تجميل انفي مع د.علاء النجار بالصور

السلام عليكم
ومساااااااااااء الخير للجميع
اول مشاركه لي طبعا وتوه متفعل حسابي

مابغو
حبيت انقل تجربتي لكم زي مانتم شاركتونا تجاربكم
مابطول عليكم

انا من يوم صغيره كنت اكره شكل انفي لسبب اني طحت عليه وصار فيه ميلان خفيف
صح مو ملاحظ بس انا بطبعي حيل دقيقه
كبرت وقلت لابوي مشكلتي قال لي طيب
سويتها من 7 سنوات
بالاردن
طبعا كل شئ كان من بحث ابوي يعني اعتمدت عليه اعتماد كلي
وغير شكل كان نفس عندي بفتحه وحده بس واتضايق
المهم سافرنا
وسويت تجميليه وجيوب انفيه بنفس الوقت
نحت لي العضم وحط لي جبس وبعد اسبوع فكه
كان احلا من قبل ومتورم ف مستحيل بحكم على العمليه لين يفش الورم
كان دكتور اسمه نائل بعمان

رجعنا سعوديه وبعد 3 شهور بانت نتيجه
ارنبة الانف نازله لتحت بطريقه ماعجبتني
يعني صلح فوق و خرب تحت
كلفتني 13 الف ريال

ومن لحظتها بدا عندي الهوس اني اصلح هالارنبه
رحت لاغلب الدكاتره
قد ماكانت هالشغله بعيون الكل شئ تافه قد ماكانت تضايقني
وماتبي حيالله دكتور لان شغل دقيق بيكون
يعني لو انف كبير سهله ينحت ويجبس وانتهينا
كانت امي دايما تحطمني لاتسوينها اتركيها
وابوي مصر يرجعني للاردن للي سواها
وانا احترت بينهم
كنت اقول ليش ارجع لدكتور مااتقن عمله

قلت هالمره غير انا بسوي بحث بنفسي
وطبعا كنت خجلانه من اهلي يسفروني ايران او مكان بعيد
قلت عالله القى بالشرقيه دكتور كويس

كنت ضايعه ماعندي خلفيه بدكاترة تجميل والكل معارض حسيت نفسي بحرب هههههههه
ويوم قريت عن علاء النجار
الي تقول خرب
والي تقول ضبطني
احترت
ولكن بالنهايه انا عندي قناعه الشغله نسبيه زي الجمال
يعني اشياء واجد تاثر مو بس الدكتور
وبنسبة 60بالميه حسيت لازم ازوره واكشف واتكلم معاه
حجزت موعد بمستشفى مغربي وقالو بعد شهر ومر الشهر وجا الموعد الضايع
دخلت وسلمت
ونفس انطباع أي بنت شافته الدكتور كان واثق بنفسه
قلت بساله سوال ذكي يحدد شطارته
قال ايش مشكلتك ؟
قلت انا مشكلتي ب انفي بس انت قول لي وش يحتاج انفي ؟؟
قرب مني
قال عظمك كويس بس الي لاحظتو من كشفتي وجهك ارنبتك وانتي مسويه قبل عمليه وشال لك غضروف من جهة وترك الثانيه
بس علميني انتي وش تبين
قلت انت كفيت ووفيت نفس الي بقوله انت قلته
قال انزلي للمحاسبه اتفقو على سعر
مغصني بطني قلت الله يستر
كل الدكاتره الي استشرتهم قبل كانو يقولون شغلتك بس بالارنبه بحدود 5 الاف

نزلت لواحد مصري اسمو رشدي
قال لي 13500
رجعت بيت صليت استخاره وقررت اسويها
وتحددت عمليه 3 يوم
ساعه 9 صباح وصلت عل8 جهزوني وكل شئ بعدين دخلوني عمليات
قلت ل دكتور بتحط لي جبس قال لا بس غرزه

تشهدت وقريت قران وعطوني بنج

صحيت بغرفة الافاقه اصييييييييييييييييييييح من الالم
الم فضيع وقاتل
عمليتي بالاردن ماكانت كذا
الم بحلقي
وانفي فيه جبيره
وعطش
وكل شئ

مر دكتور قال كلشي تمام وسوي موعد نشوفك اخر شهر
وراححححح سافر وكملت مراجعتي مع دكتور مساعد عادي مو تجميل دكتور انف

معقول بس كذا ؟؟
ماصرف لي بخاخ
ولا مرهم
ولا علمني مساج زيكم ابددددد بس مضاد و مسكن
والاعظم
قال فتايل تبقى 72 ساعه لاااااااااااااااا ببقى 3 ايام يعني
اصعب شئ النفس
قضيت 3 ايام كنهم 3 سنين
تعب وحرقه بالحلق
وبعد 3 ايام شلتهم بعدين مر اسبوع وشال الجبيره الي ماعرف ليه حطها وهو مااشتغل على عظم

اول ماشال الجبيره كننت متحمسه وخايفه
مسكت المرايه اناظر
مافي شئ تغير او عشان مااكون كذابه التغير مو ملاحظ
ماعرف من تورم او شئ ثاني
والي ضايقني اكثر فتحات الانف وحده اكبر من ثانيه

طبعا لو اقولكم ان لي 9 ايام يمكن تكفخوني بس مايحتاج اجلس 3 شهور لان شغلي بسيط

خلاصة الموضوع
احس صح قص من الارنبه بس كن صار خشمي ممطوط لفوق بزياده

وهل بترجع فتحة انفي نفس ثانيه ؟؟ خصوصا الشغل اغلبه بفتحة الانف ؟؟

الحمدلله على سلامتك
بس ليه مافكرتي تروحين دكتور غيره
ناس تمدحه وناس تذمه
كنت بروح له بس دامه مايغير شي وش الفايده
ياليتك تنزلين صوره ل انفك

قبل العمليه

معليش ترا ماعرف انزل صور
المهم اتركو تصميم وركزو بالانف :d

هنا من الجنب

الله يسلمك
لان ماكنت ابي تغير جذري
ابي احد يتقن لي الارنبه

كان حلو خشمك والحين صار احلى مرتب مشاءالله مرررره عجبني ليه ماعجبك طالع مرتب بسم الله عليك
الصوره اللي على جنب مافتحت

هنا قبل عمليه من جنب كانت الارنبه كان لها راسين تحت بعض او منطقه كلها كيرف

ماشاءالله التغير ملحوظ وعجيييب
الله يهنيچ فيه

كان خشمك مرفوع
الحين كيف صار بعد العمليه

فيه الصوره الي قبل الاخيره الي الارنبه مرتفعه هذي العمليه الي عند النجار الاخيره ؟؟ والي قبل هالصوره هي الي عند الاردني ؟؟

التغير ملااااحظ
والرفعه بتنزل مع مر السنين
لا تخافين
بالعكس في بعضهم ردوا يسون عمليه مره ثانيه لان نزلت خشامهم

ماشالله خشمك كان من اول ممتاز خصوصا العضم شغل الاردني مظبوط
وعلاء النجار كمل الارنبه صحيح كانت محتاجه تعديل طيب انتي تقولين ان الدكتور الاردني شايل غضروف من جهه من الارنبه هل عدلها علاء النجار ورجع زرعلك غضروف
وبكم الاستشاره عنده وياليت تتابعين الموضوع نبي نشوف انفك بعد كم شهر اذا خف الورم

تسلمين حب
احسو ممطوط زي زحليقه مافي تجانس

هذا الي كان ودي اسمعه
ابي تغير يصير ملحووووووظ بس للاسف مو مبين احس