعني قبله بشهر او شهر ونص مدة كافيه
نجي اول شي لكريمات الاساس
1-كريم أساس للسهره
لازم يكون ثقيل نوعا ما وثابت مايهزززه ريح ولا امطار ولاعواصف :d
عموما الغالبيه تستخدم ديور 718اظن الحين تغير صار ضغط ورقمه 200
يخلط اما مع كفر ديرم او شارمل
وبعدها يختم ببودرة اساس ثقيله نوعا ما لتثبيته
بودرة ديور
بودرة نيبوو((صج خربوطه بس للسهره نتيجتها روعه))
بودرة بودي شوب
بودرة سمايلنق
2-كريم اساس للإستعمال العادي
طبعا اختاري الماركة اللي ترتاح لها بشرتك
وتكون تغطيتها طبيعيه غير مبالغ فيها
وحسب نوع بشرتك..أساس مائي للبشره الدهنيه..او اساس دهني للبشره الجافه…او ستيك
شانيل…الوانها حلوه وماركة خفيفه ومريحه للبشره
ويفضل انه يكون مع عامل حمايه من الشمس
اذا كانت طلعاتك نهاريه
3-بودرة اساس للإستعمال العادي
ممكن تستخدمينها بلمسات خفيفه فوق كريم الأساس
اوتحطين مرطبك العادي او السن بلوك وفوقه بودرة الاساس
عندك كانيبو…بايوت…شانيل..شيسيدو
4-بودرة سائبه
من شانيل
5-كونسيلر
الكونسيلر ضروري لتغطية الهالات السوداء والبقع اللونيه
كلينك…لانكوم…ميك اب فور ايفير يجي بدرجات مختلفه
سيسلي للجفون الحساسه
6- بودرة الاضاءه
تستخدمينها بالأماكن البارزه في الوجه
عظمة الخدين
عظمة الأنف
منتصف الجبهه
وممكن تحطينها فوق الكونسيلر في الجفن السفلي
تخفي السواد بحيث لمعتها تعكس الاضاءه
تلقينها عند شارمل
وممكن تستخدمين الستار باودراللؤلؤي من ميك اب فور ايفير كبودرة اضاءه
7- الكحل
اولا …….الأقلام
اسودناقع.. تحصلينه في بايوت اللي يتبرى…جيفنشي..ديور
ولازم تاخذين الوان ثانيه لداخل العين ولحدودها الخارجيه…زيتي ..بني..بنفسجي غامج
رمادي..فضي..كحلي…ازرق فاتح…اخضر فاتح…فوشي…
ابيض لداخل العين أو لتحت الحاجب…وممكن تستبدلينه بالفستقي الفاتح تحصلينه عند لانكوم
طبعا الألوان المتنوعه هذي…تحتاجينها لتغيير طلتك كل مرة
طبعا لاتاخذينها من ماركة غاليه عشان ماتكلفج واايد..اخذيها من برجواز..لوريال..او اي ماركة اسعارها معقوله
ثانيا الكحل السائل
طبعا لانكوم لايعلى عليه
للإستعمال السريع
بس للرسم الدقيق سواء خارج العين او داخلها وسواده ناقع
الآي لاينر كيك من ميك اب فور ايفير
او الكحل الكريمي من ماك
يجي بعلبه مدورة ملمسه كريمي والاثنين يستخدمون مع فرشاة تبللينها بالماي وتاخذين من الكحل
هذيل الاثنييييين روعه شوي عليهم
ضروووووري تجربونهم ومتأكدة راح يعجبونكم
8_الماسكارا
ديور النوع القديم تجي قصيره وعريضه للحين يبيعونها نتيجتها روووعه ..تكثيف وتطويل
لانكوم كذلك ممتازه
برجواز فوليوم جلامور ..تعجبني نتيجتهاورخيصه خصوا للاستعمال العادي اليومي
طبعا ممكن تاخذين اكثر من لون..اخذي اسود…بني ..زيتي غامج…ممكن ازرق تركواز
==============
9- قلم الحاجب
شانيل ..ديور…جيرلان
ممكن اللي تجي مثل الشدو
انا عن نفسي الحواجب استخدم لهم الماسكارا العاديه باللون البني الغامج
الاسود مايطلع حلو ومع الماسكارا
تصير
نتيجتها احلى…تسد الفراغات وبنفس الوقت تمسك الحاجب ماتتحرك الشعرات وتعطي الحاجب لمعه
القلم يبهتها
(( الاقلام المخصصه للحواجب ما انصح فيها كلش لانها تنتف شعر الحاجب اكتفي بالتاتو او الماسكارا وضبطيهم بالفرشاه الخااصه))
10- الشدو
اولا الشدو انواع..شدو مضغوط وجاف
شدو كريمي
شدو سائب
شدو مائي
جليتر يحتاج لجل لتثبيته
الشدو احلى الألوان موجودة عند شارمل…ماك..ميك اب فور ايفير
ولايطوووفكم المائي عند شارمل اللي يجي ست الوان ب12 دينار
الوانه روعه فضي وذهبي وبرتقالي وخمري وزيتي وناسيه الباقي
وكذلك تجي منه فواتح
طبعا نوعي مابين الوان فاتحه والوان غامجه ولامعه للسهره
واللي يناسب ملابسك
هذا يبيله ايد شاطره موجود عند ميك اب فور ايفير :d
11-البلاشر
لازم تكون عندك الوان مرنه
وردي فاتح وغامج
مشمشي
برونزي
جيفنشي…نينا ريتشي…كانيبو..عندهم درجات حلوة
12- احمر الشفاه
اولا ……الليب ستيك
طبعا انواع..فيه المطفي (المات)وفيه اللامع او الدهني
وممكن يكون على شكل اصبع او يوضع بفرشاته الخاصه
احب حمر جيفنشي…جيرلان…ديور…شارمل عندهم الوان حلوة
ثانيا …..الليب جلوس
اخذي شفاف… على اساس تستخدمينه مع اي حمره عاديه عندك
واخذي بلمعة ذهبيه وبلمعه فضيه
والالوان اللي تعجبج
عندج مايبلين صح رخيصه بس ثابته نوعا ما
جربت ديور ماتثبت وايد
كذلك ايرث ايند اللي بسوق شرق…تخصصهم الليب جلوس روووعه صراحه هالماركه بالليب جلوسات حتى لمعته غريبه وثابت
وكذلك عندك المجموعه الاخيره من ماك الوانها روووعه وثابته
13 – قلم تحديد الشفاه
نقيها بحيث تناسب الوان حمرك..موشرط تكون ماركة غاليه عندك برجواز ..لوريال …مايبلين..ماكس فاكتور
14- مثبت مكياج
من جيفنشي ..غالبية الصالونات تستخدمه علبته لونها ابيض قيمته سبع دنانير
طبعا بعد ماتخلصين مكياجك تحطينه على بعد25 او 30 سم وتغمضين عيونك بكل استرخاء وتبخين بحدود خمس بخات على السريع ومن بعيد لين يجف بعدها بطلي عيونك
وممكن تستخدمين السيرم من بايوت قبل ماتحطين مرطب البشره..يثبت الماكياج كذلك ويعطي نضاره
15 – أدوات المكياج
فرشاة للبودرة السائبه
فرشاة لبودرة الخدود
مشط للحاجب
فرشاة لأحمر الشفاه
ريشة للكحل السائل وتكون دقيقه نوعا ما
فرش متنوعة الاشكال للشدو
اسفنج لتوزيع كريم الاساس
طبعا علبة اعواد قطنيه
طبعا الفرش الزينه تحصلينها عند ماك ميك اب فور ايفير بوبي براون شارمل بس ارخصهم ميك اب فور ايفير
وممكن كذلك تاخذين فرش بودي شوب بس اشكالهم معدوده بعكس باقي الماركات
16 -جنطة صغيره للمكياج
بطلعاتج العاديه
وجنطه كبيره نوعا مالحفظ مكياجك وادواتك وللسفر
تحصلينها في لاند مارك "سنتر بوينت" بأحجام واشكال مختلفه
ممكن تحصلينها كذلك عند بيضون …ماك ..ميك اب فور ايفير بس لاند مارك ارخصهم وبنفس الوقت جودتها عاليه
افضل جناط الميك اب تكون شفافه على اساس ماتتعبين بالبحث
17 – مجموعة تنظيف وترطيب وعنايه
من الافضل تاخذينها من ماركة وحده على اساس مكوناتها تكمل بعض
وطبعا الماركة والنوع يعتمد على نوع بشرتك
تحتاجين
منظف الوجه اليومي
منظف مكياج العيون
مرطب الوجه اليومي
مرطب العيون..يستخدم كمرطب وكذلك كحمايه قبل المكياج
ماسك اسبوعي
سنفره اسبوعيه
سن بلوك كحمايه من الشمس
من الماركات الحلوة…بايوت..كلينك..
كلارنس …روك..كانيبو…كلها طبيه وتجميليه بنفس الوقت
ديور وشانيل كذلك حلوين لانكوم مش بطاله
=============================
طبعا كل الماركات السابقه اقتراحات مجربتها من عندي
وطبعا كل وحده تاخذ الماركة اللي تناسبها
واتمنى ان الموضوع غطى كل الجوانب
اذا في شي نسيته ياريت تضيفونه
واتمنى انه نال رضاكم 
تحياااااااااتــــــي
جزاج الله خير
موضوع روعة
قوليلي انا بشرتي دهنية وكله حبوب شنو احسن شيء؟
كفيتي ووفيتي
يسلموووووا
موضووووووووووووووووووع عجيييييييييييييييييب سيفته عندي عشان مانسىىىىىىى شي
بس سؤؤؤؤؤؤؤؤؤؤؤؤؤال؟؟
انا عرسي بعد 6 شهوورررر تنصحيني اشتري واجمع من الحين هالسوالف ولالا؟؟ ولا يخرب المكياج؟؟
ومشكوووووووووووووووووووووووره يالغلاااااااااااااااااااااااا حيل استفدت